ತೈತ್ತಿರೀಯ ಬ್ರಾಹ್ಮಣ 1. 3. 3. 7
ಹಿ॒ರ॒ಣ್ಯ॒ಪಾ॒ತ್ರಂ
ಓಂ ಹಿ॒ರ॒ಣ್ಯ॒ಪಾ॒ತ್ರಂ ಮಧೋಃ᳚ ಪೂ॒ರ್ಣಂ ದ॑ದಾತಿ। ಮ॒ಧ॒ವ್ಯೋ॑ಽಸಾ॒ನೀತಿ॑। ಏ॒ಕ॒ಧಾ ಬ್ರ॒ಹ್ಮಣ॒ ಉಪ॑ಹರತಿ। ಏ॒ಕ॒ಧೈವ ಯಜ॑ಮಾನ॒ ಆಯು॒ಸ್ತೇಜೋ॑ ದಧಾತಿ॥
ತೈತ್ತಿರೀಯ ಬ್ರಾಹ್ಮಣ 1. 3. 3. 7
ತಸ್ಮಾ᳚ದ್ವಾಜಪೇಯಯಾ॒ಜೀ
ಓಂ ತಸ್ಮಾ᳚ದ್ವಾಜಪೇಯಯಾ॒ಜೀ ಪೂ॒ತೋ ಮೇಧ್ಯೋ॑ ದಕ್ಷಿ॒ಣ್ಯಃ॑। ಪ್ರಾಙುದ್ರ॑ವತಿ ಸೋಮಗ್ರ॒ಹೈಃ। ಅ॒ಮುಮೇ॒ವ ತೈರ್ಲೋ॒ಕಮ॒ಭಿಜ॑ಯತಿ। ಪ್ರ॒ತ್ಯಂಖ್ಸು॑ರಾಗ್ರ॒ಹೈಃ। ಇ॒ಮಮೇ॒ವ ತೈರ್ಲೋ॒ಕಮ॒ಭಿಜ॑ಯತಿ। ಪ್ರತಿ॑ಷ್ಠಂತಿ ಸೋಮಗ್ರ॒ಹೈಃ। ಯಾವ॑ದೇ॒ವ ಸ॒ತ್ಯಂ। ತೇನ॑ ಸೂಯತೇ। ವಾ॒ಜ॒ಸೃದ್ಭ್ಯಃ॑ ಸುರಾಗ್ರ॒ಹಾನ್ ಹ॑ರಂತಿ। ಅನೃ॑ತೇನೈ॒ವ ವಿಶ॒ಗ್ಂ॒ ಸಗ್ಂಸೃ॑ಜತಿ। ಹಿ॒ರ॒ಣ್ಯ॒ಪಾ॒ತ್ರಂ ಮಧೋಃ᳚ ಪೂ॒ರ್ಣಂ ದ॑ದಾತಿ। ಮ॒ಧ॒ವ್ಯೋ॑ಽಸಾ॒ನೀತಿ॑। ಏ॒ಕ॒ಧಾ ಬ್ರ॒ಹ್ಮಣ॒ ಉಪ॑ಹರತಿ। ಏ॒ಕ॒ಧೈವ ಯಜ॑ಮಾನ॒ ಆಯು॒ಸ್ತೇಜೋ॑ ದಧಾತಿ॥
ತೈತ್ತಿರೀಯ ಬ್ರಾಹ್ಮಣ 3. 8. 1. 1
ಸಾಂ॒ಗ್ರ॒ಹ॒ಣ್ಯೇಷ್ಟ್ಯಾ॑ ಯಜತೇ
ಓಂ ಸಾಂ॒ಗ್ರ॒ಹ॒ಣ್ಯೇಷ್ಟ್ಯಾ॑ ಯಜತೇ। ಇ॒ಮಾಂ ಜ॒ನತಾ॒ಗ್ಂ ಸಂಗೃ॑ಹ್ಣಾ॒ನೀತಿ॑। ದ್ವಾದ॑ಶಾರತ್ನೀ ರಶ॒ನಾ ಭ॑ವತಿ। ದ್ವಾದ॑ಶ॒ ಮಾಸಾಃ᳚ ಸಂವಥ್ಸ॒ರಃ। ಸಂ॒ವ॒ಥ್ಸ॒ರಮೇ॒ವಾವ॑ರುಂಧೇ। ಮೌಂ॒ಜೀ ಭ॑ವತಿ। ಊರ್ಗ್ವೈ ಮುಂಜಾಃ᳚। ಊರ್ಜ॑ಮೇ॒ವಾವ॑ರುಂಧೇ। ಚಿ॒ತ್ರಾ ನಕ್ಷ॑ತ್ರಂ ಭವತಿ। ಚಿ॒ತ್ರಂ ವಾ ಏ॒ತತ್ಕರ್ಮ॑। ಯದ॑ಶ್ವಮೇ॒ಧಃ ಸಮೃ॑ದ್ಧ್ಯೈ॥
ತೈ.ಸಂ. 5. 4. 12
ಪರ್ಯಾ᳚ಪ್ತ್ಯಾ॒ ಅನಂ॑ತರಾಯಾಯ॒
ಓಂ ಪರ್ಯಾ᳚ಪ್ತ್ಯಾ॒ ಅನಂ॑ತರಾಯಾಯ॒ ಸರ್ವ॑ಸ್ತೋಮೋಽತಿರಾ॒ತ್ರ ಉ॑ತ್ತ॒ಮಮಹ॑ರ್ಭವತಿ॒ ಸರ್ವ॒ಸ್ಯಾಪ್ತ್ಯೈ॒ ಸರ್ವ॑ಸ್ಯ॒ ಜಿತ್ಯೈ॒ ಸರ್ವ॑ಮೇ॒ವ ತೇನಾ᳚ಪ್ನೋತಿ॒ ಸರ್ವಂ॑ ಜಯತಿ॥
ತೈತ್ತಿರೀಯ ಬ್ರಾಹ್ಮಣ 3. 5. 10. 4, 5
ಆಶಾ᳚ಸ್ತೇ॒ಽಯಂ
ಓಂ ಆಶಾ᳚ಸ್ತೇ॒ಽಯಂ ಯಜ॑ಮಾನೋ॒ಽಸೌ। ಆಯು॒ರಾಶಾ᳚ಸ್ತೇ। ಸು॒ಪ್ರ॒ಜಾ॒ಸ್ತ್ವಮಾಶಾ᳚ಸ್ತೇ। ಸ॒ಜಾ॒ತ॒ವ॒ನ॒ಸ್ಯಾಮಾಶಾ᳚ಸ್ತೇ। ಉತ್ತ॑ರಾಂ ದೇವಯ॒ಜ್ಯಾಮಾಶಾ᳚ಸ್ತೇ। ಭೂಯೋ॑ ಹವಿ॒ಷ್ಕರ॑ಣ॒ಮಾಶಾ᳚ಸ್ತೇ। ದಿ॒ವ್ಯಂ ಧಾಮಾಶಾ᳚ಸ್ತೇ। ವಿಶ್ವಂ॑ ಪ್ರಿ॒ಯಮಾಶಾ᳚ಸ್ತೇ। ಯದ॒ನೇನ॑ ಹ॒ವಿಷಾಽಽಶಾ᳚ಸ್ತೇ। ತದ॑ಶ್ಯಾ॒ತ್ತದೃ॑ದ್ಧ್ಯಾತ್। ತದ॑ಸ್ಮೈ ದೇ॒ವಾ ರಾ॑ಸಂತಾಂ। ತದ॒ಗ್ನಿರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ। ವ॒ಯಮ॒ಗ್ನೇರ್ಮಾನು॑ಷಾಃ। ಇ॒ಷ್ಟಂ ಚ॑ ವೀ॒ತಂ ಚ॑। ಉ॒ಭೇ ಚ॑ ನೋ॒ ದ್ಯಾವಾ॑ಪೃಥಿ॒ವೀ ಅಗ್ಂಹ॑ಸಃ ಸ್ಪಾತಾಂ। ಇ॒ಹ ಗತಿ॑ರ್ವಾ॒ಮಸ್ಯೇ॒ದಂ ಚ॑। ನಮೋ॑ ದೇ॒ವೇಭ್ಯಃ॑॥
ತೈತ್ತಿರೀಯ ಬ್ರಾಹ್ಮಣ 1. 4. 2. 4
ಸೋಮೋ॒ ವಾ
ಓಂ ಸೋಮೋ॒ ವಾ ಏ॒ತಸ್ಯ॑ ರಾ॒ಜ್ಯಮಾದ॑ತ್ತೇ। ಯೋ ರಾಜಾ॒ ಸನ್ರಾ॒ಜ್ಯೋ ವಾ॒ ಸೋಮೇ॑ನ॒ ಯಜ॑ತೇ। ದೇ॒ವ॒ಸು॒ವಾಮೇ॒ತಾನಿ॑ ಹ॒ವೀಗ್ಂಷಿ॑ ಭವಂತಿ। ಏ॒ತಾವಂ॑ತೋ॒ ವೈ ದೇ॒ವಾನಾಗ್ಂ॑ ಸ॒ವಾಃ। ತ ಏ॒ವಾಸ್ಮೈ॑ ಸ॒ವಾನ್ಪ್ರಯ॑ಚ್ಛಂತಿ। ತ ಏ॑ನಂ॒ ಪುನಃ॑ ಸುವಂತೇ ರಾ॒ಜ್ಯಾಯ॑। ದೇ॒ವ॒ಸೂ ರಾಜಾ॑ ಭವತಿ॥
ತೈತ್ತಿರೀಯ ಬ್ರಾಹ್ಮಣ 1. 6. 10. 5
ತ್ರ್ಯಂ॑ಬಕಂ ಯಜಾಮಹ॒
ಓಂ ತ್ರ್ಯಂ॑ಬಕಂ ಯಜಾಮಹ॒ ಇತ್ಯಾ॑ಹ। ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ॒ದಿತಿ॒ ವಾವೈತದಾ॑ಹ। ಉತ್ಕಿ॑ರಂತಿ। ಭಗ॑ಸ್ಯ ಲೀಪ್ಸಂತೇ। ಮೂತೇ॑ ಕೃ॒ತ್ವಾಽಽಸ॑ಜಂತಿ। ಯಥಾ॒ ಜನಂ॑ ಯ॒ತೇ॑ಽವ॒ಸಂ ಕ॒ರೋತಿ॑। ತಾ॒ದೃಗೇ॒ವ ತತ್। ಏ॒ಷ ತೇ॑ ರುದ್ರ ಭಾ॒ಗ ಇತ್ಯಾ॑ಹ ನಿ॒ರವ॑ತ್ತ್ಯೈ। ಅಪ್ರ॑ತೀಕ್ಷ॒ಮಾಯಂ॑ತಿ। ಅ॒ಪಃ ಪರಿ॑ಷಿಂಚತಿ। ರು॒ದ್ರಸ್ಯಾಂ॒ತರ್ಹಿ॑ತ್ಯೈ। ಪ್ರ ವಾ ಏ॒ತೇ᳚ಽಸ್ಮಾಲ್ಲೋ॒ಕಾಚ್ಚ್ಯ॑ವಂತೇ। ಯೇ ತ್ರ್ಯಂ॑ಬಕೈ॒ಶ್ಚರಂ॑ತಿ। ಆ॒ದಿ॒ತ್ಯಂ ಚ॒ರುಂ ಪುನ॒ರೇತ್ಯ॒ ನಿರ್ವ॑ಪತಿ। ಇ॒ಯಂ ವಾ ಅದಿ॑ತಿಃ। ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠಂತಿ॥
ತೈತ್ತಿರೀಯ ಬ್ರಾಹ್ಮಣ 2. 1. 8. 3
ಐಂ॒ದ್ರಾ॒ಗ್ನಮುಪ॑ಸಾದಿತಂ
ಓಂ ಐಂ॒ದ್ರಾ॒ಗ್ನಮುಪ॑ಸಾದಿತಂ। ಸರ್ವಾ᳚ಭ್ಯೋ॒ ವಾ ಏ॒ಷ ದೇ॒ವತಾ᳚ಭ್ಯೋ ಜುಹೋತಿ। ಯೋ᳚ಽಗ್ನಿಹೋ॒ತ್ರಂ ಜು॒ಹೋತಿ॑। ಯಥಾ॒ ಖಲು॒ ವೈ ಧೇ॒ನುಂ ತೀ॒ರ್ಥೇ ತ॒ರ್ಪಯ॑ತಿ। ಏ॒ವಮ॑ಗ್ನಿಹೋ॒ತ್ರೀ ಯಜ॑ಮಾನಂ ತರ್ಪಯತಿ। ತೃಪ್ಯ॑ತಿ ಪ್ರ॒ಜಯಾ॑ ಪ॒ಶುಭಿಃ॑। ಪ್ರ ಸು॑ವ॒ರ್ಗಂ ಲೋ॒ಕಂ ಜಾ॑ನಾತಿ। ಪಶ್ಯ॑ತಿ ಪು॒ತ್ರಂ। ಪಶ್ಯ॑ತಿ॒ ಪೌತ್ರಂ᳚। ಪ್ರ ಪ್ರ॒ಜಯಾ॑ ಪ॒ಶುಭಿ॑ರ್ಮಿಥು॒ನೈರ್ಜಾ॑ಯತೇ। ಯಸ್ಯೈ॒ವಂ ವಿ॒ದುಷೋ᳚ಽಗ್ನಿಹೋ॒ತ್ರಂ ಜುಹ್ವ॑ತಿ। ಯ ಉ॑ ಚೈನದೇ॒ವಂ ವೇದ॑॥
ತೈತ್ತಿರೀಯ ಬ್ರಾಹ್ಮಣ 2. 1. 11. 1
ಋ॒ತಂ ತ್ವಾ॑ ಸ॒ತ್ಯೇನ॒
ಓಂ ಋ॒ತಂ ತ್ವಾ॑ ಸ॒ತ್ಯೇನ॒ ಪರಿ॑ಷಿಂಚಾ॒ಮೀತಿ॑ ಸಾ॒ಯಂ ಪರಿ॑ಷಿಂಚತಿ। ಸ॒ತ್ಯಂ ತ್ವ॒ರ್ತೇನ॒ ಪರಿ॑ಷಿಂಚಾ॒ಮೀತಿ॑ ಪ್ರಾ॒ತಃ। ಅ॒ಗ್ನಿರ್ವಾ ಋ॒ತಂ। ಅ॒ಸಾವಾ॑ದಿ॒ತ್ಯಃ ಸ॒ತ್ಯಂ। ಅ॒ಗ್ನಿಮೇ॒ವ ತದಾ॑ದಿ॒ತ್ಯೇನ॑ ಸಾ॒ಯಂ ಪರಿ॑ಷಿಂಚತಿ। ಅ॒ಗ್ನಿನಾ॑ದಿ॒ತ್ಯಂ ಪ್ರಾ॒ತಃ ಸಃ। ಯಾವ॑ದಹೋರಾ॒ತ್ರೇ ಭವ॑ತಃ। ತಾವ॑ದಸ್ಯ ಲೋ॒ಕಸ್ಯ॑। ನಾರ್ತಿ॒ರ್ನರಿಷ್ಟಿಃ॑। ನಾಂತೋ॒ ನ ಪ॑ರ್ಯಂ॒ತೋ᳚ಽಸ್ತಿ। ಯಸ್ಯೈ॒ವಂ ವಿ॒ದುಷೋ᳚ಽಗ್ನಿಹೋ॒ತ್ರಂ ಜುಹ್ವ॑ತಿ। ಯ ಉ॑ ಚೈನದೇ॒ವಂ ವೇದ॑॥
ತೈತ್ತಿರೀಯ ಬ್ರಾಹ್ಮಣ 1. 2. 1. 25, 26
ನರ್ಯ॑ ಪ್ರ॒ಜಾಂ
ಓಂ ನರ್ಯ॑ ಪ್ರ॒ಜಾಂ ಮೇ॑ ಗೋಪಾಯ। ಅ॒ಮೃ॒ತ॒ತ್ವಾಯ॑ ಜೀ॒ವಸೇ᳚। ಜಾ॒ತಾಂ ಜ॑ನಿ॒ಷ್ಯಮಾ॑ಣಾಂ ಚ। ಅ॒ಮೃತೇ॑ ಸ॒ತ್ಯೇ ಪ್ರತಿ॑ಷ್ಠಿತಾಂ। ಅಥ॑ರ್ವ ಪಿ॒ತುಂ ಮೇ॑ ಗೋಪಾಯ। ರಸ॒ಮನ್ನ॑ಮಿ॒ಹಾಯು॑ಷೇ। ಅದ॑ಬ್ಧಾ॒ಯೋಽಶೀ॑ತತನೋ। ಅವಿ॑ಷಂ ನಃ ಪಿ॒ತುಂ ಕೃ॑ಣು। ಶಗ್ಗ್ಸ್ಯ॑ ಪ॒ಶೂನ್ಮೇ॑ ಗೋಪಾಯ। ದ್ವಿ॒ಪಾದೋ॒ ಯೇ ಚತು॑ಷ್ಪದಃ। ಅ॒ಷ್ಟಾಶ॑ಫಾಶ್ಚ॒ ಯ ಇ॒ಹಾಗ್ನೇ᳚। ಯೇ ಚೈಕ॑ಶಫಾ ಆಶು॒ಗಾಃ। ಸಪ್ರ॑ಥ ಸ॒ಭಾಂ ಮೇ॑ ಗೋಪಾಯ। ಯೇ ಚ॒ ಸಭ್ಯಾಃ᳚ ಸಭಾ॒ಸದಃ॑। ತಾನಿಂ॑ದ್ರಿ॒ಯಾವ॑ತಃ ಕುರು। ಸರ್ವ॒ಮಾಯು॒ರುಪಾ॑ಸತಾಂ। ಅಹೇ॑ ಬುಧ್ನಿಯ॒ ಮಂತ್ರಂ॑ ಮೇ ಗೋಪಾಯ। ಯಮೃಷ॑ಯಸ್ತ್ರೈವಿ॒ದಾ ವಿ॒ದುಃ। ಋಚಃ॒ ಸಾಮಾ॑ನಿ॒ ಯಜೂಗ್ಂಷಿ। ಸಾ ಹಿ ಶ್ರೀರ॒ಮೃತಾ॑ ಸ॒ತಾಂ॥
ತೈ.ಆ. 0. 3. 12. 39
ವೇದಾ॒ಹಮೇ॒ತಂ
ಓಂ ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತಂ᳚ । ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ । ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒, ಯದಾಸ್ತೇ᳚॥
ತೈತ್ತಿರೀಯ ಬ್ರಾಹ್ಮಣ 1. 4. 2. 4
ಯಸ್ತೇ॑ ದೇವ ವರುಣ
ಓಂ ಯಸ್ತೇ॑ ದೇವ ವರುಣ ಗಾಯ॒ತ್ರಛಂ॑ದಾಃ॒ ಪಾಶಃ॑। ತಂ ತ॑ ಏ॒ತೇನಾವ॑ಯಜೇ। ಯಸ್ತೇ॑ ದೇವ ವರುಣ ತ್ರಿ॒ಷ್ಟುಪ್ಛಂ॑ದಾಃ॒ ಪಾಶಃ॑। ತಂ ತ॑ ಏ॒ತೇನಾವ॑ಯಜೇ। ಯಸ್ತೇ॑ ದೇವ ವರುಣ॒ ಜಗ॑ತೀಛಂದಾಃ॒ ಪಾಶಃ॑। ತಂ ತ॑ ಏ॒ತೇನಾವ॑ಯಜೇ। ಸೋಮೋ॒ ವಾ ಏ॒ತಸ್ಯ॑ ರಾ॒ಜ್ಯಮಾದ॑ತ್ತೇ। ಯೋ ರಾಜಾ॒ ಸನ್ರಾ॒ಜ್ಯೋ ವಾ॒ ಸೋಮೇ॑ನ॒ ಯಜ॑ತೇ। ದೇ॒ವ॒ಸು॒ವಾಮೇ॒ತಾನಿ॑ ಹ॒ವೀಗ್ಂಷಿ॑ ಭವಂತಿ। ಏ॒ತಾವಂ॑ತೋ॒ ವೈ ದೇ॒ವಾನಾಗ್ಂ॑ ಸ॒ವಾಃ। ತ ಏ॒ವಾಸ್ಮೈ॑ ಸ॒ವಾನ್ಪ್ರಯ॑ಚ್ಛಂತಿ। ತ ಏ॑ನಂ॒ ಪುನಃ॑ ಸುವಂತೇ ರಾ॒ಜ್ಯಾಯ॑। ದೇ॒ವ॒ಸೂ ರಾಜಾ॑ ಭವತಿ॥
ತೈತ್ತಿರೀಯ ಬ್ರಾಹ್ಮಣ 3. 9. 2. 4
ವಿ॒ರಾಜ॑ಮೇ॒ವ ತೈರಾ॒ಪ್ತ್ವಾ
ಓಂ ವಿ॒ರಾಜ॑ಮೇ॒ವ ತೈರಾ॒ಪ್ತ್ವಾ ಯಜ॑ಮಾ॒ನೋಽವ॑ರುಂಧೇ। ಏಕಾ॑ದಶ ದ॒ಶತ॒ ಆಲ॑ಭ್ಯಂತೇ। ಏಕಾ॑ದಶಾಕ್ಷರಾ ತ್ರಿ॒ಷ್ಟುಪ್। ತ್ರೈಷ್ಟು॑ಭಾಃ ಪ॒ಶವಃ॑। ಪ॒ಶೂನೇ॒ವಾವ॑ರುಂಧೇ। ವೈ॒ಶ್ವ॒ದೇ॒ವೋ ವಾ ಅಶ್ವಃ॑। ನಾ॒ನಾ॒ದೇ॒ವ॒ತ್ಯಾಃ᳚ ಪ॒ಶವೋ॑ ಭವಂತಿ। ಅಶ್ವ॑ಸ್ಯ ಸರ್ವ॒ತ್ವಾಯ॑। ನಾನಾ॑ರೂಪಾ ಭವಂತಿ। ತಸ್ಮಾ॒ನ್ನಾನಾ॑ರೂಪಾಃ ಪ॒ಶವಃ॑। ಬ॒ಹು॒ರೂ॒ಪಾ ಭ॑ವಂತಿ। ತಸ್ಮಾ᳚ದ್ಬಹುರೂ॒ಪಾಃ ಪ॒ಶವಃ॒ ಸಮೃ॑ದ್ಧ್ಯೈ॥
ತೈತ್ತಿರೀಯ ಬ್ರಾಹ್ಮಣ 1. 1. 10. 6
ತೇನ॒ ಸೋ᳚ಽಸ್ಯಾ॒ಭೀಷ್ಟಃ॑
ಓಂ ತೇನ॒ ಸೋ᳚ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ। ಯಥ್ಸ॒ಭಾಯಾಂ᳚ ವಿ॒ಜಯಂ॑ತೇ। ತೇನ॒ ಸೋ᳚ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ। ಯದಾ॑ವಸ॒ಥೇಽನ್ನ॒ಗ್ಂ॒ ಹರಂ॑ತಿ। ತೇನ॒ ಸೋ᳚ಽಸ್ಯಾ॒ಭೀಷ್ಟಃ॑ ಪ್ರೀ॒ತಃ। ತಥಾ᳚ಽಸ್ಯ॒ ಸರ್ವೇ᳚ ಪ್ರೀ॒ತಾ ಅ॒ಭೀಷ್ಟಾ॒ ಆಧೀ॑ಯಂತೇ। ಪ್ರ॒ವ॒ಸ॒ಥಮೇ॒ಷ್ಯನ್ನೇ॒ವಮುಪ॑ತಿಷ್ಠೇ॒ತೈಕ॑ಮೇಕಂ। ಯಥಾ᳚ ಬ್ರಾಹ್ಮ॒ಣಾಯ॑ ಗೃಹೇವಾ॒ಸಿನೇ॑ ಪರಿ॒ದಾಯ॑ ಗೃ॒ಹಾನೇತಿ॑। ತಾ॒ದೃಗೇ॒ವ ತತ್। ಪುನ॑ರಾ॒ಗತ್ಯೋಪ॑ತಿಷ್ಠತೇ। ಸಾಽಭಾ॑ಗೇಯಮೇ॒ವೈಷಾಂ॒ ತತ್। ಸಾ ತತ॑ ಊ॒ರ್ಧ್ವಾರೋ॑ಹತ್। ಸಾ ರೋ॑ಹಿ॒ಣ್ಯ॑ಭವತ್। ತದ್ರೋ॑ಹಿ॒ಣ್ಯೈ ರೋ॑ಹಿಣಿ॒ತ್ವಂ। ರೋ॒ಹಿ॒ಣ್ಯಾಮ॒ಗ್ನಿಮಾದ॑ಧೀತ। ಸ್ವ ಏ॒ವೈನಂ॒ ಯೋನೌ॒ ಪ್ರತಿ॑ಷ್ಠಿತ॒ಮಾಧ॑ತ್ತೇ। ಋ॒ಧ್ನೋತ್ಯೇ॑ನೇನ॥
ತೈತ್ತಿರೀಯ ಬ್ರಾಹ್ಮಣ 3. 9. 3. 2, 3
ಬ್ರ॒ಹ್ಮ॒ವಾ॒ದಿನೋ॑ ವದಂತಿ
ಓಂ ಬ್ರ॒ಹ್ಮ॒ವಾ॒ದಿನೋ॑ ವದಂತಿ। ಕಸ್ಮಾ᳚ಥ್ಸ॒ತ್ಯಾತ್। ಅ॒ಸ್ಮಿಂ ಲ್ಲೋ॒ಕೇ ಬ॒ಹವಃ॒ ಕಾಮಾ॒ ಇತಿ॑। ಯಥ್ಸ॑ಮಾ॒ನೀಭ್ಯೋ॑ ದೇ॒ವತಾ᳚ಭ್ಯೋ॒ಽನ್ಯೇ᳚ಽನ್ಯೇ ಪ॒ಶವ॑ ಆಲ॒ಭ್ಯಂತೇ᳚। ಅ॒ಸ್ಮಿನ್ನೇ॒ವ ತಂ ಲ್ಲೋ॒ಕೇ ಕಾಮಾಂ᳚ದಧಾತಿ। ತಸ್ಮಾ॑ದ॒ಸ್ಮಿಂ ಲ್ಲೋ॒ಕೇ ಬ॒ಹವಃ॒ ಕಾಮಾಃ᳚। ತ್ರ॒ಯಾ॒ಣಾಂ ತ್ರ॑ಯಾಣಾಗ್ಂ ಸ॒ಹ ವ॒ಪಾ ಜು॑ಹೋತಿ। ತ್ರ್ಯಾ॑ವೃತೋ॒ ವೈ ದೇ॒ವಾಃ। ತ್ರ್ಯಾ॑ವೃತ ಇ॒ಮೇ ಲೋ॒ಕಾಃ। ಏ॒ಷಾಂ ಲೋ॒ಕಾನಾ॒ಮಾಪ್ತ್ಯೈ᳚। ಏ॒ಷಾಂ ಲೋ॒ಕಾನಾಂ॒ ಕ್ಲೃಪ್ತ್ಯೈ᳚। ಪರ್ಯ॑ಗ್ನಿಕೃತಾನಾರ॒ಣ್ಯಾನುಥ್ಸೃ॑ಜಂ॒ತ್ಯಹಿಗ್ಂ॑ಸಾಯೈ॥
ತೈತ್ತಿರೀಯ ಬ್ರಾಹ್ಮಣ 2. 2. 11. 6
ಯದಿ॒ದಂ ಕಿಂಚ॑
ಓಂ ಯದಿ॒ದಂ ಕಿಂಚ॑। ಯ ಏ॒ವಂ ವೇದ॑। ಕಲ್ಪ॑ತೇಽಸ್ಮೈ। ಸ ವಾ ಅ॒ಯಂ ಮ॑ನು॒ಷ್ಯೇ॑ಷು ಯ॒ಜ್ಞಃ ಸ॒ಪ್ತಹೋ॑ತಾ। ಅ॒ಮುತ್ರ॑ ಸ॒ದ್ಭ್ಯೋ ದೇ॒ವೇಭ್ಯೋ॑ ಹ॒ವ್ಯಂ ವ॑ಹತಿ। ಯ ಏ॒ವಂ ವೇದ॑। ಉಪೈ॑ನಂ ಯ॒ಜ್ಞೋ ನ॑ಮತಿ। ಯೋ ವೈ ಚತು॑ರ್ಹೋತೃಣಾಂ ನಿ॒ದಾನಂ॒ ವೇದ॑। ನಿ॒ದಾನ॑ವಾನ್ಭವತಿ। ಅ॒ಗ್ನಿ॒ಹೋ॒ತ್ರಂ ವೈ ದಶ॑ಹೋತುರ್ನಿ॒ದಾನಂ᳚। ದ॒ರ್॒ಶ॒ಪೂ॒ರ್ಣ॒ಮಾ॒ಸೌ ಚತು॑ರ್ಹೋತುಃ। ಚಾ॒ತು॒ರ್ಮಾ॒ಸ್ಯಾನಿ॒ ಪಂಚ॑ಹೋತುಃ। ಪ॒ಶು॒ಬಂ॒ಧಃ ಷಡ್ಢೋ॑ತುಃ। ಸೌ॒ಮ್ಯೋ᳚ಽಧ್ವ॒ರಃ ಸ॒ಪ್ತಹೋ॑ತುಃ। ಏ॒ತದ್ವೈ ಚತು॑ರ್ಹೋತೃಣಾಂ ನಿ॒ದಾನಂ᳚। ಯ ಏ॒ವಂ ವೇದ॑। ನಿ॒ದಾನ॑ವಾನ್ಭವತಿ॥
ತೈತ್ತಿರೀಯ ಬ್ರಾಹ್ಮಣ 2. 3. 1. 3
ಪ್ರತ್ಯೇ॒ವ ತಿ॑ಷ್ಠತಿ
ಓಂ ಪ್ರತ್ಯೇ॒ವ ತಿ॑ಷ್ಠತಿ। ಬ್ರ॒ಹ್ಮ॒ವಾ॒ದಿನೋ॑ ವದಂತಿ। ದಶ॑ಹೋತಾ॒ ಚತು॑ರ್ಹೋತಾ। ಪಂಚ॑ಹೋತಾ॒ ಷಡ್ಢೋ॑ತಾ ಸ॒ಪ್ತಹೋ॑ತಾ। ಅಥ॒ ಕಸ್ಮಾ॒ಚ್ಚತು॑ರ್ಹೋತಾರ ಉಚ್ಯಂತ॒ ಇತಿ॑। ಇಂದ್ರೋ॒ ವೈ ಚತು॑ರ್ಹೋತಾ। ಇಂದ್ರಃ॒ ಖಲು॒ ವೈ ಶ್ರೇಷ್ಠೋ॑ ದೇ॒ವತಾ॑ನಾಮುಪ॒ದೇಶ॑ನಾತ್। ಯ ಏ॒ವಮಿಂದ್ರ॒ಗ್ಗ್॒ ಶ್ರೇಷ್ಠಂ॑ ದೇ॒ವತಾ॑ನಾಮುಪ॒ದೇಶ॑ನಾ॒ದ್ವೇದ॑। ವಸಿ॑ಷ್ಠಃ ಸಮಾ॒ನಾನಾಂ᳚ ಭವತಿ। ತಸ್ಮಾ॒ಚ್ಛ್ರೇಷ್ಠ॑ಮಾ॒ಯಂತಂ॑ ಪ್ರಥ॒ಮೇನೈ॒ವಾನು॑ಬುಧ್ಯಂತೇ। ಅ॒ಯಮಾಗನ್॑। ಅ॒ಯಮವಾ॑ಸಾ॒ದಿತಿ॑। ಕೀ॒ರ್ತಿರ॑ಸ್ಯ॒ ಪೂರ್ವಾಽಽಗ॑ಚ್ಛತಿ ಜ॒ನತಾ॑ಮಾಯ॒ತಃ। ಅಥೋ॑ ಏನಂ ಪ್ರಥ॒ಮೇನೈ॒ವಾನು॑ ಬುಧ್ಯಂತೇ। ಅ॒ಯಮಾಗನ್॑। ಅ॒ಯಮವಾ॑ಸಾ॒ದಿತಿ॑।
ತೈತ್ತಿರೀಯ ಬ್ರಾಹ್ಮಣ 2. 3. 5. 5
ಯದ್ವಾ ಇ॒ದಂ ಕಿಂಚ॑
ಓಂ ಯದ್ವಾ ಇ॒ದಂ ಕಿಂಚ॑। ತಥ್ಸರ್ವಂ॒ ಚತು॑ರ್ಹೋತಾರಃ। ಚತು॑ರ್ಹೋತೃ॒ಭ್ಯೋಽಧಿ॑ ಯ॒ಜ್ಞೋ ನಿರ್ಮಿ॑ತಃ। ಸ ಯ ಏ॒ವಂ ವಿ॒ದ್ವಾನ್, ವಿ॒ವದೇ॑ತ। ಅ॒ಹಮೇ॒ವ ಭೂಯೋ॑ ವೇದ। ಯಶ್ಚತು॑ರ್ಹೋತೄ॒ನ್॒ ವೇದೇತಿ॑। ಸ ಹ್ಯೇ॑ವ ಭೂಯೋ॒ ವೇದ॑। ಯಶ್ಚತು॑ರ್ಹೋತೄ॒ನ್॒ ವೇದ॑। ಯೋ ವೈ ಚತು॑ರ್ಹೋತೃಣಾ॒ಗ್ಂ॒ ಹೋತೄ॒ನ್॒ ವೇದ॑। ಸರ್ವಾ॑ಸು ಪ್ರ॒ಜಾಸ್ವನ್ನ॑ಮತ್ತಿ। ಸರ್ವಾ॒ ದಿಶೋ॒ಽಭಿಜ॑ಯತಿ।
ತೈತ್ತಿರೀಯ ಬ್ರಾಹ್ಮಣ 2. 3. 5. 6.
ಸರ್ವಾ॒ ದಿಶೋ॒ಽಭಿಜ॑ಯತಿ
ಓಂ ಸರ್ವಾ॒ ದಿಶೋ॒ಽಭಿಜ॑ಯತಿ। ಪ್ರ॒ಜಾಪ॑ತಿ॒ರ್ವೈ ದಶ॑ಹೋತೃಣಾ॒ಗ್ಂ॒ ಹೋತಾ᳚। ಸೋಮ॒ಶ್ಚತು॑ರ್ಹೋತೃಣಾ॒ಗ್ಂ॒ ಹೋತಾ᳚। ಅ॒ಗ್ನಿಃ ಪಂಚ॑ಹೋತೃಣಾ॒ಗ್ಂ॒ ಹೋತಾ᳚। ಧಾ॒ತಾ ಷಡ್ಢೋ॑ತೃಣಾ॒ಗ್ಂ॒ ಹೋತಾ᳚। ಅ॒ರ್ಯ॒ಮಾ ಸ॒ಪ್ತಹೋ॑ತೃಣಾ॒ಗ್ಂ॒ ಹೋತಾ᳚। ಏ॒ತೇ ವೈ ಚತು॑ರ್ಹೋತೃಣಾ॒ಗ್ಂ॒ ಹೋತಾ॑ರಃ। ತಾನ್, ಯ ಏ॒ವಂ ವೇದ॑। ಸರ್ವಾ॑ಸು ಪ್ರ॒ಜಾಸ್ವನ್ನ॑ಮತ್ತಿ। ಸರ್ವಾ॒ ದಿಶೋ॒ಽಭಿಜ॑ಯತಿ॥
ತೈತ್ತಿರೀಯ ಬ್ರಾಹ್ಮಣ 2. 5. 1. 3
ವಾಗ್ದೇ॒ವೀ ಜು॑ಷತಾಮಿ॒ದಗ್ಂ
ಓಂ ವಾಗ್ದೇ॒ವೀ ಜು॑ಷತಾಮಿ॒ದಗ್ಂ ಹ॒ವಿಃ। ಚಕ್ಷು॑ರ್ದೇ॒ವಾನಾಂ॒ ಜ್ಯೋತಿ॑ರ॒ಮೃತೇ॒ ನ್ಯ॑ಕ್ತಂ। ಅ॒ಸ್ಯ ವಿ॒ಜ್ಞಾನಾ॑ಯ ಬಹು॒ಧಾ ನಿಧೀ॑ಯತೇ। ತಸ್ಯ॑ ಸು॒ಮ್ನಮ॑ಶೀಮಹಿ। ಮಾ ನೋ॑ ಹಾಸೀದ್ವಿಚಕ್ಷ॒ಣಂ। ಆಯು॒ರಿನ್ನಃ॒ ಪ್ರತೀ᳚ರ್ಯತಾಂ। ಅನಂ॑ಧಾ॒ಶ್ಚಕ್ಷು॑ಷಾ ವ॒ಯಂ। ಜೀ॒ವಾ ಜ್ಯೋತಿ॑ರಶೀಮಹಿ। ಸುವ॒ರ್ಜ್ಯೋತಿ॑ರು॒ತಾಮೃತಂ᳚। ಶ್ರೋತ್ರೇ॑ಣ ಭ॒ದ್ರಮು॒ತ ಶೃ॑ಣ್ವಂತಿ ಸ॒ತ್ಯಂ। ಶ್ರೋತ್ರೇ॑ಣ॒ ವಾಚಂ॑ ಬಹು॒ಧೋದ್ಯಮಾ॑ನಾಂ। ಶ್ರೋತ್ರೇ॑ಣ॒ ಮೋದ॑ಶ್ಚ॒ ಮಹ॑ಶ್ಚ ಶ್ರೂಯತೇ। ಶ್ರೋತ್ರೇ॑ಣ॒ ಸರ್ವಾ॒ ದಿಶ॒ ಆ ಶೃ॑ಣೋಮಿ। ಯೇನ॒ ಪ್ರಾಚ್ಯಾ॑ ಉ॒ತ ದ॑ಕ್ಷಿ॒ಣಾ। ಪ್ರ॒ತೀಚ್ಯೈ॑ ದಿ॒ಶಃ ಶೃ॒ಣ್ವಂತ್ಯು॑ತ್ತ॒ರಾತ್। ತದಿಚ್ಛ್ರೋತ್ರಂ॑ ಬಹು॒ಧೋದ್ಯಮಾ॑ನಂ। ಅ॒ರಾನ್ನ ನೇ॒ಮಿಃ ಪರಿ॒ ಸರ್ವಂ॑ ಬಭೂವ॥
ತೈತ್ತಿರೀಯ ಬ್ರಾಹ್ಮಣ 3. 3. 9. 12
ತಂ ಕಾ॒ಲೇ ಕಾ॑ಲ॒
ಓಂ ತಂ ಕಾ॒ಲೇ ಕಾ॑ಲ॒ ಆಗ॑ತೇ ಯಜತೇ। ಬ್ರ॒ಹ್ಮ॒ವಾ॒ದಿನೋ॑ ವದಂತಿ। ಸ ತ್ವಾ ಅ॑ಧ್ವ॒ರ್ಯುಃ ಸ್ಯಾ᳚ತ್। ಯೋ ಯತೋ॑ ಯ॒ಜ್ಞಂ ಪ್ರ॑ಯುಂ॒ಕ್ತೇ। ತದೇ॑ನಂ ಪ್ರತಿಷ್ಠಾ॒ಪಯ॒ತೀತಿ॑। ವಾತಾ॒ದ್ವಾ ಅ॑ಧ್ವ॒ರ್ಯುರ್ಯ॒ಜ್ಞಂ ಪ್ರಯುಂ॑ಕ್ತೇ। ದೇವಾ॑ ಗಾತುವಿದೋ ಗಾ॒ತುಂ ವಿ॒ತ್ತ್ವಾ ಗಾ॒ತುಮಿ॒ತೇತ್ಯಾ॑ಹ। ಯತ॑ ಏ॒ವ ಯ॒ಜ್ಞಂ ಪ್ರ॑ಯುಂ॒ಕ್ತೇ। ತದೇ॑ನಂ॒ ಪ್ರತಿ॑ಷ್ಠಾಪಯತಿ। ಪ್ರತಿ॑ತಿಷ್ಠತಿ ಪ್ರ॒ಜಯಾ॑ ಪ॒ಶುಭಿ॒ರ್ಯಜ॑ಮಾನಃ॥
ತೈತ್ತಿರೀಯ ಬ್ರಾಹ್ಮಣ 3. 8. 7. 3
ಸರ್ವೇ᳚ಭ್ಯಸ್ತ್ವಾ ದೇ॒ವೇಭ್ಯ॒
ಓಂ ಸರ್ವೇ᳚ಭ್ಯಸ್ತ್ವಾ ದೇ॒ವೇಭ್ಯ॒ ಇತ್ಯು॒ಪರಿ॑ಷ್ಟಾತ್। ಸರ್ವೇ॒ ವೈ ದೇ॒ವಾಸ್ತ್ವಿಷಿ॑ಮಂತೋ ಹರ॒ಸ್ವಿನಃ॑। ತ್ವಿಷಿ॑ಮೇ॒ವಾಸ್ಮಿ॒ನ್॒ ಹರೋ॑ ದಧಾತಿ। ತಸ್ಮಾ॒ದಶ್ವಃ॑ ಪಶೂ॒ನಾಂ ತ್ವಿಷಿ॑ಮಾನ್ ಹರ॒ಸ್ವಿತ॑ಮಃ। ದಿ॒ವೇ ತ್ವಾ॒ಽನ್ತರಿ॑ಕ್ಷಾಯ ತ್ವಾ ಪೃಥಿ॒ವ್ಯೈ ತ್ವೇತ್ಯಾ॑ಹ। ಏ॒ಭ್ಯ ಏ॒ವೈನಂ॑ ಲೋ॒ಕೇಭ್ಯಃ॒ ಪ್ರೋಕ್ಷ॑ತಿ। ಸ॒ತೇ ತ್ವಾಽಸ॑ತೇ ತ್ವಾ॒ಽದ್ಭ್ಯಸ್ತ್ವೌಷ॑ಧೀಭ್ಯಸ್ತ್ವಾ॒ ವಿಶ್ವೇ᳚ಭ್ಯಸ್ತ್ವಾ ಭೂ॒ತೇಭ್ಯ॒ ಇತ್ಯಾ॑ಹ। ತಸ್ಮಾ॑ದಶ್ವಮೇಧಯಾ॒ಜಿನ॒ಗ್ಂ॒ ಸರ್ವಾ॑ಣಿ ಭೂ॒ತಾನ್ಯುಪ॑ಜೀವಂತಿ। ಬ್ರ॒ಹ್ಮ॒ವಾ॒ದಿನೋ॑ ವದಂತಿ। ಯತ್ಪ್ರಾ॑ಜಾಪ॒ತ್ಯೋಽಶ್ವಃ॑। ಅಥ॒ ಕಸ್ಮಾ॑ದೇನಮ॒ನ್ಯಾಭ್ಯೋ॑ ದೇ॒ವತಾ॒ಭ್ಯೋಽಪಿ॒ ಪ್ರೋಕ್ಷ॒ತೀತಿ॑। ಅಶ್ವೇ॒ ವೈ ಸರ್ವಾ॑ ದೇ॒ವತಾ॑ ಅ॒ನ್ವಾಯ॑ತ್ತಾಃ। ತಂ ಯದ್ವಿಶ್ವೇ᳚ಭ್ಯಸ್ತ್ವಾ ಭೂ॒ತೇಭ್ಯ॒ ಇತಿ॑ ಪ್ರೋ॒ಕ್ಷತಿ॑। ದೇ॒ವತಾ॑ ಏ॒ವಾಸ್ಮಿ॑ನ್ನ॒ನ್ವಾಯಾ॑ತಯತಿ। ತಸ್ಮಾ॒ದಶ್ವೇ॒ ಸರ್ವಾ॑ ದೇ॒ವತಾ॑ ಅ॒ನ್ವಾಯ॑ತ್ತಾಃ॥
ತೈತ್ತಿರೀಯ ಬ್ರಾಹ್ಮಣ 3. 9. 10. 1
ಪ್ರ॒ಜಾಪ॑ತಿರಕಾಮಯತ
ಓಂ ಪ್ರ॒ಜಾಪ॑ತಿರಕಾಮಯತ ಮ॒ಹಾನ॑ನ್ನಾ॒ದಃ ಸ್ಯಾ॒ಮಿತಿ॑। ಸ ಏ॒ತಾವ॑ಶ್ವಮೇ॒ಧೇ ಮ॑ಹಿ॒ಮಾನಾ॑ವಪಶ್ಯತ್। ತಾವ॑ಗೃಹ್ಣೀತ। ತತೋ॒ ವೈ ಸ ಮ॒ಹಾನ॑ನ್ನಾ॒ದೋ॑ಽಭವತ್। ಯಃ ಕಾ॒ಮಯೇ॑ತ ಮ॒ಹಾನ॑ನ್ನಾ॒ದಃ ಸ್ಯಾ॒ಮಿತಿ॑। ಸ ಏ॒ತಾವ॑ಶ್ವಮೇ॒ಧೇ ಮ॑ಹಿ॒ಮಾನೌ॑ ಗೃಹ್ಣೀತ। ಮ॒ಹಾನೇ॒ವಾನ್ನಾ॒ದೋ ಭ॑ವತಿ। ಯ॒ಜ॒ಮಾ॒ನ॒ದೇ॒ವ॒ತ್ಯಾ॑ ವೈ ವ॒ಪಾ। ರಾಜಾ॑ ಮಹಿ॒ಮಾ। ಯದ್ವ॒ಪಾಂ ಮ॑ಹಿ॒ಮ್ನೋಭ॒ಯತಃ॑ ಪರಿ॒ಯಜ॑ತಿ। ಯಜ॑ಮಾನಮೇ॒ವ ರಾ॒ಜ್ಯೇನೋ॑ಭ॒ಯತಃ॒ ಪರಿ॑ಗೃಹ್ಣಾತಿ। ಪು॒ರಸ್ತಾ᳚ಥ್ಸ್ವಾಹಾಕಾರಾ॒ ವಾ ಅ॒ನ್ಯೇ ದೇ॒ವಾಃ। ಉ॒ಪರಿ॑ಷ್ಟಾಥ್ಸ್ವಾಹಾಕಾರಾ ಅ॒ನ್ಯೇ। ತೇ ವಾ ಏ॒ತೇಽಶ್ವ॑ ಏ॒ವ ಮೇಧ್ಯ॑ ಉ॒ಭಯೇಽವ॑ರುಧ್ಯಂತೇ। ಯದ್ವ॒ಪಾಂ ಮ॑ಹಿ॒ಮ್ನೋಭ॒ಯತಃ॑ ಪರಿ॒ಯಜ॑ತಿ। ತಾನೇ॒ವೋಭಯಾ᳚ನ್ಪ್ರೀಣಾತಿ॥
ತೈತ್ತಿರೀಯ ಬ್ರಾಹ್ಮಣ ಕಾಠಕ 3. 10. 1. 1
ಸಂ॒ಜ್ಞಾನಂ॑ ವಿ॒ಜ್ಞಾನಂ॑
ಓಂ ಸಂ॒ಜ್ಞಾನಂ॑ ವಿ॒ಜ್ಞಾನಂ॑ ಪ್ರ॒ಜ್ಞಾನಂ॑ ಜಾ॒ನದ॑ಭಿಜಾ॒ನತ್। ಸಂ॒ಕಲ್ಪ॑ಮಾನಂ ಪ್ರ॒ಕಲ್ಪ॑ಮಾನಮುಪ॒ಕಲ್ಪ॑ಮಾನ॒ಮುಪ॑ಕ್ಲೃಪ್ತಂ ಕ್ಲೃ॒ಪ್ತಂ। ಶ್ರೇಯೋ॒ ವಸೀ॑ಯ ಆ॒ಯಥ್ಸಂಭೂ॑ತಂ ಭೂ॒ತಂ। ಚಿ॒ತ್ರಃ ಕೇ॒ತುಃ ಪ್ರ॒ಭಾನಾ॒ಭಾಂಥ್ಸಂ॒ಭಾನ್। ಜ್ಯೋತಿ॑ಷ್ಮಾ॒ಗ್॒ ಸ್ತೇಜ॑ಸ್ವಾನಾ॒ತಪ॒ಗ್ಗ್॒ ಸ್ತಪ॑ನ್ನಭಿ॒ತಪನ್॑। ರೋ॒ಚ॒ನೋ ರೋಚ॑ಮಾನಃ ಶೋಭ॒ನಃ ಶೋಭ॑ಮಾನಃ ಕ॒ಲ್ಯಾಣಃ॑॥
(ಐತರೇಯ ಬ್ರಾಹ್ಮಣ)
ಸಾ॒ಮ್ರಾಜ್ಯಂ॒ ಭೌಜ್ಯಂ᳚
ಓಂ ಸ್ವಸ್ತಿ। ಸಾ॒ಮ್ರಾಜ್ಯಂ॒ ಭೌಜ್ಯಂ᳚ ಸ್ವಾ॒ರಾ॒ಜ್ಯಂ॑ ವೈರಾಜ್ಯಂ ಪಾ॒ರಮೇ᳚ಷ್ಠ್ಯಂ ರಾ॒ಜ್ಯಂ ಮಹಾರಾಜ್ಯಮಾ॑ಧಿಪ॒ತ್ಯಮಯಂ ಸಮಂತಪ॑ರ್ಯಾಯೀ ಸ್ಯಾತ್ಸಾರ್ವಭೌಮ॑ಸ್ಸಾರ್ವಾ॒ಯು॑ಷ ಆಂತಾ॒ದಾಪ॑ರಾ॒ರ್ಧಾತ್ಪೃ॑ಥಿ॒ವೈ ಸಮುದ್ರ ಪರ್ಯಂ॒ತಾಯಾ᳚ ಏಕ॑ರಾಳಿ॒ತಿ॥
ನಮ॑ಸ್ತೇ ಅಸ್ತು ಭಗವನ್ವಿಶ್ವೇಶ್ವ॒ರಾಯ॑
ಓಂ ನಮ॑ಸ್ತೇ ಅಸ್ತು ಭಗವನ್ವಿಶ್ವೇಶ್ವ॒ರಾಯ॑ ಮಹಾದೇ॒ವಾಯ॑ ತ್ರ್ಯಂಬ॒ಕಾಯ॑ ತ್ರಿಪುರಾಂತ॒ಕಾಯ॑ ತ್ರಿಕಾಗ್ನಿಕಾ॒ಲಾಯ॑ ಕಾಲಾಗ್ನಿರು॒ದ್ರಾಯ॑ ನೀಲಕಂ॒ಠಾಯ॑ ಮೃತ್ಯುಂಜ॒ಯಾಯ॑ ಸರ್ವೇಶ್ವ॒ರಾಯ॑ ಸದಾಶಿ॒ವಾಯ॑ ಶ್ರೀಮನ್ಮಹಾದೇ॒ವಾಯ॒ ನಮಃ॑॥
(ಋಗ್ವೇದ 9.094.04)
ಶ್ರಿ॒ಯೇ ಜಾ॒ತಃ
ಶ್ರಿ॒ಯೇ ಜಾ॒ತಃ ಶ್ರಿ॒ಯ ಆ ನಿರಿ॑ಯಾಯ॒ ಶ್ರಿಯಂ॒ ವಯೋ᳚ ಜರಿ॒ತೃಭ್ಯೋ᳚ ದಧಾತಿ। ಶ್ರಿಯಂ॒ ವಸಾ᳚ನಾ ಅಮೃತ॒ತ್ವಮಾ᳚ಯ॒ನ್ಭವಂ॑ತಿ ಸ॒ತ್ಯಾ ಸ॑ಮಿ॒ಥಾ ಮಿ॒ತದ್ರೌ᳚॥