ಬೋಧಾಯನೋಕ್ತ ಮಹಾನ್ಯಾಸ ಪ್ರಯೋಗ

ಮಹಾನ್ಯಾಸ ಪ್ರಯೋಗಃ

ॐ ನಮೋ ಭಗವತೇ॑ ರುದ್ರಾ॒ಯ।

ಪಂಚಾಂಗ ರುದ್ರ ನ್ಯಾಸಃ

✤ ೧. ಓಂಕಾರ ಮಂತ್ರ ಸಂಯುಕ್ತಂ ನಿತ್ಯಂ ಧ್ಯಾಯಂತಿ ಯೋಗಿನಃ। ಕಾಮದಂ ಮೋಕ್ಷದಂ ತಸ್ಮೈ ನಕಾರಾಯ ನಮೋ ನಮಃ॥ ಓಂ ಭೂರ್ಭುವ॒ಸ್ಸುವಃ॑॥ ಓಂ ನಂ ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮಃ॑। ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತತೇ॒ ನಮಃ॑॥ ಓಂ ಕಂ ಖಂ ಗಂ ಘಂ ಙಂ। ಓಂ ನಮೋ ಭಗವತೇ॑ ರುದ್ರಾ॒ಯ। ನಂ ಓಂ ಪೂರ್ವಾಂಗ ರುದ್ರಾಯ ನಮಃ॥

✤ ೨. ಮಹಾದೇವಂ ಮಹಾತ್ಮಾನಂ ಮಹಾ ಪಾತಕನಾಶನಮ್। ಮಹಾಪಾಪಹರಂ ವಂದೇ ಮಕಾರಾಯ ನಮೋ ನಮಃ॥ ಓಂ ಭೂರ್ಭುವ॒ಸ್ಸುವಃ॑॥ ಓಂ ಮಂ ನಿಧ॑ನಪತಯೇ॒ ನಮಃ। ನಿಧ॑ನಪತಾಂತಿಕಾಯ॒ ನಮಃ। ಊರ್ಧ್ವಾಯ॒ ನಮಃ। ಊರ್ಧ್ವಲಿಂಗಾಯ॒ ನಮಃ। ಹಿರಣ್ಯಾಯ॒ ನಮಃ। ಹಿರಣ್ಯಲಿಂಗಾಯ॒ ನಮಃ। ಸುವರ್ಣಾಯ॒ ನಮಃ। ಸುರ್ವರ್ಣಲಿಂಗಾಯ॒ ನಮಃ। ದಿವ್ಯಾಯ॒ ನಮಃ। ದಿವ್ಯಲಿಂಗಾಯ॒ ನಮಃ। ಭವಾಯ॒ ನಮಃ। ಭವಲಿಂಗಾಯ॒ ನಮಃ। ಶರ್ವಾಯ॒ ನಮಃ। ಶರ್ವಲಿಂಗಾಯ॒ ನಮಃ। ಶಿವಾಯ॒ ನಮಃ। ಶಿವಲಿಂಗಾಯ॒ ನಮಃ। ಜ್ವಲಾಯ॒ ನಮಃ। ಜ್ವಲಲಿಂಗಾಯ॒ ನಮಃ। ಆತ್ಮಾಯ॒ ನಮಃ। ಆತ್ಮಲಿಂಗಾಯ॒ ನಮಃ। ಪರಮಾಯ॒ ನಮಃ। ಪರಮಲಿಂಗಾಯ॒ ನಮಃ। ಏತಥ್ಸೋಮಸ್ಯ॑ ಸೂರ್ಯ॒ಸ್ಯ॒ ಸರ್ವಲಿಂಗಗ್ಗ್॑ ಸ್ಥಾಪ॒ಯ॒ತಿ॒ ಪಾಣಿಮಂತ್ರಂ॑ ಪವಿ॒ತ್ರಂ॥ ಓಂ ಚಂ ಛಂ ಜಂ ಝಂ ಞಂ। ಓಂ ನಮೋ ಭಗವತೇ॑ ರುದ್ರಾ॒ಯ। ಮಂ ಓಂ ದಕ್ಷಿಣಾಂಗರುದ್ರಾಯ ನಮಃ॥

✤ ೩. ಶಿವಂ ಶಾಂತಂ ಜಗನ್ನಾಥಂ ಲೋಕಾನುಗ್ರಹಕಾರಣಮ್। ಶಿವಮೇಕಂ ಪರಂ ವಂದೇ ಶಿಕಾರಾಯ ನಮೋ ನಮಃ॥ ಓಂ ಭೂರ್ಭುವ॒ಸ್ಸುವಃ॑॥ ಓಂ ಶಿಂ ಅಪೈ॑ತು ಮೃ॒ತ್ಯುರ॒ಮೃತಂ॑ ನ॒ ಆಗ॑ನ್ವೈವಸ್ವ॒ತೋ ನೋ॒. ಅಭ॑ಯಂ ಕೃಣೋತು। ಪ॒ರ್ಣಂ ವನ॒ಸ್ಪತೇ॑ರಿವಾ॒ಭಿ ನಃ॑ ಶೀಯತಾಗ್ಂ ರ॒ಯಿಸ್ಸಚ॑ತಾಂ ನಃ॒ ಶಚೀ॒ಪತಿಃ॑॥ ಓಂ ಟಂ ಠಂ ಡಂ ಢಂ ಣಂ। ಓಂ ನಮೋ ಭಗವತೇ॑ ರುದ್ರಾ॒ಯ। ಶಿಂ ಓಂ ಪಶ್ಚಿಮಾಂಗ ರುದ್ರಾಯ ನಮಃ॥

✤ ೪. ವಾಹನಂ ವೃಷಭೋ ಯಸ್ಯ ವಾಸುಕಿಃ ಕಂಠಭೂಷಣಮ್। ವಾಮೇ ಶಕ್ತಿಧರಂ ವಂದೇ ವಕಾರಾಯ ನಮೋ ನಮಃ॥ ಓಂ ಭೂರ್ಭುವ॒ಸ್ಸುವಃ॑॥ ಓಂ ವಾಂ ಪ್ರಾಣಾನಾಂ ಗ್ರಂಥಿರಸಿ ರುದ್ರೋ ಮಾ॑ ವಿಶಾಂ॒ತಕಃ। ತೇನಾನ್ನೇನಾ᳚ಪ್ಯಾಯ॒ಸ್ವ। ಓಂ ತಂ ಥಂ ದಂ ಧಂ ನಂ। ಓಂ ನಮೋ ಭಗವತೇ॑ ರುದ್ರಾ॒ಯ। ವಾಂ ಓಂ ಉತ್ತರಾಂಗ ರುದ್ರಾಯ ನಮಃ।

✤ ೫. ಯತ್ರ ಕುತ್ರ​ ಸ್ಥಿತಂ ದೇವಂ ಸರ್ವವ್ಯಾಪಿನಮೀಶ್ವರಮ್। ಯಲ್ಲಿಂಗಂ ಪೂಜಯೇನ್ನಿತ್ಯಂ ಯಕಾರಾಯ ನಮೋ ನಮಃ॥ ಓಂ ಭೂರ್ಭುವ॒ಸ್ಸುವಃ॑॥ ಓಂ ಯಂ ಯೋ ರು॒ದ್ರೋ. ಅ॒ಗ್ನೌ ಯೋ. ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒ ಭುವ॑ನಾಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑. ಅಸ್ತು॥ ಓಂ ಪಂ ಫಂ ಬಂ ಭಂ ಮಂ। ಓಂ ನಮೋ ಭಗವತೇ॑ ರುದ್ರಾ॒ಯ। ಯಂ ಓಂ ಊರ್ಧ್ವಾಂಗ ರುದ್ರಾಯ ನಮಃ॥

ಪಂಚಮುಖ ನ್ಯಾಸಃ

✤ ೧. ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್॥ ಸಂವರ್ತಾಗ್ನಿ ತಟಿತ್ಪ್ರದೀಪ್ತ ಕನಕ ಪ್ರಸ್ಪರ್ಥಿ ತೇಜೋಮಯಂ। ಗಂಭೀರಧ್ವನಿ ಮಿಶಿತೋಗ್ರದಹನ ಪ್ರೋದ್ಭಾಸಿತಾಮ್ರಾಧರಮ್। ಅರ್ಧೇಂದುದ್ಯುತಿ ಲೋಲಪಿಂಗಳ ಜಟಾಭಾರಪ್ರಬದ್ಧೋರಗಂ। ವಂದೇ ಸಿದ್ಧ ಸುರಾಸುರೇಂದ್ರನಮಿತಂ ಪೂರ್ವಂ ಮುಖಂ ಶೂಲಿನಃ॥ ಓಂ ಅಂ। ಕಂ ಖಂ ಗಂ ಘಂ ಙಂ। ಆಂ ಓಂ। ಓಂ ನಮೋ ಭಗವತೇ॑ ರುದ್ರಾ॒ಯ॥ ಓಂ ನಂ ಪೂರ್ವ ಮುಖಾಯ ನಮಃ॥

✤ ೨. ಅ॒ಘೋರೇ᳚ಭ್ಯೋಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ॥ ಕಾಲಾಭ್ರಭ್ರಮರಾಂಜನದ್ಯುತಿನಿಭಂ ಪ್ಯಾವೃತ್ತ ಪಿಂಗೇಕ್ಷಣಂ। ಕರ್ಣೋದ್ಭಾಸಿತ ಭೋಗಿಮಸ್ತಕ ಮಣಿಂ ಪ್ರೋದ್ಭಿನ್ನ ದಂಷ್ಟ್ರಾಂಕುಮ್। ಸರ್ಪಪ್ರೋತಕಪಾಲ ಶುಕ್ತಿ ಶಕಲ ವ್ಯಾಕೀರ್ಣ ಸಂಚಾರಗಂ। ವಂದೇ ದಕ್ಷಿಣಮೀಶ್ವರಸ್ಯ ಕುಟಿಲ ಭ್ರೂಭಂಗ ರೌದ್ರಂ ಮುಖಮ್॥ ಓಂ ಇಂ। ಚಂ ಛಂ ಜಂ ಝಂ ಞಂ। ಈಂ ಓಂ। ಓಂ ನಮೋ ಭಗವತೇ॑ ರುದ್ರಾ॒ಯ॥ ಓಂ ಮಂ ದಕ್ಷಿಣ ಮುಖಾಯ ನಮಃ॥

✤ ೩. ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮಃ॑। ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಂ। ಭ॒ವೋದ್ಭ॑ವಾಯ॒ ನಮಃ॑॥ ಪ್ರಾಲೇಯಾಚಲ ಚಂದ್ರ​ಕುಂದ ಧವಳಂ ಗೋಕ್ಷೀರಫೇನಪ್ರಭಂ। ಭಸ್ಮಾಭ್ಯಕ್ತ-ಮನಂಗ ದೇಹ ದಹನ ಜ್ವಾಲಾವಳೀ ಲೋಚನಮ್। ಬ್ರಹ್ಮೇಂದ್ರಾದಿ ಮರುದ್ಗಣೈ ಸ್ಸ್ತುತಿಪರೈ-ರಭ್ಯರ್ಚಿತಂ ಯೋಗಿಭಿಃ। ವಂದೇಹಂ ಸಕಲಂ ಕಳಂಕರಹಿತಂ ಸ್ಥಾಣೋರ್ಮುಖಂ ಪಶ್ಚಿಮಮ್॥ ಓಂ ಉಂ। ಟಂ ಠಂ ಡಂ ಢಂ ಣಂ। ಊಂ ಓಂ। ಓಂ ನಮೋ ಭಗವತೇ॑ ರುದ್ರಾ॒ಯ॥ ಓಂ ಶಿಂ ಪಶ್ಚಿಮ ಮುಖಾಯ ನಮಃ॥

✤ ೪. ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑ಶ್ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒ಸ್ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑॥ ಗೌರಂ ಕುಂಕುಮ ಪಂಕಿಲಂ ಸುತಿಲಕಂ ವ್ಯಾಪಾಂಡುಗಂಡಸ್ಥಲಂ। ಭ್ರೂವಿಕ್ಷೇಪ ಕಟಾಕ್ಷ ವೀಕ್ಷಣ ಲಸತ್ಸಂಸಕ್ತ ಕರ್ಣೋತ್ಪಲಮ್। ಸ್ನಿಗ್ಧಂ ಬಿಂಬಫಲಾಧರ ಪ್ರಹಸಿತಂ ನೀಲಾಲಕಾಲಂಕೃತಂ। ವಂದೇ ಪೂರ್ಣ ಶಶಾಂಕ ಮಂಡಲನಿಭಂ ವಕ್ತ್ರಂ ಹರಸ್ಯೋತ್ತರಮ್॥ ಓಂ ಏಂ। ತಂ ಥಂ ದಂ ಧಂ ನಂ। ಐಂ ಓಂ। ಓಂ ನಮೋ ಭಗವತೇ॑ ರುದ್ರಾ॒ಯ॥ ಓಂ ವಾಂ ಉತ್ತರಮುಖಾಯ ನಮಃ॥

✤ ೫. ಈಶಾನ-ಸ್ಸ॑ರ್ವವಿದ್ಯಾ॒ನಾ॒-ಮೀಶ್ವರ-ಸ್ಸರ್ವ॑ ಭೂತಾ॒ನಾಂ॒ ಬ್ರಹ್ಮಾಽಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑. ಅಸ್ತು ಸದಾಶಿ॒ವೋಮ್॥ ವ್ಯಕ್ತಾವ್ಯಕ್ತ ಗುಣೇತರಂ ಸುವಿಮಲಂ ಷಟ್ತ್ರಿಂಶತತ್ತ್ವಾತ್ಮಕಂ। ತಸ್ಮಾದುತ್ತರತತ್ತ್ವಮಕ್ಷರಮಿತಿ ಧ್ಯೇಯಂ ಸದಾ ಯೋಗಿಭಿಃ। ವಂದೇ ತಾಮಸವರ್ಜಿತಂ ತ್ರಿನಯನಂ ಸೂಕ್ಷ್ಮಾತಿ-ಸೂಕ್ಷ್ಮಾತ್ಪರಂ। ಶಾಂತಂ ಪಂಚಮಮೀಶ್ವರಸ್ಯ ವದನಂ ಖವ್ಯಾಪಿ ತೇಜೋಮಯಮ್॥ ಓಂ ಓಂ। ಪಂ ಫಂ ಬಂ ಭಂ ಮಂ। ಔಂ ಓಂ। ಓಂ ನಮೋ ಭಗವತೇ॑ ರುದ್ರಾ॒ಯ॥ ಓಂ ಯಂ ಊರ್ಧ್ವ ಮುಖಾಯ ನಮಃ॥

ಪೂರ್ವೇ ಪಶುಪತಿಃ ಪಾತು ದಕ್ಷಿಣೇ ಪಾತು ಶಂಕರಃ।

ಪಶ್ಚಿಮೇ ಪಾತು ವಿಶ್ವೇಶೋ ನೀಲಕಂಠಸ್ತಥೋತ್ತರೇ॥

ಐಶಾನ್ಯಾಂ ಪಾತು ಮಾಂ ಶರ್ವೋಃ ಆಗ್ನೇಯಾಂ ಪಾರ್ವತೀಪತಿಃ।

ನೈರ್‌ಋತ್ಯಾಂ ಪಾತು ಮಾಂ ರುದ್ರೋ ವಾಯವ್ಯಾಂ ನೀಲಲೋಹಿತಃ॥

ಊರ್ಧ್ವೇ ತ್ರಿಲೋಚನಃ ಪಾತ್ವ​ಧರಾಯಾಂ ಮಹೇಶ್ವರಃ।

ಏತಾಭ್ಯೋ ದಶ ದಿಗ್ಭ್ಯಸ್ತು  ಸರ್ವತಃ ಪಾತು ಶಂಕರಃ॥

ಬೋಧಾಯನೋಕ್ತ ಮಹಾನ್ಯಾಸ ಖಂಡಃ - ಅಥಾತಃ ಪಂಚಾಂಗರುದ್ರಾಣಾಂ ನ್ಯಾಸಪೂರ್ವಕಂ ಜಪ ಹೋಮಾರ್ಚನಾಭಿಷೇಕವಿಧಿಂ ವ್ಯಾಖ್ಯಾಸ್ಯಾಮಃ॥

 

ಶಿಖಾದ್ಯಸ್ತ್ರಾಂತಂ ಅಂಗನ್ಯಾಸಃ

ಯಾತೇ ರುದ್ರ ಇತಿ ಶಿಖಾಯಾಂ। ಅಸ್ಮಿನ್ಮಹತ್ಯರ್ಣವೇ ಇತಿ ಶಿರಸಿ। ಸಹಸ್ರಾಣಿ ಸಹಸ್ರಶ ಇತಿ ಲಲಾಟೇ। ಹಗ್ಂಸಶ್ಶುಚಿಷದಿತಿ ಭ್ರುವೋರ್ಮಧ್ಯೇ। ತ್ರ್ಯಂಬಕಂಯಜಾಮಹ ಇತಿ ನೇತ್ರಯೋಃ। ನಮಃ ಸ್ರುತ್ಯಾಯಚ ಇತಿ ಕರ್ಣಯೋಃ। ಮಾನ ಸ್ತೋಕೇ ಇತಿ ನಾಸಿಕಾಯಾಂ। ಅವತತ್ಯ ಇತಿ ಮುಖೇ। ನೀಲಗ್ರೀವೌ ದ್ವೌ ಕಂಠೇ। ನಮಸ್ತೇ ಅಸ್ತ್ವಾಯುಧಾಯ ಇತಿ ಬಾಹ್ವೋಃ। ಯಾತೇ ಹೇತಿರಿತ್ಯುಪಬಾಹ್ವೋಃ। ಯೇ ತೀರ್ಥಾನಿ ಇತಿ ಹಸ್ತಯೋಃ। ಸದ್ಯೋಜಾತಮಿತ್ಯಾದಿಪಂಚಾನುವಾಕಾನ್‌ ಪಂಚಸ್ವಂಗುಲೀಷು ವಿನ್ಯಸ್ಯ। ನಮೋವಃ ಕಿರಿಕೇಭ್ಯ ಇತಿ ಹೃದಯೇ। ನಮೋ ಗಣೇಭ್ಯ ಇತಿ ಪೃಷ್ಠೇ। ನಮಸ್ತಕ್ಷಭ್ಯ ಇತಿ ಕಕ್ಷಯೋಃ। ನಮೋ ಹಿರಣ್ಯ ಬಾಹವೇ ಇತಿ ಪಾರ್ಶಯೋಃ। ವಿಜ್ಯಂಧನುರಿತಿ ಜಠರೇ। ಹಿರಣ್ಯಗರ್ಭ ಇತಿ ನಾಭೌ। ಮೀಡಢುಷ್ಟಮ ಇತಿ ಕಟ್ಯಾಂ। ಯೇ ಭೂತಾನಾಮಧಿಪತಯ ಇತಿ ಗುಹ್ಯಂ। ಯೇ ಅನ್ನೇಷು ಇತ್ಯಂಡಯೋಃ। ಸಶಿರಾಜಾತವೇದಾ ಇತ್ಯಪಾನೇ। ಮಾ ನೋ ಮಹಾಂತಮತ್ತ್ಯೂರ್ವೊಃ। ಏಷ ತೇ ರುದ್ರಭಾಗ ಇತಿ ಜಾನ್ವೋಃ। ಸಗ್ಂಸೃಷ್ಟಜಿದಿತಿ ಜಂಘಯೋಃ। ಯೇ ಪಥಾಮಿತಿ ಪಾದಯೋಃ। ಅಧ್ಯವೋಚದಧಿವಕ್ತಾ ಇತಿ ಕವಚಂ। ನಮೋ ಬಿಲ್ಮನೇ ಚ ಇತ್ತ್ಯುಪಕವಚಂ। ನಮೋ ಅಸ್ತು ನೀಲಗ್ರಿವಾಯ ಇತಿ ತೃತೀಯನೇತ್ರಂ। ಪ್ರಮುಂಚ ಧನ್ವನ ಇತ್ಯಸ್ತ್ರಂ। ಯ ಏತಾ ವಂತಶ್ಚ ಇತಿ ದಿಗ್ಬಂಧಃ॥

✤ ೧. ಯಾತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾಪಾ॑ಪಕಾಶಿನೀ। ತಯಾ॑ನಸ್ತ॒ನುವಾ॒ ಶಂತ॑ಮಯಾ॒ ಗಿರಿ॑ಶಂತಾ॒ಭಿಚಾ॑ಕಶೀಹಿ॥ ಶಿಖಾಯೈ ನಮಃ॥ (ಶಿಖೆ/ನೆತ್ತಿ)

✤ ೨. ಅ॒ಸ್ಮಿನ್ ಮ॑ಹ॒ತ್ಯ॑ರ್ಣ॒ವೇ᳚ನ್ತರಿ॑ಕ್ಷೇ ಭ॒ವಾ. ಅಧಿ॑। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಶಿರಸೇ ನಮಃ॥ (ತಲೆ)

✤ ೩. ಸ॒ಹಸ್ರಾ॑ಣಿ ಸಹಸ್ರ॒ಶೋ ಯೇ ರು॒ದ್ರಾ ಅಧಿ॒ ಭೂಮ್ಯಾಂ᳚। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಲಲಾಟಾಯ ನಮಃ॥ (ಹಣೆ)

✤ ೪. ಹ॒ಗ್ಂ॒ಸಃ ಶು॑ಚಿ॒ಷದ್ವಸು॑ರಂತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್। ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ. ಋ॑ತ॒ಜಾ. ಅ॑ದ್ರಿ॒ಜಾ ಋ॒ತಂ ಬೃ॒ಹತ್॥ ಭ್ರುವೋರ್ಮದ್ಧ್ಯಾಯ ನಮಃ॥ (ಹುಬ್ಬುಗಳ ಮಧ್ಯೆ)

✤ ೫. ತ್ರ್ಯಂ॑ಬಕಂ ಯಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ವರ್ಧ॑ನಂ। ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್॥ ನೇತ್ರಾಭ್ಯಾಂ ನಮಃ॥ (ಕಣ್ಣುಗಳು)

✤ ೬. ನಮಃ॒ ಸ್ರುತ್ಯಾ॑ಯ ಚ॒ ಪಥ್ಯಾ॑ಯ ಚ॒ ನಮಃ॑ ಕಾ॒ಟ್ಯಾ॑ಯ ಚ ನೀ॒ಪ್ಯಾ॑ಯ ಚ॒॥ ಕರ್ಣಾಭ್ಯಾಂ ನಮಃ॥ (ಕಿವಿಗಳು)

✤ ೭. ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒. ಅಶ್ವೇ॑ಷು ರೀರಿಷಃ। ವೀ॒ರಾನ್ಮಾ ನೋ॑ ರುದ್ರ ಭಾಮಿ॒ತೋ ವ॑ಧೀ.ರ್ಹ॒ವಿಷ್ಮಂ॑ತೋ॒ ನಮ॑ಸಾ ವಿಧೇಮ ತೇ॥ ನಾಸಿಕಾಭ್ಯಾಂ ನಮಃ॥ (ಮೂಗು)

✤ ೮. ಅ॒ವ॒ತತ್ಯ॒ ಧನು॒ಸ್ತ್ವಗ್ಂ ಸಹ॑ಸ್ರಾಕ್ಷ॒ ಶತೇ॑ಷುಧೇ। ನಿ॒ಶೀರ್ಯ॑ ಶ॒ಲ್ಯಾನಾಂ॒ ಮುಖಾ॑ ಶಿ॒ವೋ ನಃ॑ ಸು॒ಮನಾ॑ ಭವ॥ ಮುಖಾಯ ನಮಃ॥ (ಬಾಯಿ)

✤ ೯. ನೀಲ॑ಗ್ರೀವಾಃ ಶಿತಿ॒ಕಂಠಾಃ᳚ ಶ॒ರ್ವಾ ಅ॒ಧಃ, ಕ್ಷ॑ಮಾಚ॒ರಾಃ।  ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಕಂಠಾಯ ನಮಃ॥ (ಕಂಠ)

✤ ೧೦. ನೀಲ॑ಗ್ರೀವಾಃ ಶಿತಿ॒ಕಂಠಾ॒ ದಿವಗ್ಂ॑ ರು॒ದ್ರಾ. ಉಪ॑ಶ್ರಿತಾಃ। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಉಪಕಂಠಾಯ ನಮಃ॥ (ಕುತ್ತಿಗೆ)

✤ ೧೧. ನಮ॑ಸ್ತೇ ಅ॒ಸ್ತ್ವಾಯು॑ಧಾ॒ಯಾನಾ॑ತತಾಯ ಧೃ॒ಷ್ಣವೇ᳚। ಉ॒ಭಾಭ್ಯಾ॑ಮು॒ತತೇ॒ ನಮೋ॑ ಬಾ॒ಹುಭ್ಯಾಂ॒ ತವ॒ ಧನ್ವ॑ನೇ॥ ಬಾಹುಭ್ಯಾಂ ನಮಃ॥ (ತೋಳುಗಳು)

✤ ೧೨. ಯಾ ತೇ॑ ಹೇ॒ತಿರ್ಮೀ॑ಢುಷ್ಟಮ॒ ಹಸ್ತೇ॑ ಬ॒ಭೂವ॑ ತೇ॒ ಧನುಃ॑। ತಯಾ॒ಸ್ಮಾನ್, ವಿ॒ಶ್ವತ॒ಸ್ತ್ವಮ॑ ಯ॒ಕ್ಷ್ಮಯಾ॒ ಪರಿ॑ಬ್ಭುಜ॥ ಉಪಬಾಹುಭ್ಯಾಂ ನಮಃ॥ (ಭುಜಗಳು)

✤ ೧೩. ಯೇ ತೀ॒ರ್ಥಾನಿ॑ ಪ್ರ॒ಚರಂ॑ತಿ ಸೃ॒ಕಾವಂ॑ತೋ ನಿಷಂ॒ಗಿಣಃ॑। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಹಸ್ತಾಭ್ಯಾಂ ನಮಃ॥ (ಕೈಗಳು)

✤ ೧೪. ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮಃ॑। ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಂ। ಭ॒ವೋದ್ಭ॑ವಾಯ॒ ನಮಃ॑॥ ಅಂಗುಷ್ಠಾಭ್ಯಾಂ ನಮಃ॥ (ಹೆಬ್ಬೆರಳು)

✤ ೧೫. ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑ಶ್ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒ಸ್ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑॥ ತರ್ಜನೀಭ್ಯಾಂ ನಮಃ॥ (ತೋರು ಬೆರಳು)

✤ ೧೬. ಅ॒ಘೋರೇ᳚ಭ್ಯೋಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ॥ ಮಧ್ಯಮಾಭ್ಯಾಂ ನಮಃ॥ (ಮಧ್ಯದ ಬೆರಳು)

✤ ೧೭. ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್॥ ಅನಾಮಿಕಾಭ್ಯಾಂ ನಮಃ॥ (ಉಂಗುರದ ಬೆರಳು)

✤ ೧೮. ​ಈಶಾನಸ್ಸ॑ರ್ವ ವಿದ್ಯಾ॒ನಾಂ॒ ಈಶ್ವರಸ್ಸರ್ವ॑ ಭೂತಾ॒ನಾಂ॒ ಬ್ರಹ್ಮಾಽಧಿ॑ಪತಿ॒ರ್ ಬ್ರಹ್ಮ॒ಣೋಽಧಿ॑ಪತಿ॒ರ್ ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಂ॥ ಕನಿಷ್ಠಿಕಾಭ್ಯಾಂ ನಮಃ॥ (ಕಿರು ಬೆರಳು)

✤ ೧೯. ನಮೋ॑ ವಃ ಕಿರಿ॒ಕೇಭ್ಯೋ॑ ದೇ॒ವಾನಾ॒ಗ್ಂ॒ ಹೃದ॑ಯೇಭ್ಯಃ। ಹೃದಯಾಯ ನಮಃ॥ (ಹೃದಯ​)

✤ ೨೦. ನಮೋ॑ ಗ॒ಣೇಭ್ಯೋ॑ ಗ॒ಣಪ॑ತಿಭ್ಯಶ್ಚ ವೋ॒ ನಮಃ॑॥ ಪೃಷ್ಠಾಯ ನಮಃ॥ (ಹಿಂಭಾಗ​)

✤ ೨೧. ನಮ॒ಸ್ತಕ್ಷ॑ಭ್ಯೋ ರಥಕಾ॒ರೇ.ಭ್ಯ॑ಶ್ಚ ವೋ॒ ನಮಃ॑॥ ಕಕ್ಷಾಭ್ಯಾಂ ನಮಃ॥ (ಕಂಕುಳಗಳು)

✤ ೨೨. ನಮೋ॒ ಹಿರ॑ಣ್ಯಬಾಹವೇ ಸೇನಾ॒ನ್ಯೇ॑ ದಿ॒ಶಾಂ ಚ॒ ಪತ॑ಯೇ॒ ನಮಃ॑॥ ಪಾರ್ಶ್ವಾಭ್ಯಾಂ ನಮಃ॥ (ಪಕ್ಕೆಗಳು)

✤ ೨೩. ವಿಜ್ಯಂ॒ ಧನುಃ॑ ಕಪ॒ರ್ದಿನೋ॒ ವಿಶ॑ಲ್ಯೋ॒ ಬಾಣ॑ವಾಗ್ಂ ಉ॒ತ। ಅನೇ॑ಶನ್ನ॒ಸ್ಯೇಷ॑ವ ಆ॒ಭುರ॑ಸ್ಯ ನಿಷಂ॒ಗಥಿಃ॑॥ ಜಠರಾಯ ನಮಃ॥ (ಹೊಟ್ಟೆ)

✤ ೨೪. ಹಿ॒ರ॒ಣ್ಯ॒ಗ॒ರ್ಭಸ್ಸಮ॑ವರ್ತ॒ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್ | ಸದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॥ ನಾಭ್ಯೈ ನಮಃ॥ (ಹೊಕ್ಕಳು)

✤ ೨೫. ಮೀಢು॑ಷ್ಟಮ॒ ಶಿವ॑ತಮ ಶಿ॒ವೋ ನಃ॑ ಸು॒ಮನಾ॑ ಭವ। ಪ॒ರ॒ಮೇ ವೃ॒ಕ್ಷ ಆಯು॑ಧಂ ನಿ॒ಧಾಯ॒ ಕೃತ್ತಿಂ॒ ವಸಾ॑ನ॒ ಆ ಚ॑ರ॒ ಪಿನಾ॑ಕಂ॒ ಬಿಭ್ರ॒ದಾ ಗ॑ಹಿ॥ ಕಟ್ಯೈ ನಮಃ॥ (ಸೊಂಟ​)

✤ ೨೬. ಯೇ ಭೂ॒ತಾನಾ॒ಮಧಿ॑ಪತಯೋ ವಿಶಿ॒ಖಾಸಃ॑ ಕಪ॒ರ್ದಿನಃ॑। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಗುಹ್ಯಾಯ ನಮಃ॥ (ಗುಹ್ಯ ಸ್ಥಳ​)

✤ ೨೭. ಯೇ ಅನ್ನೇ॑ಷು ವಿ॒ವಿಧ್ಯಂ॑ತಿ॒ ಪಾ.ತ್ರೇ॑ಷು॒ ಪಿಬ॑ತೋ॒ ಜನಾನ್॑। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಅಂಡಾಭ್ಯಾಂ ನಮಃ॥ (ವೃಷಣಗಳು)

✤ ೨೮. ಸ॒ ಶಿ॒ರಾ ಜಾ॒ತವೇ॑ದಾಃ। ಅ॒ಕ್ಷರಂ॑ ಪರ॒ಮಂ ಪ॒ದಮ್। ವೇ॒ದಾ॑ನಾ॒ಗ್ಂ॒ ಶಿರ॑ ಉತ್ತ॒ಮಮ್।  ಜಾ॒ತವೇ॑ದಸೇ॒ ಶಿರ॑ಸಿ ಮಾ॒ತಾ ಬ್ರಹ್ಮ॒ಭೂರ್ಭುವ॒ಸ್ಸುವ॒ರೋಮ್॥ ಅಪಾನಾಯ ನಮಃ॥ (ಗುದದ್ವಾರ​)

✤ ೨೯. ಮಾ ನೋ॑ ಮ॒ಹಾಂತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷಂ॑ತಮು॒ತ ಮಾ ನ॑ ಉಕ್ಷಿ॒ತಂ। ಮಾ ನೋ॑ ವಧೀಃ ಪಿ॒ತರಂ॒ ಮೋತ ಮಾ॒ತರಂ॑ ಪ್ರಿ॒ಯಾ ಮಾ ನ॑ಸ್ತ॒ನುವೋ॑ ರುದ್ರ ರೀರಿಷಃ॥ ಊರೂಭ್ಯಾಂ ನಮಃ॥ (ತೊಡೆಗಳು)

✤ ೩೦. ಏ॒ಷ ತೇ॑ ರುದ್ರಭಾ॒ಗಸ್ತಂ ಜು॑ಷಸ್ವ ತೇನಾ॑ವ॒ಸೇನ॑ ಪ॒ರೋ ಮೂಜ॑ವ॒ತೋತೀ॒ಹ್ಯವ॑ತತ ಧನ್ವಾ॒ ಪಿನಾ॑ಕಹಸ್ತಃ॒ ಕೃತ್ತಿ॑ವಾಸಾಃ॥ ಜಾನುಭ್ಯಾಂ ನಮಃ॥ (ಮೊಣಕಾಲುಗಳು)

✤ ೩೧. ಸ॒ಗ್ಂ॒ ಸೃ॒ಷ್ಟ॒ಜಿತ್ಸೋ॑ಮ॒ಪಾ ಬಾ॑ಹು ಶ॒ರ್ಧ್ಯೂ᳚ರ್ಧ್ಯ ಧ॑ನ್ವಾ॒ ಪ್ರತಿ॑ಹತಾಭಿ॒ರಸ್ತಾ᳚। ಬೃಹ॑ಸ್ಪತೇ॒ ಪರಿ॑ದೀಯಾ॒ ರಥೇ॑ನ ರಕ್ಷೋ॒ಹಾಽ-ಮಿತ್ರಾಗ್ಂ॑ ಅಪ॒ಬಾಧ॑ಮಾನಃ॥ ಜಂಘಾಭ್ಯಾಂ ನಮಃ॥ (ಮೊಣಕಾಲಿನ ಹಿಂಭಾಗಗಳು)

✤ ೩೨. ವಿಶ್ವಂ॑ ಭೂ॒ತಂ ಭುವ॑ನಂ ಚಿ॒ತ್ರಂ ಬ॑ಹು॒ಧಾ ಜಾ॒ತಂ ಜಾಯ॑ಮಾನಂ ಚ॒ ಯತ್। ಸರ್ವೋ॒ ಹ್ಯೇ॑ಷ ರು॒ದ್ರ-ಸ್ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॥ ಗುಲ್ಫಾಭ್ಯಾಂ ನಮಃ॥ (ಪಾದದ ಕೀಲುಗಳು)

✤ ೩೩. ಯೇ ಪ॒ಥಾಂ ಪ॑ಥಿ॒ರಕ್ಷ॑ಯ ಐಲಬೃ॒ದಾ ಯ॒ವ್ಯುಧಃ॑। ತೇಷಾಗ್ಂ॑ ಸಹಸ್ರಯೋಜ॒ನೇವ॒ ಧನ್ವಾ॑ನಿ ತನ್ಮಸಿ॥ ಪಾದಾಭ್ಯಾಂ ನಮಃ॥ (ಪಾದಗಳು)

✤ ೩೪. ಅಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್। ಅಹೀಗ್॑ಶ್ಚ॒ ಸರ್ವಾಂ᳚ಜಂ॒ಭಯಂ॒ತ್ಸರ್ವಾ᳚ಶ್ಚ ಯಾತುಧಾ॒ನ್ಯಃ॑॥ ಕವಚಾಯ ನಮಃ॥ (ಹೊರಕವಚ)

✤ ೩೫. ನಮೋ॑ ಬಿ॒ಲ್ಮಿನೇ॑ ಚ ಕವ॒ಚಿನೇ॑ ಚ॒ ನಮಃ॑ ಶ್ರು॒ತಾಯ॑ ಚ ಶ್ರುತಸೇ॒ನಾಯ॑ ಚ॥ ಉಪಕವಚಾಯ ನಮಃ॥ (ಒಳಕವಚ​)

✤ ೩೬. ನಮೋ॑. ಅಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಕ್ಷಾಯ॑ ಮೀ॒ಡುಷೇ᳚। ಅಥೋ॒ ಯೇ. ಅ॑ಸ್ಯ॒ ಸತ್ತ್ವಾ॑ನೋ॒ಽಹಂ ತೇಭ್ಯೋ॑ಽಕರಂ॒ ನಮಃ॑॥ ತೃತೀಯ ನೇತ್ರಾಯ ನಮಃ॥  (ಮೂರನೇ ಕಣ್ಣು)

✤ ೩೭. ಪ್ರ ಮುಂ॑ಚ॒ ಧನ್ವ॑ನ॒ಸ್ತ್ವಮು॒ಭಯೋ॒ರಾರ್ತ್ನಿ॑ಯೋ॒ರ್‌ಜ್ಯಾಂ। ಯಾಶ್ಚ॑ ತೇ॒ ಹಸ್ತ॒ ಇಷ॑ವಃ॒ ಪರಾ॒ ತಾ ಭ॑ಗವೋ ವಪ॥ ಅಸ್ತ್ರಾಯ ನಮಃ॥ (ಅಸ್ತ್ರ​)

✤ ೩೮. ಯ ಏ॒ತಾವಂ॑ತಶ್ಚ॒ ಭೂಯಾಗ್ಂ॑ಸಶ್ಚ॒ ದಿಶೋ॑ ರು॒ದ್ರಾ ವಿ॑ತಸ್ಥಿ॒ರೇ। ತೇಷಾಗ್ಂ॑ ಸಹಸ್ರಯೋಜ॒ನೇಽವ॒ ಧನ್ವಾ॑ನಿ ತನ್ಮಸಿ॥ ದಿಗ್ಬಂಧಾಯ ನಮಃ॥

 ಮೂರ್ಧಾದಿ ಪಾದಾಂತಂ ದಶಾಂಗನ್ಯಾಸಃ

ಓಂ ನಮೋ ಭಗವತೇ ರುದ್ರಾಯೇತಿ ನಮಸ್ಕಾರಂ ನ್ಯಸೇತ್‌। ಓಂಕಾರಂ ಮೂರ್ಧ್ನಿ ವಿನ್ಯಸ್ಯ ನಕಾರಂ ನಾಸಿಕಾಗ್ರತಃ। ಮೋಕಾರಂ ತು ಲಲಾಟೇವೈ ಭಕಾರಂ ಮುಖಮಧ್ಯತಃ। ಗಕಾರಂ ಕಂಠದೇಶೇ ತು ನಕಾರಂ ಹೃದಿ ವಿನ್ಯಸೇತ್‌। ತೇಕಾರಂ ದಕ್ಷಿಣೇ ಹಸ್ತೆ ರುಕಾರಂ ವಾಮತೋ ನ್ಯಸೇತ್‌। ದ್ರಾಕಾರಂ ನಾಭಿದೇಶೇ ತು ಯಕಾರಂ ಪಾದಯೋರ್ನ್ಯಸೇತ್‌॥

ಓಂ ನಮೋ ಭಗವತೇ॑ ರುದ್ರಾ॒ಯ। ಇತಿ ನಮಸ್ಕಾರಾನ್ ನ್ಯಸೇತ್।

ಓಂ ಮೂರ್ಧ್ನೇ ನಮಃ।

ನಂ ನಾಸಿಕಾಯೈ ನಮಃ।

ಮೋಂ ಲಲಾಟಾಯ ನಮಃ।

ಭಂ ಮುಖಾಯ ನಮಃ।

ಗಂ ಕಂಠಾಯ ನಮಃ।

ವಂ ಹೃದಯಾಯ ನಮಃ।

ತೇಂ ದಕ್ಷಿಣ ಹಸ್ತಾಯ ನಮಃ।

ರುಂ ವಾಮ ಹಸ್ತಾಯ ನಮಃ।

ದ್ರಾಂ ನಾಭ್ಯೈ ನಮಃ।

ಯಂ ಪಾದಾಭ್ಯಾಂ ನಮಃ।

ಪಾದಾದಿ ಮೂರ್ಧಾಂತಂ ಪಂಚಾಂಗನ್ಯಾಸಃ

ಸದ್ಯಸ್ಯ ಪಾದಯೋರ್ನ್ಯಸ್ಯ ವಾಮಂನ್ಯಸ್ಕೂರುಮಧ್ಯತಃ। ಅಘೋರಂ ಹೃದಿ ವಿನ್ನಸ್ಯ ಮುಖೇ ತತ್ಪುರುಷಂ ನ್ಯಸೇತ್‌। ಈಶಾನಂ ಮೂರ್ಧ್ನಿ ವಿನ್ಯಸ್ಯ …

✤ ೧. ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮಃ॑। ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಂ। ಭ॒ವೋದ್ಭ॑ವಾಯ॒ ನಮಃ॑॥ ಪಾದಾಭ್ಯಾಂ ನಮಃ

✤ ೨. ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮ॑ಶ್ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮ॒ಸ್ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑॥ ಊರು-ಮಧ್ಯಮಾಭ್ಯಾಂ ನಮಃ

✤ ೩. ಅ॒ಘೋರೇ᳚ಭ್ಯೋಽಥ॒ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ॥ ಹೃದಯಾಯ ನಮಃ

✤ ೪. ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್॥ ಮುಖಾಯ ನಮಃ

೫. ಈಶಾನ-ಸ್ಸ॑ರ್ವವಿದ್ಯಾ॒ನಾ॒-ಮೀಶ್ವರ-ಸ್ಸರ್ವ॑ ಭೂತಾ॒ನಾಂ॒ ಬ್ರಹ್ಮಾಽಧಿ॑ಪತಿ॒-ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಂ॥ ಮೂರ್ಧ್ನೇ ನಮಃ

ಹಂಸಗಾಯತ್ರೀ

… ಹಂಸಮಂತ್ರಂ ಸಮಾರಭೇತ್‌। ಹಂಸಹಂಸೇತಿ ಯೋ ಭ್ರೂಯಾದ್ದಂಸೋ ನಾಮ ಸದಾಶಿವಃ। ಏವಂ ನ್ಯಾಸವಿಧಿಂ ಕೃತ್ವಾ …

ಅಸ್ಯ ಶ್ರೀ ಹಂಸ ಗಾಯತ್ರೀ ಸ್ತೋತ್ರ ಮಹಾಮಂತ್ರಸ್ಯ। ಅವ್ಯಕ್ತ ಪರಬ್ರಹ್ಮ ಋಷಿಃ। ಅವ್ಯಕ್ತ ಗಾಯತ್ರೀ ಛಂದಃ। ಪರಮಹಂಸೋ ದೇವತಾ। ಹಂ-ಸಾಂ-ಬೀಜಂ। ಹಂ-ಸೀಂ-ಶಕ್ತಿಃ। ಹಂ-ಸೂಂ ಕೀಲಕಂ। ಪರಮಹಂಸ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ।

ಹಂಸಾಂ ಅಂಗುಷ್ಠಾಭ್ಯಾಂ ನಮಃ। ಹಂಸೀಂ ತರ್ಜನೀಭ್ಯಾಂ ನಮಃ। ಹಂಸೂಂ ಮಧ್ಯಮಾಭ್ಯಾಂ ನಮಃ। ಹಂಸೈಂ ಅನಾಮಿಕಾಭ್ಯಾಂ ನಮಃ। ಹಂಸೌಂ ಕನಿಷ್ಠಿಕಾಭ್ಯಾಂ ನಮಃ। ಹಂಸಃ ಕರತಲ ಕರಪೃಷ್ಠಾಭ್ಯಾಂ ನಮಃ। ಹಂಸಾಂ ಹೃದಯಾಯ ನಮಃ।

ಹಂಸೀಂ ಶಿರಸೇ ಸ್ವಾಹಾ। ಹಂಸೂಂ ಶಿಖಾಯೈ ವಷಟ್। ಹಂಸೈಂ ಕವಚಾಯ ಹುಂ। ಹಂಸೌಂ ನೇತ್ರತ್ರಯಾಯ ವೌಷಟ್। ಹಂಸಃ ಅಸ್ತ್ರಾಯ ಫಟ್। ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ।

ಧ್ಯಾನಮ್।

ಗಮಾಗಮಸ್ಥಂ ಗಮನಾದಿ ಶೂನ್ಯಂ ಚಿದ್ರೂಪದೀಪಂ ತಿಮಿರಾಪಹಾರಂ। ಪಶ್ಯಾಮಿ ತೇ ಸರ್ವಜನಾಂತರಸ್ಥಂ ನಮಾಮಿ ಹಂಸಂ ಪರಮಾತ್ಮರೂಪಂ। ದೇಹೋ ದೇವಾಲಯಃ ಪ್ರೋಕ್ತೋ ಜೀವೋ ದೇವಸ್ಸನಾತನಃ। ತ್ಯಜೇದಜ್ಞಾನ ನಿರ್ಮಾಲ್ಯಂ ಸೋಽಹಂ ಭಾವೇನ ಪೂಜಯೇತ್॥

ಹಂಸೋಹಂಸಃ ಪರಮಹಂಸಃ। ಹಂಸಸ್ಸೋಽಹಂ ಸೋಽಹಂ ಹಂಸಃ॥

ಹಂ॒ಸ॒ ಹಂ॒ಸಾಯ॑ ವಿ॒ದ್ಮಹೇ॑ ಪರಮಹಂ॒ಸಾಯ॑ ಧೀಮಹಿ।ತನ್ನೋ॑ ಹಂಸಃ ಪ್ರಚೋ॒ದಯಾ᳚ತ್॥3॥

ದಿಕ್-ಸಂಪುಟನ್ಯಾಸಃ

… ತತಃ ಸಂಪುಟಮಾರಭೇತ್‌॥ ತ್ರಾತಾರವಿಂದ್ರಂ, ತ್ವಂನೋ ಅಗ್ನೇ, ಸುಗಂನಃ ಪಂಥಾಮಸುನ್ವಂತಂ ತತ್ತ್ವಾಯಾಮ್ಯಾನೋನಿಯುದ್ಭಿರ್ವಯಗ್ಂ ಸೋಮ ತಮೀಶಾನ ಮಸ್ಮೇ ರುದ್ರಾಸ್ಸ್ಯೋನಾಪೃಥಿವೀ ಇತ್ಯೇತತ್ಸಂಪುಟಮಿಂದ್ರಾದೀನ್‌ ದಿಕ್ಷು ವಿನ್ಯಸ್ಯ। ಆದೌ ಪ್ರಣವಮುಚ್ಚಾರ್ಯ ವ್ಯಾಹೃತೀಃ ಪ್ರಣವಂ ತತಃ। ಬೀಜಂ ಮಂತ್ರಂ ಸಮುಚ್ಚಾರ್ಯ ಮಂತ್ರಾಂತೇ ಬೀಜಮುಚ್ಚರೇತ್‌।

✤ ೧. ಓಂ ಭೂರ್ಭುವ॒ಸ್ಸುವರೋಮ್। ಓಂ ಲಂ। ತ್ರಾ॒ತಾರ॒ಮಿಂದ್ರ॑-ಮವಿ॒ತಾರ॒ಮಿಂದ್ರ॒ಗ್ಂ॒ ಹವೇ॑ಹವೇ ಸು॒ಹವ॒ಗ್ಂ॒ ಶೂರ॒ ಮಿಂದ್ರಂ᳚। ಹು॒ವೇ ನು ಶ॒ಕ್ರಂ ಪು॑ರುಹೂ॒ತಮಿಂದ್ರಗ್ಗ್॑ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿಂದ್ರಃ॑॥ ಲಂ ಪೂರ್ವ ದಿಗ್ಭಾಗೇ ಇಂದ್ರಾಯ ವಜ್ರಹಸ್ತಾಯ ದೇವಾಧಿಪತಯೇ ಐರಾವತವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಲಂ ಇಂದ್ರಾಯ ನಮಃ। ಪೂರ್ವದಿಗ್ಭಾಗೇ ಲಲಾಟಸ್ಥಾನೇ ಇಂದ್ರಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೨. ಓಂ ಭೂರ್ಭುವ॒ಸ್ಸುವರೋಮ್। ರಂ। ತ್ವಂ ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾಂದೇ॒ವಸ್ಯ॒ ಹೇಡೋಽವ॑ ಯಾ ಸಿಸೀಷ್ಠಾಃ। ಯಜಿ॑ಷ್ಠೋ॒ ವಹ್ನಿ॑ತಮಃ॒ ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಗ್ಂ॑ಸಿ॒ ಪ್ರ ಮು॑ಮುಗ್ಧ್ಯ॒ಸ್ಮತ್॥ ರಂ ಆಗ್ನೇಯ ದಿಗ್ಭಾಗೇ ಅಗ್ನಯೇ ಶಕ್ತಿಹಸ್ತಾಯ ತೇಜೋಽಧಿಪತಯೇ ಅಜವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ರಂ ಅಗ್ನಯೇ ನಮಃ। ಆಗ್ನೇಯ ದಿಗ್ಭಾಗೇ ನೇತ್ರಸ್ಥಾನೇ ಅಗ್ನಿಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೩. ಓಂ ಭೂರ್ಭುವ॒ಸ್ಸುವರೋಮ್। ಹಂ। ಸು॒ಗಂ ನಃ॒ ಪಂಥಾ॒ಮಭ॑ಯಂ ಕೃಣೋತು । ಯಸ್ಮಿ॒ನ್ನಕ್ಷ॑ತ್ರೇ ಯ॒ಮ ಏತಿ॒ ರಾಜಾ᳚। ಯಸ್ಮಿ॑ನ್ನೇನಮ॒ಭ್ಯಷಿಂ॑ಚಂತ ದೇ॒ವಾಃ। ತದ॑ಸ್ಯ ಚಿ॒ತ್ರಗ್ಂ ಹ॒ವಿಷಾ॑ ಯಜಾಮ॥ ಹಂ ದಕ್ಷಿಣ ದಿಗ್ಭಾಗೇ ಯಮಾಯ ದಂಡಹಸ್ತಾಯ ಧರ್ಮಾಧಿಪತಯೇ ಮಹಿಷವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಹಂ ಯಮಾಯ ನಮಃ। ದಕ್ಷಿಣ ದಿಗ್ಭಾಗೇ ಕರ್ಣಸ್ಥಾನೇ ಯಮಃ ಸುಪ್ರೀತೋಸುಪ್ರಸನ್ನೋ ವರದೋ  ಭವತು॥

✤ ೪. ಓಂ ಭೂರ್ಭುವ॒ಸ್ಸುವರೋಮ್। ಷಂ। ಅಸು॑ನ್ವಂತ॒ಮಯ॑ಜಮಾನಮಿಚ್ಛ ಸ್ತೇ॒ನಸ್ಯೇ॒ತ್ಯಾಂ ತಸ್ಕ॑ರ॒ಸ್ಯಾನ್ವೇ॑ಷಿ। ಅ॒ನ್ಯಮ॒ಸ್ಮದಿ॑ಚ್ಛ॒ ಸಾತ॑ ಇ॒ತ್ಯಾ ನಮೋ॑ ದೇವಿ ನಿರೃತೇ॒ ತುಭ್ಯ॑ಮಸ್ತು॥ ಷಂ ನಿರ್‌ಋತಿ ದಿಗ್ಭಾಗೇ ನಿರ್‌ಋತಯೇ ಖಡ್ಗಹಸ್ತಾಯ ರಕ್ಷೋಽಧಿಪತಯೇ ನರವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಷಂ ನಿರ್‌ಋತಯೇ ನಮಃ। ನಿರ್‌ಋತಿ ದಿಗ್ಭಾಗೇ ಮುಖ ಸ್ಥಾನೇ ನಿರ್‌ಋತಿಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೫. ಓಂ ಭೂರ್ಭುವ॒ಸ್ಸುವರೋಮ್। ವಂ। ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑। ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಗ್ಂ ಸ॒ ಮಾ ನ॒ ಆಯುಃ॒ ಪ್ರ ಮೋ॑ಷೀಃ॥ ವಂ ಪಶ್ಚಿಮ ದಿಗ್ಭಾಗೇ ವರುಣಾಯ ಪಾಶಹಸ್ತಾಯ ಜಲಾಧಿಪತಯೇ ಮಕರವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ವಂ ವರುಣಾಯ ನಮಃ। ಪಶ್ಚಿಮ ದಿಗ್ಭಾಗೇ ಬಾಹು ಸ್ಥಾನೇ ವರುಣಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೬. ಓಂ ಭೂರ್ಭುವ॒ಸ್ಸುವರೋಮ್। ಯಂ। ಆ ನೋ॑ ನಿ॒ಯುದ್ಭಿಃ॑ ಶ॒ತಿನೀ॑ಭಿರಧ್ವ॒ರಂ। ಸ॒ಹ॒ಸ್ರಿಣೀ॑ಭಿ॒ರುಪ॑ ಯಾಹಿ ಯ॒ಜ್ಞಂ। ವಾಯೋ॑ ಅ॒ಸ್ಮಿನ್ ಹ॒ವಿಷಿ॑ ಮಾದಯಸ್ವ। ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ॥ ಯಂ ವಾಯವ್ಯ ದಿಗ್ಭಾಗೇ ವಾಯವೇ ಸಾಂಕುಶಧ್ವಜಹಸ್ತಾಯ ಪ್ರಾಣಾಧಿಪತಯೇ ಮೃಗವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಯಂ ವಾಯವೇ ನಮಃ। ವಾಯವ್ಯ ದಿಗ್ಭಾಗೇ ನಾಸಿಕ ಸ್ಥಾನೇ ವಾಯುಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೭. ಓಂ ಭೂರ್ಭುವ॒ಸ್ಸುವರೋಮ್। ಸಂ। ವ॒ಯಗ್ಂ‌ ಸೋ॑ಮ ವ್ರ॒ತೇ ತವ॑। ಮನ॑ಸ್ತ॒ನೂಷು॒ ಬಿಭ್ರ॑ತಃ। ಪ್ರ॒ಜಾವಂ॑ತೋ ಅಶೀಮಹಿ॥ ಸಂ ಉತ್ತರ ದಿಗ್ಭಾಗೇ ಸೋಮಾಯ ಅಮೃತಕಲಶಹಸ್ತಾಯ ನಕ್ಷತ್ರಾಧಿಪತಯೇ ಅಶ್ವವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಸಂ ಸೋಮಾಯ ನಮಃ। ಉತ್ತರ ದಿಗ್ಭಾಗೇ ಹೃದಯ ಸ್ಥಾನೇ ಸೋಮಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೮. ಓಂ ಭೂರ್ಭುವ॒ಸ್ಸುವರೋಮ್। ಶಂ। ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂ ಜಿ॒ನ್ವಮವ॑ಸೇ ಹೂಮಹೇ ವ॒ಯಮ್। ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚॥ ಶಂ ಈಶಾನ್ಯ ದಿಗ್ಭಾಗೇ ಈಶಾನಾಯ ತ್ರಿಶೂಲಹಸ್ತಾಯ ಭೂತಾಧಿಪತಯೇ ವೃಷಭವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಶಂ ಈಶಾನಾಯ ನಮಃ। ಈಶಾನ್ಯ ದಿಗ್ಭಾಗೇ ನಾಭಿ ಸ್ಥಾನೇ ಈಶಾನಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥  

✤ ೯. ಓಂ ಭೂರ್ಭುವ॒ಸ್ಸುವರೋಮ್। ಖಂ। ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚। ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಂ ಅ॑ವಂತು ದೇ॒ವಾಃ॥ ಖಂ ಊರ್ಧ್ವ ದಿಗ್ಭಾಗೇ ಬ್ರಹ್ಮಣೇ ಪದ್ಮಹಸ್ತಾಯ ಪ್ರಜಾಧಿಪತಯೇ ಹಂಸವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಖಂ ಬ್ರಹ್ಮಣೇ ನಮಃ। ಊರ್ಧ್ವ ದಿಗ್ಭಾಗೇ ಮೂರ್ಧ ಸ್ಥಾನೇ ಬ್ರಹ್ಮಾ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

✤ ೧೦. ಓಂ ಭೂರ್ಭುವ॒ಸ್ಸುವರೋಮ್। ಹ್ರೀಂ। ಸ್ಯೋ॒ನಾ ಪೃ॑ಥಿವಿ॒ ಭವಾ॑ನೃಕ್ಷ॒ರಾ ನಿ॒ವೇಶ॑ನೀ। ಯಚ್ಛಾ॑ ನಃ॒ ಶರ್ಮ॑ ಸ॒ಪ್ರಥಾಃ᳚॥ ಹ್ರೀಂ ಅಧೋ ದಿಗ್ಭಾಗೇ ವಿಷ್ಣವೇ ಚಕ್ರಹಸ್ತಾಯ ಲೋಕಾಧಿಪತಯೇ ಗರುಡವಾಹನಾಯ ಸಾಂಗಾಯ ಸಾಯುಧಾಯ ಸಶಕ್ತಿ ಸಪರಿವಾರಾಯ ಸರ್ವಾಲಂಕಾರಭೂಷಿತಾಯ ಉಮಾಮಹೇಶ್ವರ ಪಾರ್ಷದಾಯ ನಮಃ। ಹ್ರೀಂ ವಿಷ್ಣವೇ ನಮಃ। ಅಧೋ ದಿಗ್ಭಾಗೇ ಪಾದ ಸ್ಥಾನೇ ವಿಷ್ಣುಃ ಸುಪ್ರೀತೋಸುಪ್ರಸನ್ನೋ ವರದೋ ಭವತು॥

ದಶಾಂಗ ರೌದ್ರೀಕರಣಂ

ಅಥೈವಮೇವಾತ್ಮನಿ ದಶಾಂಗರೌದ್ರೀಕರಣಂ ಕುರ್ಯಾತ್‌। ತತ್ರ ವಿಶೇಷಃ - ಪ್ರಣವಂ ವ್ಯಾಹೃತಿರ್ಬೀಜಂ ಶಂಭವೇ ಚ ತತಃ ಪರಂ। ದಿಙ್ಮಂತ್ರಂ ಶಂಭವೇ ಚಾಂತೇ ಬೀಜಂ ಪ್ರಣವಮುಚ್ಚರೇತ್‌। ಲಂ ರಂ ಹಂ ಷಂ ವಂ ಯಂ ಚೈವ ಸಂ ಶಂ ಳಂ ಕ್ಷಮಿತಿ ಕ್ರಮಾತ್‌। ಇತಿ ದಶಾಂಗ ರೌದ್ರೀಕರಣಂ ಕೃತ್ವಾ …

✤ ೧. ಓಂ ಭೂರ್ಭುವ॒ಸ್ಸುವಃ॑। ಓಂ ಲಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ತ್ರಾ॒ತಾರ॒ಮಿಂದ್ರ॑ ಮವಿ॒ತಾರ॒ಮಿಂದ್ರ॒ಗ್ಂ॒ ಹವೇ॑ ಹವೇ ಸು॒ಹವ॒ಗ್ಂ॒ ಶೂರ॒ಮಿಂದ್ರ᳚ಮ್। ಹು॒ವೇ ನು ಶ॒ಕ್ರಂ ಪು॑ರುಹೂ॒ತಮಿಂದ್ರಗ್ಗ್॑ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿಂದ್ರಃ॑॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಲಂ ಓಂ। ಭೂರ್ಭುವ॒ಸ್ಸುವರೋಮ್। ಪೂರ್ವದಿಗ್ಭಾಗೇ ಲಲಾಟಸ್ಥಾನೇ ರುದ್ರಾಯ​ ನಮಃ॥

✤ ೨. ಓಂ ಭೂರ್ಭುವ॒ಸ್ಸುವಃ॑। ನಂ ರಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ತ್ವಂ ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾಂದೇ॒ವಸ್ಯ॒ ಹೇಡೋಽವ॑ ಯಾಸಿಸೀಷ್ಠಾಃ। ಯಜಿ॑ಷ್ಠೋ॒ ವಹ್ನಿ॑ತಮಃ॒ ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಗ್ಂ॑ಸಿ॒ ಪ್ರಮು॑ಮುಗ್ಧ್ಯ॒ಸ್ಮತ್॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ರಂ ನಂ। ಭೂರ್ಭುವ॒ಸ್ಸುವರೋಮ್। ಆಗ್ನೇಯದಿಗ್ಭಾಗೇ ನೇತ್ರಯೋಸ್ಥಾನೇ ರುದ್ರಾಯ​ ನಮಃ॥

✤ ೩. ಓಂ ಭೂರ್ಭುವ॒ಸ್ಸುವಃ॑। ಮೋಂ ಮಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಸು॒ಗಂ ನಃ॒ ಪಂಥಾ॒ಮಭ॑ಯಂ ಕೃಣೋತು। ಯಸ್ಮಿ॒ನ್ನಕ್ಷ॑ತ್ರೇ ಯ॒ಮ ಏತಿ॒ ರಾಜಾ᳚। ಯಸ್ಮಿ॑ನ್ನೇನಮ॒ಭ್ಯಷಿಂ॑ಚಂತ ದೇ॒ವಾಃ। ತದ॑ಸ್ಯ ಚಿ॒ತ್ರಗ್ಂ ಹ॒ವಿಷಾ॑ ಯಜಾಮ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಮಂ ಮೋಂ। ಭೂರ್ಭುವ॒ಸ್ಸುವರೋಮ್। ದಕ್ಷಿಣದಿಗ್ಭಾಗೇ ಕರ್ಣಯೋಸ್ಥಾನೇ ರುದ್ರಾಯ​ ನಮಃ॥

✤ ೪. ಓಂ ಭೂರ್ಭುವ॒ಸ್ಸುವಃ॑। ಭಂ ಷಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅಸು॑ನ್ವಂತ॒ ಮಯ॑ಜಮಾನಮಿಚ್ಛಸ್ತೇ॒ನಸ್ಯೇ॒ತ್ಯಾಂತಸ್ಕ॑ರ॒ಸ್ಯಾನ್ವೇ॑ಷಿ। ಅ॒ನ್ಯಮ॒ಸ್ಮದಿ॑ಚ್ಛ॒ ಸಾ ತ॑ ಇ॒ತ್ಯಾ ನಮೋ॑ ದೇವಿ ನಿರ್.ಋತೇ॒ ತುಭ್ಯ॑ಮಸ್ತು॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಷಂ ಭಂ। ಭೂರ್ಭುವ॒ಸ್ಸುವರೋಮ್। ನಿರ್‌ಋತಿದಿಗ್ಭಾಗೇ ಮುಖಸ್ಥಾನೇ ರುದ್ರಾಯ​ ನಮಃ॥

✤ ೫. ಓಂ ಭೂರ್ಭುವ॒ಸ್ಸುವಃ॑। ಗಂ ವಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ತತ್ತ್ವಾ॑ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑। ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಗ್ಂಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ವಂ ಗಂ। ಭೂರ್ಭುವ॒ಸ್ಸುವರೋಮ್। ಪಶ್ಚಿಮದಿಗ್ಭಾಗೇ ಬಾಹ್ವೋಸ್ಥಾನೇ ರುದ್ರಾಯ​ ನಮಃ॥

✤ ೬. ಓಂ ಭೂರ್ಭುವ॒ಸ್ಸುವಃ॑। ವಂ ಯಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ

ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಆ ನೋ॑ ನಿ॒ಯುದ್ಭಿಃ॑ ಶ॒ತಿನೀ॑ಭಿರಧ್ವ॒ರಗ್ಮ್। ಸ॑ಹ॒ಸ್ರಿಣೀ॑ಭಿ॒ರುಪ॑ ಯಾಹಿ ಯ॒ಜ್ಞಮ್। ವಾಯೋ॑ ಅ॒ಸ್ಮಿನ್ ಹ॒ವಿಷಿ॑ ಮಾದಯಸ್ವ। ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಯಂ ವಂ। ಭೂರ್ಭುವ॒ಸ್ಸುವರೋಮ್। ವಾಯವ್ಯದಿಗ್ಭಾಗೇ ನಾಸಿಕಾಸ್ಥಾನೇ ರುದ್ರಾಯ​ ನಮಃ॥

✤ ೭. ಓಂ ಭೂರ್ಭುವ॒ಸ್ಸುವಃ॑। ತೇಂ ಸಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ವ॒ಯಗ್ಂ ಸೋ॑ಮ ವ್ರ॒ತೇ ತವ॑। ಮನ॑ಸ್ತ॒ನೂಷು॒ಬಿಭ್ರ॑ತಃ। ಪ್ರ॒ಜಾವಂ॑ತೋ ಅಶೀಮಹಿ। ಇಂ॒ದ್ರಾ॒ಣೀ ದೇ॒ವೀ ಸು॒ಭಗಾ॑ ಸು॒ಪತ್ನೀ᳚॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಸಂ ತೇಂ। ಭೂರ್ಭುವ॒ಸ್ಸುವರೋಮ್। ಉತ್ತರದಿಗ್ಭಾಗೇ ಜಠರಸ್ಥಾನೇ ರುದ್ರಾಯ​ ನಮಃ॥

✤ ೮. ಓಂ ಭೂರ್ಭುವ॒ಸ್ಸುವಃ॑। ರುಂ ಶಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂ ಜಿ॒ನ್ವಮವ॑ಸೇ ಹೂಮಹೇ ವ॒ಯಮ್। ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಶಂ ರುಂ। ಭೂರ್ಭುವ॒ಸ್ಸುವರೋಮ್। ಈಶಾನ್ಯದಿಗ್ಭಾಗೇ ನಾಭಿಸ್ಥಾನೇ ರುದ್ರಾಯ​ ನಮಃ॥

✤ ೯. ಓಂ ಭೂರ್ಭುವ॒ಸ್ಸುವಃ॑। ದ್ರಾಂ ಹಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚। ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಁ ಅ॑ವಂತು ದೇ॒ವಾಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಹಂ ದ್ರಾಂ। ಭೂರ್ಭುವ॒ಸ್ಸುವರೋಮ್। ಊರ್ಧ್ವದಿಗ್ಭಾಗೇ ಮೂರ್ಧ​ಸ್ಥಾನೇ ರುದ್ರಾಯ​ ನಮಃ॥

✤ ೧೦. ಓಂ ಭೂರ್ಭುವ॒ಸ್ಸುವಃ॑। ಯಂ ಲಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒॥ ಸ್ಯೋ॒ನಾ ಪೃ॑ಥಿವಿ॒ ಭವಾ॑ನೃಕ್ಷ॒ರಾ ನಿ॒ವೇಶ॑ನೀ। ಯಚ್ಛಾ॑ ನಃ॒ ಶರ್ಮ॑ ಸ॒ಪ್ರಥಾಃ᳚॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒॥ ಓಂ ನಮೋ ಭಗವತೇ॑ ರುದ್ರಾ॒ಯ। ಲಂ ಯಂ। ಭೂರ್ಭುವ॒ಸ್ಸುವರೋಮ್। ಅಧೋದಿಗ್ಭಾಗೇ ಪಾದಯೋಃ ಸ್ಥಾನೇ ರುದ್ರಾಯ​ ನಮಃ॥

ಷೋಡಶಾಂಗ ರೌದ್ರೀಕರಣಂ

ತತಃ ಷೋಡಶಾಂಗ ರೌದ್ರೀಕರಣಂ ಕುರ್ಯಾತ್‌॥ ಯಥಾ - ವಿಭೂರಸಿ ಪ್ರವಾಹಣೋ ವಹ್ನಿರಸಿ ಹವ್ಯವಾಹನಶ್ವ್ಚಾತ್ರೋಸಿ ಪ್ರಚೇತಾಸ್ತುಥೋಽಸಿ ವಿಶ್ವವೇದಾ ಉಶಿಗಸಿ ಕವಿರಂಘಾರಿರಸಿ ಬಂಭಾರಿರವಸ್ಯುರಸಿ ದುವಸ್ವಾನ್‌ ಛುಂದ್ಯೂರಸಿ ಮಾರ್ಜಾಲೀಯಸ್ಸಂರಾಡಸಿ ಕೃಶಾನುಃ ಪರಿಷದ್ಯೋಽಸಿ ಪವಮಾನಃ ಪ್ರತಾಕ್ವಾಸಿ ನಭಸ್ವಾನಸಂಮೃಷ್ಟೋಽಸಿ ಹವ್ಯಸೂದ ಋತಧಾಮಾಸಿ ಸುವರ್ಜ್ಯೋತಿರ್ಬ್ರಹ್ಮಜ್ಯೋತಿರಸಿ ಸುವರ್ಧಾಮಾಜೋಽಸ್ಯೇಕಪಾದಹಿರಸಿ ಬುಧ್ನಿಯೋ ರೌದ್ರೇಣಾನೀಕೇನ ಪಾಹಿಮಾಗ್ನೇ ಪಿಪೃಹಿ ಮಾ ಮಾ ಮಾ ಹಿಗ್ಂಸೀಃ॥

✤ ೧. ಓಂ ಭೂರ್ಭುವ॒ಸ್ಸುವಃ॑। ಓಂ ಅಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ವಿ॒ಭೂರ॑ಸಿ ಪ್ರ॒ವಾಹ॑ಣೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಅಂ ಓಂ। ಭೂರ್ಭುವ॒ಸ್ಸುವರೋಮ್। ಶಿಖಾಸ್ಥಾನೇ ರುದ್ರಾಯ ನಮಃ॥

✤ ೨. ಓಂ ಭೂರ್ಭುವ॒ಸ್ಸುವಃ॑। ಓಂ ಆಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ವಹ್ನಿ॑ರಸಿ ಹವ್ಯ॒ವಾಹ॑ನೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಆಂ ಓಂ। ಶಿರಸ್ಥಾನೇ ರುದ್ರಾಯ ನಮಃ॥

✤ ೩. ಓಂ ಭೂರ್ಭುವ॒ಸ್ಸುವಃ॑। ಓಂ ಇಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಶ್ವಾ॒ತ್ರೋ॑ಸಿ॒ ಪ್ರಚೇ॑ತಾ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಇಂ ಓಂ। ಭೂರ್ಭುವ॒ಸ್ಸುವರೋಮ್। ಮೂರ್ಧ್ನಿಸ್ಥಾನೇ ರುದ್ರಾಯ ನಮಃ॥

✤ ೪. ಓಂ ಭೂರ್ಭುವ॒ಸ್ಸುವಃ॑। ಓಂ ಈಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ತು॒ಥೋ॑ಸಿ ವಿ॒ಶ್ವವೇ॑ದಾ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಈಂ ಓಂ। ಭೂರ್ಭುವ॒ಸ್ಸುವರೋಮ್। ಲಲಾಟಸ್ಥಾನೇ ರುದ್ರಾಯ ನಮಃ॥

✤ ೫. ಓಂ ಭೂರ್ಭುವ॒ಸ್ಸುವಃ॑। ಓಂ ಉಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಉ॒ಶಿಗ॑ಸಿಕ॒ವೀ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಉಂ ಓಂ। ನೇತ್ರಯೋಸ್ಥಾನೇ ರುದ್ರಾಯ ನಮಃ॥

✤ ೬. ಓಂ ಭೂರ್ಭುವ॒ಸ್ಸುವಃ॑। ಓಂ ಊಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅಂಘಾ॑ರಿರಸಿ॒ ಬಂಭಾ॑ರೀ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಊಂ ಓಂ। ಭೂರ್ಭುವ॒ಸ್ಸುವರೋಮ್। ಕರ್ಣಯೋಸ್ಥಾನೇ ರುದ್ರಾಯ ನಮಃ॥

✤ ೭. ಓಂ ಭೂರ್ಭುವ॒ಸ್ಸುವಃ॑। ಓಂ ಋಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅ॒ವ॒ಸ್ಯುರ॑ಸಿ॒ ದುವ॑ಸ್ವಾ॒ನ್ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಋಂ ಓಂ। ಭೂರ್ಭುವ॒ಸ್ಸುವರೋಮ್। ಮುಖಸ್ಥಾನೇ ರುದ್ರಾಯ ನಮಃ॥

✤ ೮. ಓಂ ಭೂರ್ಭುವ॒ಸ್ಸುವಃ॑। ಓಂ ೠಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಶುಂ॒ಧ್ಯೂರ॑ಸಿ ಮಾರ್ಜಾ॒ಲೀಯೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ೠಂ ಓಂ। ಭೂರ್ಭುವ॒ಸ್ಸುವರೋಮ್। ಕಂಠಸ್ಥಾನೇ ರುದ್ರಾಯ ನಮಃ॥

✤ ೯. ಓಂ ಭೂರ್ಭುವ॒ಸ್ಸುವಃ॑। ಓಂ ಌಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಸ॒ಮ್ರಾಡ॑ಸಿ ಕೃ॒ಶಾನೂ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಌಂ ಓಂ। ಭೂರ್ಭುವ॒ಸ್ಸುವರೋಮ್। ಬಾಹ್ವೋಸ್ಥಾನೇ ರುದ್ರಾಯ ನಮಃ॥

✤ ೧೦. ಓಂ ಭೂರ್ಭುವ॒ಸ್ಸುವಃ॑। ಓಂ ೡಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಪ॒ರಿ॒ಷದ್ಯೋ॑ಸಿ॒ ಪವ॑ಮಾನೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ೡಂ ಓಂ। ಭೂರ್ಭುವ॒ಸ್ಸುವರೋಮ್। ಹೃದಿಸ್ಥಾನೇ ರುದ್ರಾಯ ನಮಃ॥

✤ ೧೧. ಓಂ ಭೂರ್ಭುವ॒ಸ್ಸುವಃ॑। ಓಂ ಏಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಪ್ರ॒ತಕ್ವಾ॑ಽಸಿ॒ ನಭ॑ಸ್ವಾ॒ನ್ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಏಂ ಓಂ। ಭೂರ್ಭುವ॒ಸ್ಸುವರೋಮ್। ನಾಭಿಸ್ಥಾನೇ ರುದ್ರಾಯ ನಮಃ॥

✤ ೧೨. ಓಂ ಭೂರ್ಭುವ॒ಸ್ಸುವಃ॑। ಓಂ ಐಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅಸಂ॑ಮೃಷ್ಟೋಸಿ ಹವ್ಯ॒ಸೂದೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಐಂ ಓಂ। ಭೂರ್ಭುವ॒ಸ್ಸುವರೋಮ್। ಕಟಿಸ್ಥಾನೇ ರುದ್ರಾಯ ನಮಃ॥

✤ ೧೩. ಓಂ ಭೂರ್ಭುವ॒ಸ್ಸುವಃ॑। ಓಂ ಓಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಋ॒ತಧಾ॑ಮಾಽಸಿ॒ ಸುವ॑ರ್ಜ್ಯೋತೀ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಓಂ ಓಂ। ಭೂರ್ಭುವ॒ಸ್ಸುವರೋಮ್। ಊರುಸ್ಥಾನೇ ರುದ್ರಾಯ ನಮಃ॥

✤ ೧೪. ಓಂ ಭೂರ್ಭುವ॒ಸ್ಸುವಃ॑। ಓಂ ಔಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಬ್ರಹ್ಮ॑ಜ್ಯೋತಿರಸಿ॒ ಸುವ॑ರ್ಧಾಮಾ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಔಂ ಓಂ। ಭೂರ್ಭುವ॒ಸ್ಸುವರೋಮ್। ಜಾನುಸ್ಥಾನೇ ರುದ್ರಾಯ ನಮಃ॥

✤ ೧೫. ಓಂ ಭೂರ್ಭುವ॒ಸ್ಸುವಃ॑। ಓಂ ಅಂ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅ॒ಜೋ᳚ಽಸ್ಯೇಕ॑ಪಾ॒ತ್ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಅಂ ಓಂ। ಭೂರ್ಭುವ॒ಸ್ಸುವರೋಮ್। ಜಂಘಾಸ್ಥಾನೇ ರುದ್ರಾಯ ನಮಃ॥

✤ ೧೬. ಓಂ ಭೂರ್ಭುವ॒ಸ್ಸುವಃ॑। ಓಂ ಅಃ। ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಅಹಿ॑ರಸಿ ಬು॒ಧ್ನಿಯೋ॒ ರೌದ್ರೇ॒ಣಾನೀ॑ಕೇನ ಪಾ॒ಹಿ ಮಾ᳚ಽಗ್ನೇ ಪಿಪೃ॒ಹಿ ಮಾ॒ ಮಾ ಮಾ॑ ಹಿಗ್ಂಸೀಃ॥ ನಮಃ॑ ಶಂ॒ಭವೇ॑ ಚ ಮಯೋ॒ಭವೇ॑ ಚ॒ ನಮಃ॑ ಶಂಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮಃ॑ ಶಿ॒ವಾಯ॑ ಚ ಶಿ॒ವತ॑ರಾಯ ಚ॒। ಓಂ ನಮೋ ಭಗವತೇ॑ ರುದ್ರಾ॒ಯ। ಅಃ ಓಂ। ಭೂರ್ಭುವ॒ಸ್ಸುವರೋಮ್। ಪಾದಯೋಃ ಸ್ಥಾನೇ ರುದ್ರಾಯ ನಮಃ॥

ಏವಂ  ಷೋಡಶಾಂಗರೌದ್ರೀಕರಣಂ ಕೃತ್ವಾ …

ತ್ವಗಸ್ಥಿಗತೈಃ ಸರ್ವಪಾಪೈಃ ಪ್ರಮುಚ್ಯತೇ। ಸರ್ವಭೂತೇಷ್ವಪರಾಜಿತೋ ಭವತಿ। ತತೋ ಭೂತಪ್ರೇತ ಪಿಶಾಚ ಬ್ರಹ್ಮರಾಕ್ಷಸ ಯಕ್ಷ ಯಮದೂತ ಶಾಕಿನೀ ಡಾಕಿನೀ ಸರ್ಪ ಶ್ವಾಪದ ತಸ್ಕರ ಜ್ವರಾದ್ಯುಪದ್ರವಜೋಪಘಾತಾಃ। ಸರ್ವೇ ಜ್ವಲಂತಂ ಪಶ್ಯಂತು। ಮಾಗ್ಂ ರಕ್ಷಂತು। ಯಜಮಾನಗ್ಂ ರಕ್ಷಂತು॥

ಗುಹ್ಯಾದಿ ಮಸ್ತಕಾಂತಂ ಷಡಂಗನ್ಯಾಸಃ (ಮನೋ ಜ್ಯೋತಿಃ)

ಮನೋಜ್ಯೋತಿಬೋಧ್ಯಗ್ನಿರಗ್ನಿರ್ಮೂರ್ಧಾ ಮೂರ್ಧಾನಂ ಮರ್ಮಾಣಿ ತೇ ಜಾತವೇದಾ ಇತಿ ಗುಹ್ಯ ನಾಭಿ ಹೃದಯ ಕಂಠ ಮುಖ ಶಿರಾಂಸ್ಯ​ಭಿಮಂತ್ರ್ಯ …

✤ ೧. ಮನೋ॒ ಜ್ಯೋತಿ॑ ರ್ಜುಷತಾ॒-ಮಾಜ್ಯಂ॒-ವಿಁಚ್ಛಿ॑ನ್ನಂ-ಯಁ॒ಜ್ಞಗ್ಂ ಸಮಿ॒ಮಂ ದ॑ಧಾತು। ಬೃಹ॒ಸ್ಪತಿ॑ಸ್ತನುತಾಮಿ॒ಮಂ ನೋ॒ ವಿಶ್ವೇ॑ದೇ॒ವಾ ಇ॒ಹ ಮಾ॑ದಯಂತಾಂ॥ ಗುಹ್ಯಾಯ ನಮಃ॥

✤ ೨. ಅಬೋ᳚ದ್ಧ್ಯ॒ಗ್ನಿಃ ಸ॒ಮಿಧಾ॒ ಜನಾ॑ನಾಂ॒ ಪ್ರತಿ॑ಧೇ॒ನು-ಮಿ॑ವಾಯ॒ತೀ ಮು॒ಷಾಸ᳚ಮ್। ಯ॒ಹ್ವಾ ಇ॑ವ॒ ಪ್ರವ॒ಯಾ-ಮು॒ಜ್ಜಿಹಾ॑ನಾಃ॒ ಪ್ರಭಾ॒ನವಃ॑ ಸಿಸ್ರತೇ॒ ನಾಕ॒ಮಚ್ಛ॑॥ ನಾಭ್ಯೈ ನಮಃ॥

✤ ೩. ಅ॒ಗ್ನಿ ರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್। ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ॥ ಹೃದಯಾಯ ನಮಃ॥

✤ ೪. ಮೂ॒ರ್ಧಾನಂ॑ ದಿ॒ವೋ ಅ॑ರ॒ತಿಂ ಪೃ॑ಥಿ॒ವ್ಯಾ ವೈ᳚ಶ್ವಾನ॒ರ-ಮೃ॒ತಾಯ॑ ಜಾ॒ತಮ॒ಗ್ನಿಮ್। ಕ॒ವಿಗ್ಂ ಸ॒ಮ್ರಾಜ॒-ಮತಿ॑ಥಿಂ॒ ಜನಾ॑ನಾ-ಮಾ॒ಸನ್ನಾ ಪಾತ್ರಂ॑ ಜನಯಂತ ದೇ॒ವಾಃ॥ ಕಂಠಾಯ ನಮಃ॥

✤ ೫. ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾ-ದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಽಮೃ॑ತೇ ನಾ॒ಭಿವ॑ಸ್ತಾಮ್। ಉ॒ರೋ ರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜ॑ಯಂತಂ॒ ತ್ವಾ ಮನು॑ಮದಂತು ದೇ॒ವಾಃ॥ ಮುಖಾಯ ನಮಃ॥

✤ ೬.  ಜಾ॒ತವೇ॑ದಾ॒ ಯದಿ॑ ವಾ ಪಾವ॒ಕೋಽಸಿ॑। ವೈ॒ಶ್ವಾ॒ನ॒ರೋ ಯದಿ॑ ವಾ ವೈದ್ಯು॒ತೋಽಸಿ॑। ಶಂ ಪ್ರ॒ಜಾಭ್ಯೋ॒ ಯಜ॑ಮಾನಾಯ ಲೋ॒ಕಮ್। ಊರ್ಜಂ॒ ಪುಷ್ಟಿಂ॒ ದದ॑ ದ॒ಭ್ಯಾವ॑ ವೃಥ್-ಸ್ವ॥ ಶಿರಸೇ ನಮಃ ॥

ಬ್ರಹ್ಮಾತ್ಮನ್ನಿತ್ಯನುವಾಕಃ (ಆತ್ಮ ರಕ್ಷಾ)

… ಬ್ರಹ್ಮಾತ್ಮನ್ನಿತ್ಯನುವಾಕೇನಾತ್ಮರಕ್ಷಾ ಕರ್ತವ್ಯಾ॥

೧. ಬ್ರಹ್ಮಾ᳚ತ್ಮ॒ನ್ವದ॑ಸೃಜತ। ತದ॑ಕಾಮಯತ। ಸಮಾ॒ತ್ಮನಾ॑ ಪದ್ಯೇ॒ಯೇತಿ॑।

ಆತ್ಮ॒ನ್ನಾತ್ಮ॒ನ್ನಿತ್ಯಾಮಂ॑ತ್ರಯತ। ತಸ್ಮೈ॑ ದಶ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್। ಸ ದಶ॑ಹೂತೋಽಭವತ್। ದಶ॑ಹೂತೋ ಹ॒ ವೈ ನಾಮೈ॒ಷಃ। ತಂ ವಾ. ಏ॒ತಂ ದಶ॑ಹೂತ॒ಗ್ಂ॒ ಸಂತಂ᳚। ದಶ॑ಹೋ॒ತೇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ। ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ॥

೨. ಆತ್ಮ॒ನ್ನಾತ್ಮ॒ನ್ನಿತ್ಯಾಮಂ॑ತ್ರಯತ। ತಸ್ಮೈ॑ ಸಪ್ತ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್। ಸ ಸ॒ಪ್ತಹೂ॑ತೋಽಭವತ್। ಸ॒ಪ್ತಹೂ॑ತೋ ಹ॒ ವೈ ನಾಮೈ॒ಷಃ। ತಂ ವಾ. ಏ॒ತಗ್ಂ ಸ॒ಪ್ತಹೂ॑ತ॒ಗ್ಂ॒ ಸಂತಂ᳚। ಸ॒ಪ್ತಹೋ॒ತೇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ। ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ॥

೩. ಆತ್ಮ॒ನ್ನಾತ್ಮ॒ನ್ನಿತ್ಯಾಮಂ॑ತ್ರಯತ। ತಸ್ಮೈ॑ ಷ॒ಷ್ಠಗ್ಂ ಹೂ॒ತಃ ಪ್ರತ್ಯ॑ಶೃಣೋತ್। ಸ ಷಡ್ಢೂ॑ತೋಽಭವತ್। ಷಡ್ಢೂ॑ತೋ ಹ॒ ವೈ ನಾಮೈ॒ಷಃ। ತಂ ವಾ. ಏ॒ತಗ್ಂ ಷಡ್ಢೂ॑ತ॒ಗ್ಂ॒ ಸಂತಂ᳚। ಷಡ್ಢೋ॒ತೇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ। ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ॥

೪. ಆತ್ಮ॒ನ್ನಾತ್ಮ॒ನ್ನಿತ್ಯಾಮಂ॑ತ್ರಯತ। ತಸ್ಮೈ॑ ಪಂಚ॒ಮಗ್ಂ ಹೂ॒ತಃ ಪ್ರತ್ಯ॑ಶೃಣೋತ್। ಸ ಪಂಚ॑ಹೂತೋಽಭವತ್। ಪಂಚ॑ಹೂತೋ ಹ॒ ವೈ ನಾಮೈ॒ಷಃ। ತಂ ವಾ. ಏ॒ತಂ ಪಂಚ॑ಹೂತ॒ಗ್ಂ॒ ಸಂತಂ᳚। ಪಂಚ॑ಹೋ॒ತೇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ॥ ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ॥

೫. ಆತ್ಮ॒ನ್ನಾತ್ಮ॒ನ್ನಿತ್ಯಾಮಂ॑ತ್ರಯತ। ತಸ್ಮೈ॑ ಚತು॒ರ್ಥಗ್ಂ ಹೂ॒ತಃ ಪ್ರತ್ಯ॑ಶೃಣೋತ್। ಸ ಚತು॑ರ್ಹೂತೋಽಭವತ್। ಚತು॑ರ್ಹೂತೋ ಹ॒ ವೈ ನಾಮೈ॒ಷಃ। ತಂ ವಾ. ಏ॒ತಂ ಚತು॑ರ್ಹೂತ॒ಗ್ಂ॒ ಸಂತಂ᳚। ಚತು॑ರ್ಹೋ॒ತೇತ್ಯಾಚ॑ಕ್ಷತೇ ಪ॒ರೋಕ್ಷೇ॑ಣ। ಪ॒ರೋಕ್ಷ॑ಪ್ರಿಯಾ ಇವ॒ ಹಿ ದೇ॒ವಾಃ॥

೬. ತಮ॑ಬ್ರವೀತ್। ತ್ವಂ ವೈ ಮೇ॒ ನೇದಿ॑ಷ್ಠಗ್ಂ ಹೂ॒ತಃ ಪ್ರತ್ಯ॑ಶ್ರೌಷೀಃ। ತ್ವಯೈ॑ನಾನಾಖ್ಯಾ॒ತಾರ॒ ಇತಿ॑। ತಸ್ಮಾ॒ನ್ನು ಹೈ॑ನಾ॒ಗ್॒ಶ್ಚತು॑ರ್ಹೋತಾರ॒ ಇತ್ಯಾಚ॑ಕ್ಷತೇ। ತಸ್ಮಾ᳚ಚ್ಛುಶ್ರೂ॒ಷುಃ ಪು॒ತ್ರಾಣಾ॒ಗ್ಂ॒ ಹೃದ್ಯ॑ತಮಃ। ನೇದಿ॑ಷ್ಠೋ॒ ಹೃದ್ಯ॑ತಮಃ। ನೇದಿ॑ಷ್ಠೋ॒ ಬ್ರಹ್ಮ॑ಣೋ ಭವತಿ॥ ಯ ಏ॒ವಂ-ವೇಁದ॑॥

ಆತ್ಮನೇ ನಮಃ ॥

ಶಿವಸಂಕಲ್ಪ ಹೃದಯಮ್

ಶಿವ ಸಂಕಲ್ಪಗ್ಂ ಹೃದಯಂ।

✤ ೧. ಯೇನೇ॒ದಂ ಭೂ॒ತಂ ಭುವ॑ನಂ ಭವಿ॒ಷ್ಯತ್ ಪರಿ॑ಗೃಹೀತ-ಮ॒ಮೃತೇ॑ನ॒ ಸರ್ವ᳚ಮ್। ಯೇನ॑ ಯ॒ಜ್ಞಸ್ತ್ರಾ॑ಯತೇ ಸ॒ಪ್ತಹೋ॑ತಾ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨. ಯೇನ॒ ಕರ್ಮಾ॑ಣಿ ಪ್ರ॒ಚರಂ॑ತಿ॒ ಧೀರಾ॒ ಯತೋ॑ ವಾ॒ಚಾ ಮನ॑ಸಾ॒ ಚಾರು॒ಯಂತಿ॑। ಯತ್ಸಂಮಿ॑ತಂ॒ ಮನಃ॑ ಸಂ॒ಚರಂ॑ತಿ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩. ಯೇನ॒ ಕರ್ಮಾ᳚ಣ್ಯ॒ಪಸೋ॑ ಮನೀ॒ಷಿಣೋ॑ ಯ॒ಜ್ಞೇ ಕೃ॑ಣ್ವಂತಿ ವಿ॒ದಥೇ॑ಷು॒ ಧೀರಾಃ᳚। ಯದ॑ಪೂ॒ರ್ವಂ-ಯಁ॒ಕ್ಷ್ಮಮಂ॒ತಃ ಪ್ರ॒ಜಾನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೪. ಯತ್-ಪ್ರ॒ಜ್ಞಾನ॑-ಮು॒ತ ಚೇತೋ॒ ಧೃತಿ॑ಶ್ಚ॒ ಯಜ್ಜ್ಯೋತಿ॑ ರಂ॒ತರ॒ಮೃತಂ॑ ಪ್ರ॒ಜಾಸು॑। ಯಸ್ಮಾ॒ನ್ನ ಋ॒ತೇ ಕಿಂಚ॒ನ ಕರ್ಮ॑ ಕ್ರಿ॒ಯತೇ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೫. ಸು॒ಷಾ॒ರ॒ಥಿರಶ್ವಾ॑ನಿ ವ॒ಯಂ  ಮ॑ನು॒ಷ್ಯಾ᳚ನ್ಮೇ  ನಿ॒ಯುತೇ॑ ಪ॒ಶುಭಿ॑ರ್ವಾ॒ಜಿನೀ॑ವಾನ್। ಹೃ॒ತ್ಪ್ರ॒ವಿಷ್ಟಂ ಯದಚ॑ರಂ॒ ಯವಿ॑ಷ್ಠಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೬. ಯಸ್ಮಿ॒ನ್ ಋಚ॒ಸ್ಸಾಮ॒-ಯಜೂಗ್ಂ॑ಷಿ॒ ಯಸ್ಮಿ॑ನ್ ಪ್ರತಿ॒ಷ್ಠಾ ರ॑ಶ॒ನಾಭಾವಿ॒ಭಾರಾಃ᳚। ಯಸ್ಮಿಗ್ಗ್॑ಶ್ಚಿ॒ತ್ತಗ್ಂ ಸರ್ವ॒ಮೋತಂ॑ ಪ್ರ॒ಜಾನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೭. ಯದತ್ರ॑ ಷ॒ಷ್ಠಂ ತ್ರಿ॒ಶತಗ್ಂ॑ ಸು॒ವೀರ್ಯಂ॑-ಯಁ॒ಜ್ಞಸ್ಯ॑ ಗು॒ಹ್ಯಂ ನವ॑ ನಾವ॒ಮಾಯ್ಯ᳚ಮ್। ದಶ॒ ಪಂಚ॑ ತ್ರಿ॒ಗ್ಂ॒ಶತಂ॒-ಯಁತ್ಪರಂ॑ ಚ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೮. ಯಜ್ಜಾಗ್ರ॑ತೋ ದೂ॒ರಮು॒ದೈತಿ॒ ದೈವಂ॒ ತದು॑ ಸು॒ಪ್ತಸ್ಯ॒ ತಥೈ॒ವೈತಿ॑। ದೂ॒ರ॒ಗಂ॒ಮಂ ಜ್ಯೋತಿ॑ಷಾಂ॒ ಜ್ಯೋತಿ॒ರೇಕಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೯. ಯೇನೇ॒ದಂ-ವಿಁಶ್ವಂ॒ ಜಗ॑ತೋ ಬ॒ಭೂವ॒ ಯೇ ದೇ॒ವಾಪಿ॑ ಮಹ॒ತೋ ಜಾ॒ತವೇ॑ದಾಃ। ತದೇ॒ವಾಗ್ನಿ- ಸ್ತದ್ವಾ॒ಯುಸ್ತತ್ಸೂರ್ಯ॒ಸ್ತದು॑-ಚಂ॒ದ್ರಮಾ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೦. ಯೇನ॒ ದ್ಯೌಃ ಪೃ॑ಥಿ॒ವೀ ಚಾಂ॒ತರಿ॑ಕ್ಷಂ ಚ॒ ಯೇ ಪರ್ವ॑ತಾಃ ಪ್ರ॒ದಿಶೋ॒ ದಿಶ॑ಶ್ಚ। ಯೇನೇ॒ದಂ ಜಗ॒-ದ್ವ್ಯಾಪ್ತಂ॑ ಪ್ರ॒ಜಾನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೧.  ಯೇ ಮ॑ನೋ॒ ಹೃದ॑ಯಂ॒-ಯೇಁ ಚ॑ ದೇ॒ವಾ ಯೇ ದಿ॒ವ್ಯಾ ಆಪೋ॒ ಯೇ ಸೂರ್ಯ॑ರಶ್ಮಿಃ। ತೇ ಶ್ರೋತ್ರೇ॒ ಚಕ್ಷು॑ಷೀ ಸಂ॒ಚರಂ॑ತಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೨. ಅಚಿಂ॑ತ್ಯಂ॒ ಚಾ ಪ್ರ॑ಮೇಯಂ॒ ಚ ವ್ಯ॒ಕ್ತಾ-ವ್ಯಕ್ತ॑ ಪರಂ॒ ಚ ಯ॑ತ್। ಸೂಕ್ಷ್ಮಾ᳚ತ್ ಸೂಕ್ಷ್ಮತ॑ರಂ ಜ್ಞೇ॒ಯಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೩. ಏಕಾ॑ ಚ ದ॒ಶ ಚ ಶ॒ತಂ ಚ॑ ಸ॒ಹಸ್ರಂ॑ ಚಾ॒ಯುತಂ॑ ಚ। ನಿ॒ಯುತಂ॑ ಚ ಪ್ರ॒ಯುತಂ॒ ಚಾರ್ಬು॑ದಂ ಚ॒ ನ್ಯ॑ರ್ಬುದಂ ಚ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೪. ಯೇ ಪಂ॑ಚ॒ ಪಂಚಾ॑ದಶ ಶ॒ತಗ್ಂ ಸ॒ಹಸ್ರ॑-ಮ॒ಯುತಂ॒ ನೈ॑ರ್ಬುದಂ ಚ। ತೇ ಅ॑ಗ್ನಿ-ಚಿ॒ತ್ಯೇಷ್ಟ॑ಕಾ॒ಸ್ತಾಗ್ಂ ಶರೀ॑ರಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೫. ವೇದಾ॒ಹಮೇ॒ತಂ ಪು॑ರುಷಂ ಮ॒ಹಾಂತ॑-ಮಾದಿ॒ತ್ಯ-ವ॑ರ್ಣಂ॒ ತಮ॑ಸಃ॒ ಪರ॑ಸ್ತಾತ್। ಯಸ್ಯ॒ ಯೋನಿಂ॒ ಪರಿ॒ಪಶ್ಯಂ॑ತಿ॒ ಧೀರಾ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೬. ಯಸ್ಯೇ॒ದಂ ಧೀರಾಃ᳚ ಪು॒ನಂತಿ॑ ಕ॒ವಯೋ᳚ ಬ್ರ॒ಹ್ಮಾಣ॑ಮೇ॒ತಂ ತ್ವಾ॑ ವೃಣತ॒ ಇಂದು᳚ಮ್। ಸ್ಥಾ॒ವ॒ರಂ ಜಂಗ॑ಮಂ॒-ದ್ಯೌ॑ರಾಕಾ॒ಶಂ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೭. ಪರಾ᳚ತ್ ಪ॒ರತ॑ರಂ ಚೈ॒ವ॒ ಯ॒ತ್ ಪರಾ᳚ಶ್ಚೈವ॒ ಯತ್ಪ॑ರಮ್। ಯ॒ತ್ಪರಾ᳚ತ್ ಪರ॑ತೋ ಜ್ಞೇ॒ಯಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೮. ಪರಾ᳚ತ್ ಪರತ॑ರಂ ಬ್ರ॒ಹ್ಮ॒ತ॒ತ್ಪರಾ᳚ತ್ ಪರ॒ತೋ ಹ॑ರಿಃ। ಯ॒ತ್ಪರಾ᳚ತ್ ಪರ॑ತೋ ಽಧೀ॒ಶ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೧೯. ಯಾ ವೇ॑ದಾ॒ದಿಷು॑ ಗಾಯ॒ತ್ರೀ॒ ಸ॒ರ್ವ॒ವ್ಯಾಪೀ॑ ಮಹೇ॒ಶ್ವರೀ। ಋಗ್ ಯ॑ಜು-ಸ್ಸಾಮಾ-ಥರ್ವೈ॒ಶ್ಚ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೦. ಯೋ ವೈ॑ ದೇ॒ವಂ ಮ॑ಹಾದೇ॒ವಂ॒ ಪ್ರ॒ಯತಃ॑ ಪ್ರಣ॒ತಃ ಶು॑ಚಿಃ। ಯಃ ಸರ್ವೇ॑ ಸರ್ವ॑ ವೇದೈ॒ಶ್ಚ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೧. ಪ್ರಯ॑ತಃ॒ ಪ್ರಣ॑ವೋಂಕಾ॒ರಂ॒ ಪ್ರ॒ಣವಂ॑ ಪುರು॒ಷೋತ್ತ॑ಮಮ್। ಓಕಾಂ॑ರಂ॒ ಪ್ರಣ॑ವಾತ್ಮಾ॒ನಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೨. ಯೋಽಸೌ॑ ಸ॒ರ್ವೇಷು॑ ವೇದೇ॒ಷು॒ ಪ॒ಠ್ಯತೇ᳚ಹ್ಯಯ॒ಮೀಶ್ವ॑ರಃ। ಅ॒ಕಾಯೋ॑ ನಿರ್ಗು॑ಣೋ ಹ್ಯಾ॒ತ್ಮಾ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೩. ಗೋಭಿ॒ ರ್ಜುಷ್ಟಂ॒ ಧನೇ॑ನ॒ ಹ್ಯಾಯು॑ಷಾ ಚ॒ ಬಲೇ॑ನ ಚ। ಪ್ರ॒ಜಯಾ॑ ಪ॒ಶುಭಿಃ॑ ಪುಷ್ಕರಾ॒ಕ್ಷಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೪. ತ್ರ್ಯ॑ಬಂಕಂ-ಯಁಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ವರ್ಧ॑ನಮ್। ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ ಮೃ॒ತ್ಯೋ-ರ್ಮು॑ಕ್ಷೀಯ॒ ಮಾಽಮೃತಾ॒ತ್ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೫. ಕೈಲಾ॑ಸ॒ ಶಿಖ॑ರೇ ರ॒ಮ್ಯೇ॒ ಶಂ॒ಕರ॑ಸ್ಯ ಶಿ॒ವಾಲ॑ಯೇ। ದೇ॒ವತಾ᳚ಸ್ತತ್ರ॑ ಮೋದಂ॒ತಿ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೬. ಕೈಲಾ॑ಸ॒ ಶಿಖ॑ರಾವಾ॒ಸಂ॒ ಹಿ॒ಮವ॑ದ್ಗಿರಿ॒ ಸಂಸ್ಥಿ॑ತಮ್। ನೀ॒ಲ॒ಕಂ॒ಠಂ ತ್ರಿ॑ಣೇತ್ರಂ॒ ಚ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೭. ವಿ॒ಶ್ವತ॑-ಶ್ಚಕ್ಷುರು॒ತ ವಿ॒ಶ್ವತೋ॑ ಮುಖೋ ವಿ॒ಶ್ವತೋ॑ ಹಸ್ತ ಉ॒ತ ವಿ॒ಶ್ವತ॑ಸ್ಪಾತ್। ಸಂಬಾ॒ಹುಭ್ಯಾಂ॒-ನಮ॑ತಿ॒ ಸಂಪ॑ತತ್ರೈ॒ ರ್ದ್ಯಾವಾ॑ ಪೃಥಿ॒ವೀ ಜ॒ನಯ॑ನ್ ದೇ॒ವ ಏಕ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೮. ಚ॒ತುರೋ॑ ವೇ॒ದಾನ॑ಧೀಯೀ॒ತ॒ ಸ॒ರ್ವ ಶಾ᳚ಸ್ತ್ರಮ॒ಯಂ-ವಿಁ॑ದುಃ। ಇ॒ತಿ॒ಹಾ॒ಸ॒ ಪು॒ರಾ॒ಣಾ॒ನಾಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೨೯. ಮಾ ನೋ॑ ಮ॒ಹಾಂತ॑ಮು॒ತ ಮಾ ನೋ॑ ಅರ್ಭ॒ಕಂ ಮಾ ನ॒ ಉಕ್ಷಂ॑ತಮು॒ತ ಮಾ ನ॑ ಉಕ್ಷಿ॒ತಮ್। ಮಾ ನೋ॑ ವಧೀಃ ಪಿ॒ತರಂ॒ ಮೋತ ಮಾ॒ತರಂ॑ ಪ್ರಿ॒ಯಾ ಮಾ ನ॑ಸ್ತ॒ನುವೋ॑ ರುದ್ರ ರೀರಿಷ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೦. ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ। ವೀ॒ರಾನ್ಮಾನೋ॑ ರುದ್ರ ಭಾಮಿ॒ತೋವ॑ಧೀ ರ್ಹ॒ವಿಷ್ಮಂ॑ತೋ॒ ನಮ॑ಸಾ ವಿಧೇಮ ತೇ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೧. ಋ॒ತಗ್ಂ ಸ॒ತ್ಯಂ ಪ॑ರಂ ಬ್ರ॒ಹ್ಮ॒ ಪು॒ರುಷಂ॑ ಕೃಷ್ಣ॒ಪಿಂಗ॑ಲಮ್। ಊ॒ರ್ಧ್ವರೇ॑ತಂ-ವಿಁ॑ರೂಪಾ॒ಕ್ಷಂ॒-ವಿಁ॒ಶ್ವರೂ॑ಪಾಯ॒ ವೈ ನಮೋ॒ ನಮ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೨. ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಢುಷ್ಟ॑ಮಾಯ॒ ತವ್ಯ॑ಸೇ। ವೋ॒ಚೇಮ॒ ಶಂತ॑ಮಗ್ಂ ಹೃ॒ದೇ। ಸರ್ವೋ॒ ಹ್ಯೇ॑ಷ ರು॒ದ್ರಸ್ತಸ್ಮೈ॑ ರು॒ದ್ರಾಯ॒ ನಮೋ॑. ಅಸ್ತು॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೩. ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒-ದ್ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ। ಸ ಬು॒ಧ್ನಿಯಾ॑. ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒-ಮಸ॑ತಶ್ಚ॒ ವಿವ॒ಸ್ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೪. ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑। ಯ ಈಶೇ॑ ಅ॒ಸ್ಯ ದ್ವಿ॒ಪದ॒-ಶ್ಚತು॑ಷ್ಪದಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೫. ಯ ಆ᳚ತ್ಮ॒ದಾ ಬ॑ಲ॒ದಾ ಯಸ್ಯ॒ ವಿಶ್ವ॑ ಉ॒ಪಾಸ॑ತೇ ಪ್ರ॒ಶಿಷಂ॒-ಯಁಸ್ಯ॑ ದೇ॒ವಾಃ। ಯಸ್ಯ॑ ಛಾ॒ಯಾಽಮೃತಂ॒-ಯಁಸ್ಯ॑ ಮೃ॒ತ್ಯುಃ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೬. ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಫ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒ ಭುವ॑ನಾಽಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೭. ಗಂ॒ಧ॒ದ್ವಾ॒ರಾಂ ದು॑ರಾಧ॒ರ್‌ಷಾಂ॒ ನಿ॒ತ್ಯಪು॑ಷ್ಟಾಂ ಕರೀ॒ಷಿಣೀ᳚ಮ್। ಈ॒ಶ್ವರೀಗ್ಂ॑ ಸರ್ವ॑ ಭೂತಾ॒ನಾಂ॒ ತಾಮಿ॒ಹೋಪ॑ಹ್ವಯೇ॒ ಶ್ರಿಯಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೮. ನಮ॑ಕಂ॒ ಚಮ॑ಕಂ ಚೈವ ಪುರುಷಸೂ᳚ಕ್ತಂ ಚ॒ ಯದ್ವಿ॑ದುಃ। ಮ॒ಹಾ॒ದೇ॒ವಂ ಚ॑ ತ॒ತ್ತುಲ್ಯಂ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

✤ ೩೯. ಯ ಇದಗ್ಂ॑ ಶಿವ॑ಸಂಕ॒ಲ್ಪ॒ಗ್ಂ॒ ಸ॒ದಾ ಧ್ಯಾ॑ಯಂತಿ॒ ಬ್ರಾಹ್ಮ॑ಣಾಃ। ತೇ ಪ॑ರಂ ಮೋಕ್ಷಂ॑ ಗಮಿಷ್ಯಂ॒ತಿ॒ ತನ್ಮೇ॒ ಮನಃ॑ ಶಿ॒ವಸಂ॑ಕ॒ಲ್ಪಮ॑ಸ್ತು॥

ಓಂ ನಮೋ ಭಗವತೇ॑ ರುದ್ರಾ॒ಯ॥ ಶಿವಸಂಕಲ್ಪಗ್ಂ ಹೃದಯಾಯ ನಮಃ॑॥

ಪುರುಷ ಸೂಕ್ತಂ ಶಿರಃ

ಪುರುಷಸೂಕ್ತಗ್ಂ ಶಿರಃ।

೧.  ಸ॒ಹಸ್ರ॑ಶೀರ್‌ಷಾ॒ ಪುರು॑ಷಃ। ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್। ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ। ಅತ್ಯ॑ತಿಷ್ಠ-ದ್ದಶಾಂಗು॒ಲಮ್। ಪುರು॑ಷ ಏ॒ವೇದಗ್ಂ ಸರ್ವ᳚ಮ್। ಯ-ದ್ಭೂ॒ತಂ-ಯಁಚ್ಚ॒ ಭವ್ಯ᳚ಮ್। ಉ॒ತಾಮೃ॑ತ॒ತ್ವಸ್ಯೇಶಾ॑ನಃ। ಯದನ್ನೇ॑ನಾ-ತಿ॒ರೋಹ॑ತಿ। ಏ॒ತಾವಾ॑ನಸ್ಯ ಮಹಿ॒ಮಾ। ಅತೋ॒ ಜ್ಯಾಯಾಗ್ಗ್॑ಶ್ಚ॒ ಪೂರು॑ಷಃ॥

೨. ಪಾದೋ᳚ಽಸ್ಯ॒ ವಿಶ್ವಾ॑ ಭೂ॒ತಾನಿ॑। ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ। ತ್ರಿ॒ಪಾದೂ॒ರ್ಧ್ವ ಉದೈ॒ತ್ ಪುರು॑ಷಃ। ಪಾದೋ᳚ ಽಸ್ಯೇ॒ಹಾಽಽಭ॑ವಾ॒ತ್ ಪುನಃ॑। ತತೋ॒ ವಿಶ್ವಂ॒-ವ್ಯಁ॑ಕ್ರಾಮತ್। ಸಾ॒ಶ॒ನಾ॒ನ॒ಶ॒ನೇ ಅ॒ಭಿ॥ ತಸ್ಮಾ᳚-ದ್ವಿ॒ರಾಡ॑ಜಾಯತ। ವಿ॒ರಾಜೋ॒ ಅಧಿ॒ ಪೂರು॑ಷಃ। ಸ ಜಾ॒ತೋ ಅತ್ಯ॑ರಿಚ್ಯತ। ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ॥

೩. ಯತ್ಪುರು॑ಷೇಣ ಹ॒ವಿಷಾ᳚। ದೇ॒ವಾ ಯ॒ಜ್ಞಮತ॑ನ್ವತ। ವ॒ಸಂ॒ತೋ ಅ॑ಸ್ಯಾಸೀ॒ದಾಜ್ಯ᳚ಮ್। ಗ್ರೀ॒ಷ್ಮ ಇ॒ದ್ಧ್ಮ- ಶ್ಶ॒ರದ್ಧ॒ವಿಃ। ಸ॒ಪ್ತಾಸ್ಯಾ॑ಸನ್ ಪರಿ॒ಧಯಃ॑। ತ್ರಿಃ ಸ॒ಪ್ತ ಸ॒ಮಿಧಃ॑ ಕೃ॒ತಾಃ। ದೇ॒ವಾಯದ್ಯ॒ಜ್ಞಂ ತ॑ನ್ವಾ॒ನಾಃ। ಅಬ॑ಧ್ನ॒ನ್ ಪುರು॑ಷಂ ಪ॒ಶುಮ್॥ ತಂ-ಯಁ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷನ್ನ್॑। ಪುರು॑ಷಂ ಜಾ॒ತಮ॑ಗ್ರ॒ತಃ॥

೪. ತೇನ॑ ದೇ॒ವಾ ಅಯ॑ಜಂತ। ಸಾ॒ದ್ಧ್ಯಾ ಋಷ॑ಯಶ್ಚ॒ ಯೇ। ತಸ್ಮಾ᳚-ದ್ಯ॒ಜ್ಞಾತ್ ಸ॑ರ್ವ॒ಹುತಃ॑। ಸಂಭೃ॑ತಂ ಪೃಷದಾ॒ಜ್ಯಮ್। ಪ॒ಶೂಗ್ಗ್-ಸ್ತಾಗ್ಗ್-ಶ್ಚ॑ಕ್ರೇ ವಾಯ॒ವ್ಯಾನ್॑। ಆ॒ರ॒ಣ್ಯಾನ್ ಗ್ರಾ॒ಮ್ಯಾಶ್ಚ॒ ಯೇ। ತಸ್ಮಾ᳚-ದ್ಯ॒ಜ್ಞಾತ್ ಸ॑ರ್ವ॒ಹುತಃ॑। ಋಚಃ॒ ಸಾಮಾ॑ನಿ ಜಜ್ಞಿರೇ। ಛಂದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್। ಯಜು॒ಸ್ತಸ್ಮಾ॑-ದಜಾಯತ॥

೫. ತಸ್ಮಾ॒ದಶ್ವಾ॑ ಅಜಾಯಂತ। ಯೇ ಕೇ ಚೋ॑ಭ॒ಯಾದ॑ತಃ। ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್। ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯಃ॑। ಯತ್ಪುರು॑ಷಂ॒-ವ್ಯಁ॑ದಧುಃ। ಕ॒ತಿ॒ಧಾ ವ್ಯ॑ಕಲ್ಪಯನ್ನ್। ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ। ಕಾವೂ॒ರೂ ಪಾದಾ॑ವುಚ್ಯೇತೇ। ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀತ್। ಬಾ॒ಹೂ ರಾ॑ಜ॒ನ್ಯಃ॑ ಕೃ॒ತಃ॥

೬. ಊ॒ರೂ ತದ॑ಸ್ಯ॒ ಯದ್ವೈಶ್ಯಃ॑। ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ। ಚಂ॒ದ್ರಮಾ॒ ಮನ॑ಸೋ ಜಾ॒ತಃ। ಚಕ್ಷೋಃ॒ ಸೂರ್ಯೋ॑ ಅಜಾಯತ। ಮುಖಾ॒-ದಿಂದ್ರ॑ಶ್ಚಾ॒ಗ್ನಿಶ್ಚ॑। ಪ್ರಾ॒ಣಾ-ದ್ವಾ॒ಯುರ॑ಜಾಯತ। ನಾಭ್ಯಾ॑ ಆಸೀದಂ॒ತರಿ॑ಕ್ಷಮ್। ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ। ಪ॒ದ್ಭ್ಯಾಂ ಭೂಮಿ॒-ರ್ದಿಶಃ॒ ಶ್ರೋತ್ರಾ᳚ತ್। ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ನ್॥

೭. ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತ᳚ಮ್। ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ। ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑। ನಾಮಾ॑ನಿ ಕೃ॒ತ್ವಾಭಿ॒ವದ॒ನ್ ಯದಾಸ್ತೇ᳚। ಧಾ॒ತಾ ಪು॒ರಸ್ತಾ॒-ದ್ಯಮು॑ದಾಜ॒ಹಾರ॑। ಶ॒ಕ್ರಃ ಪ್ರವಿ॒ದ್ವಾನ್ ಪ್ರ॒ದಿಶ॒ಶ್ಚತ॑ಸ್ರಃ। ತಮೇ॒ವಂ ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ। ನಾನ್ಯಃ ಪಂಥಾ॒ ಅಯ॑ನಾಯ ವಿದ್ಯತೇ। ಯ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಃ। ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ನ್। ತೇ ಹ॒ ನಾಕಂ॑ ಮಹಿ॒ಮಾನ॑-ಸ್ಸಚಂತೇ। ಯತ್ರ॒ ಪೂರ್ವೇ॑ ಸಾ॒ದ್ಧ್ಯಾಃ ಸಂತಿ॑ ದೇ॒ವಾಃ॥

ಓಂ ನಮೋ ಭಗವತೇ॑ ರುದ್ರಾ॒ಯ॥ ಪುರುಷಸೂಕ್ತಗ್ಂ ಶಿರಸೇ ಸ್ವಾಹಾ॥

ಉತ್ತರ ನಾರಾಯಣಂ ಶಿಖಾ

ಉತ್ತರ ನಾರಾಯಣಗ್ಂ ಶಿಖಾ।

೧. ಅ॒ದ್ಭ್ಯಃ ಸಂಭೂ॑ತಃ ಪೃಥಿ॒ವ್ಯೈ ರಸಾ᳚ಚ್ಚ। ವಿ॒ಶ್ವಕ॑ರ್ಮಣಃ॒ ಸಮ॑ವರ್ತ॒ತಾಧಿ॑। ತಸ್ಯ॒ ತ್ವಷ್ಟಾ॑ ವಿ॒ದಧ॑-ದ್ರೂ॒ಪಮೇ॑ತಿ। ತತ್ಪುರು॑ಷಸ್ಯ॒ ವಿಶ್ವ॒ಮಾಜಾ॑ನ॒ಮಗ್ರೇ᳚। ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತ᳚ಮ್। ಆ॒ದಿ॒ತ್ಯವ॑ರ್ಣಂ॒ ತಮ॑ಸಃ॒ ಪರ॑ಸ್ತಾತ್। ತಮೇ॒ವಂ-ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ। ನಾನ್ಯಃ ಪಂಥಾ॑ ವಿದ್ಯ॒ತೇಽಯ॑ನಾಯ। ಪ್ರ॒ಜಾಪ॑ತಿಶ್ಚರತಿ॒ ಗರ್ಭೇ॑ ಅಂ॒ತಃ। ಅ॒ಜಾಯ॑ಮಾನೋ ಬಹು॒ಧಾ ವಿಜಾ॑ಯತೇ। ತಸ್ಯ॒ ಧೀರಾಃ॒ ಪರಿ॑ಜಾನಂತಿ॒ ಯೋನಿ᳚ಮ್। ಮರೀ॑ಚೀನಾಂ ಪ॒ದಮಿ॑ಚ್ಛಂತಿ ವೇ॒ಧಸಃ॑॥

೨. ಯೋ ದೇ॒ವೇಭ್ಯ॒ ಆತ॑ಪತಿ। ಯೋ ದೇ॒ವಾನಾಂ᳚ ಪು॒ರೋಹಿ॑ತಃ। ಪೂರ್ವೋ॒ ಯೋ ದೇ॒ವೇಭ್ಯೋ॑ ಜಾ॒ತಃ। ನಮೋ॑ ರು॒ಚಾಯ॒ ಬ್ರಾಹ್ಮ॑ಯೇ। ರುಚಂ॑ ಬ್ರಾ॒ಹ್ಮಂ ಜ॒ನಯಂ॑ತಃ। ದೇ॒ವಾ ಅಗ್ರೇ॒ ತದ॑ಬ್ರುವನ್ನ್। ಯಸ್ತ್ವೈ॒ವಂ ಬ್ರಾ᳚ಹ್ಮ॒ಣೋ ವಿ॒ದ್ಯಾತ್। ತಸ್ಯ॑ ದೇ॒ವಾ ಅಸ॒ನ್ ವಶೇ᳚। ಹ್ರೀಶ್ಚ॑ ತೇ ಲ॒ಕ್ಷ್ಮೀಶ್ಚ॒ ಪತ್ನ್ಯೌ᳚। ಅ॒ಹೋ॒ರಾ॒ತ್ರೇ ಪಾ॒ರ್ಶ್ವೇ। ನಕ್ಷ॑ತ್ರಾಣಿ ರೂ॒ಪಮ್। ಅ॒ಶ್ವಿನೌ॒ ವ್ಯಾತ್ತ᳚ಮ್। ಇ॒ಷ್ಟಂ ಮ॑ನಿಷಾಣ। ಅ॒ಮುಂ ಮ॑ನಿಷಾಣ। ಸರ್ವಂ॑ ಮನಿಷಾಣ॥

ಓಂ ನಮೋ ಭಗವತೇ॑ ರುದ್ರಾ॒ಯ॥ ಉತ್ತರ ನಾರಾಯಣಗ್ಂ ಶಿಖಾಯೈ ವಷಟ್॥

ಅಪ್ರತಿರಥಂ ಕವಚಮ್

ಆಶು ಶಿಶಾನೋಽಪ್ರತಿರಥಂ ಕವಚಂ।

ಆ॒ಶುಃ ಶಿಶಾ॑ನೋ ವೃಷ॒ಭೋ ನ ಯು॒ಧ್ಮೋ ಘ॑ನಾಘ॒ನಃ ಕ್ಷೋಭ॑ಣ-ಶ್ಚರ್ಷಣೀ॒ನಾಮ್। ಸಂ॒॒ಕ್ರಂದ॑ನೋಽನಿಮಿ॒ಷ ಏ॑ಕ ವೀ॒ರಶ್ಶ॒ತಗ್ಂ ಸೇನಾ॑ ಅಜಯಥ್ಸಾ॒-ಕಮಿಂದ್ರಃ॑॥

ಸಂ॒ಕ್ರಂದ॑ನೇನಾ ನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ᳚। ತದಿಂದ್ರೇ॑ಣ ಜಯತ॒ ತಥ್ಸ॑ಹಧ್ವಂ॒- ಯುಁಧೋ॑ ನರ॒ ಇಷು॑ ಹಸ್ತೇನ॒ ವೃಷ್ಣಾ᳚॥

ಸ ಇಷು॑ಹಸ್ತೈಃ॒ ಸ ನಿ॑ಷಂ॒ಗಿಭಿ॑ ರ್ವ॒ಶೀ ಸಗ್ಗ್ ಸ್ರ॑ಷ್ಟಾ॒ ಸಯುಧ॒ ಇಂದ್ರೋ॑ ಗ॒ಣೇನ॑। ಸ॒ಗ್ಂ॒ಸೃ॒ಷ್ಟ॒-ಜಿಥ್ಸೋ॑ಮ॒ಪಾ ಬಾ॑ಹು ಶ॒ರ್ಧ್ಯೂ᳚ರ್ಧ್ವ- ಧ॑ನ್ವಾ॒ ಪ್ರತಿ॑ಹಿತಾ- ಭಿ॒ರಸ್ತಾ᳚॥

ಬೃಹ॑ಸ್ಪತೇ॒ ಪರಿ॑ದೀಯಾ॒ ರಥೇ॑ನ ರಕ್ಷೋ॒ಹಾಽಮಿತ್ರಾಗ್ಂ॑ ಅಪ॒ ಬಾಧ॑ಮಾನಃ। ಪ್ರ॒ಭಂ॒ಜನ್ ತ್ಸೇನಾಃ᳚ ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑- ಮೇದ್ಧ್ಯವಿ॒ತಾ ರಥಾ॑ನಾಮ್॥

ಗೋ॒ತ್ರ॒ಭಿದಂ॑ ಗೋ॒ವಿದಂ॒-ವಁಜ್ರ॑ಬಾಹುಂ॒ ಜಯಂ॑ತ॒ಮಜ್ಮ॑ ಪ್ರಮೃ॒ಣಂತ॒-ಮೋಜ॑ಸಾ। ಇ॒ಮಗ್ಂ ಸ॑ಜಾತಾ॒ ಅನು॑ವೀರ-ಯಧ್ವ॒ಮಿಂದ್ರಗ್ಂ॑ ಸಖಾ॒ಯೋಽನು॒ ಸಗ್ಂ ರ॑ಭಧ್ವಮ್॥

ಬ॒ಲ॒ವಿ॒ಜ್ಞಾ॒ಯ-ಸ್ಸ್ಥವಿ॑ರಃ॒ ಪ್ರವೀ॑ರ॒- ಸ್ಸಹ॑ಸ್ವಾನ್ ವಾ॒ಜೀ ಸಹ॑ಮಾನ ಉ॒ಗ್ರಃ। ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿಂದ್ರ॒ ರಥ॒ಮಾತಿ॑ಷ್ಠ ಗೋ॒ವಿತ್॥

ಅ॒ಭಿ ಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋ-ಽದಾ॒ಯೋ ವೀ॒ರ ಶ್ಶ॒ತ-ಮ॑ನ್ಯು॒ರಿಂದ್ರಃ॑। ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಡ॑ ಯು॒ದ್ಧ್ಯೋ᳚-ಽಸ್ಮಾಕ॒ಗ್ಂ॒ ಸೇನಾ॑ ಅವತು॒ ಪ್ರಯು॒ಥ್ಸು॥

ಇಂದ್ರ॑ ಆಸಾಂ ನೇ॒ತಾ ಬೃಹ॒ಸ್ಪತಿ॒ ರ್ದಕ್ಷಿ॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮಃ॑। ದೇ॒ವ॒ಸೇ॒ನಾನಾ॑-ಮಭಿಭಂ ಜತೀ॒ನಾಂ ಜಯಂ॑ತೀನಾಂ ಮ॒ರುತೋ॑ ಯಂ॒ತ್ವಗ್ರೇ᳚॥

ಇಂದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾಂ᳚ ಮ॒ರುತಾ॒ಗ್ಂ॒ ಶರ್ಧ॑ ಉ॒ಗ್ರಮ್। ಮ॒ಹಾಮ॑ನಸಾಂ ಭುವನಚ್ಯ॒ವಾನಾಂ॒ ಘೋಷೋ॑ ದೇ॒ವಾನಾಂ॒ ಜಯ॑ತಾ॒ ಮುದ॑ಸ್ಥಾತ್॥

ಅ॒ಸ್ಮಾಕ॒-ಮಿಂದ್ರಃ ಸಮೃ॑ತೇಷು-ಧ್ವ॒ಜೇ-ಷ್ವ॒ಸ್ಮಾಕಂ॒-ಯಾಁ ಇಷ॑ವ॒ಸ್ತಾ ಜ॑ಯಂತು। ಅ॒ಸ್ಮಾಕಂ॑-ವೀಁ॒ರಾ ಉತ್ತ॑ರೇ ಭವಂತ್ವ॒ಸ್ಮಾನು॑ ದೇವಾ ಅವತಾ॒ ಹವೇ॑ಷು॥

ಉದ್ಧ॑ರ್‌ಷ​ಯ ಮಘವ॒ನ್ನಾ-ಯು॑ಧಾ॒-ನ್ಯುಥ್ಸತ್ವ॑ನಾಂ ಮಾಮ॒ಕಾನಾಂ॒ ಮಹಾಗ್ಂ॑ಸಿ। ಉದ್ವೃ॑ತ್ರಹನ್ ವಾ॒ಜಿನಾಂ॒- ವಾಁಜಿ॑ನಾ॒- ನ್ಯುದ್ರಥಾ॑ನಾಂ॒ ಜಯ॑ತಾಮೇತು॒ ಘೋಷಃ॑॥

ಉಪ॒ಪ್ರೇತ॒ ಜಯ॑ತಾ ನರಃ ಸ್ಥಿ॒ರಾ ವಃ॑ ಸಂತು ಬಾ॒ಹವಃ॑। ಇಂದ್ರೋ॑ ವಃ॒ ಶರ್ಮ॑ ಯಚ್ಛತ್ವನಾ-ಧೃ॒ಷ್ಯಾ ಯಥಾಽಸ॑ಥ॥

ಅವ॑ಸೃಷ್ಟಾ॒ ಪರಾ॑ಪತ॒ ಶರ॑ವ್ಯೇ॒ ಬ್ರಹ್ಮ॑ ಸಗ್ಂಶಿತಾ। ಗಚ್ಛಾ॒ಮಿತ್ರಾ॒ನ್ ಪ್ರವಿ॑ಶ॒ ಮೈಷಾಂ॒ ಕಂಚ॒ನೋಚ್ಛಿ॑ಷಃ॥ ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾ-ದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ಽಮೃತೇ॑ನಾ॒-ಭಿವ॑ಸ್ತಾಮ್। ಉ॒ರೋರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜಯಂ॑ತಂ॒ ತ್ವಾಮನು॑ ಮದಂತು ದೇ॒ವಾಃ॥

ಯತ್ರ॑ ಬಾ॒ಣಾಃ ಸಂ॒ಪತಂ॑ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ। ಇಂದ್ರೋ॑ ನ॒ಸ್ತತ್ರ॑ ವೃತ್ರ॒ಹಾ ವಿ॑ಶ್ವಾ॒ಹಾ ಶರ್ಮ॑ ಯಚ್ಛತು॥

ಅಸು॑ರಾನಜಯಂ॒ತದಪ್ರ॑ತಿರಥಸ್ಯಾಪ್ರತಿರಥ॒ತ್ವಂ ಯದಪ್ರ॑ತಿರಥಂ ದ್ವಿ॒ತೀಯೋ॒ ಹೋತಾ॒ನ್ವಾಹಾ᳚ಪ್ರ॒ತ್ಯೇ॑ವ ತೇನ॒ ಯಜ॑ಮಾನೋ॒ ಭ್ರಾತೃ॑ವ್ಯಾಂಜಯ॒ತ್ಯಥೋ॒ ಅನ॑ಭಿಜಿತಮೇ॒ವಾಭಿ ಜ॑ಯತಿ ದಶ॒ರ್ಚಂ ಭ॑ವತಿ॒ ದಶಾ᳚ಕ್ಷರಾ ವಿ॒ರಾಡ್ವಿ॒ರಾಜೇ॒ಮೌ ಲೋ॒ಕೌ ವಿಧೃ॑ತಾವ॒ನಯೋ᳚ರ್ಲೋ॒ಕಯೋ॒ರ್ವಿಧೃ॑ತ್ಯಾ॒ ಅಥೋ॒ ದಶಾ᳚ಕ್ಷರಾ ವಿ॒ರಾಡನ್ನಂ॑ ವಿ॒ರಾಡ್ವಿ॒ರಾಜ್ಯೇ॒ವಾನ್ನಾದ್ಯೇ॒ ಪ್ರತಿ॑ ತಿಷ್ಠ॒ತ್ಯಸ॑ದಿವ॒ ವಾ ಅಂ॒ತರಿ॑ಕ್ಷ- ಮಂ॒ತರಿ॑ಕ್ಷ- ಮಿ॒ವಾಗ್ನೀ᳚ಧ್ರ॒- ಮಾಗ್ನೀ॒ಧ್ರೇ॥

ಓಂ ನಮೋ ಭಗವತೇ॑ ರುದ್ರಾ॒ಯ॥  

ಆಶುಶ್ಶಿಶಾನೋ-ಽಪ್ರತಿರಥಂ ಕವಚಾಯ ಹುಮ್।

ಪ್ರತಿ ಪೂರುಷಂ ನೇತ್ರಮ್

ಪ್ರತಿಪೂರುಷಂ ಪ್ರತಿಪೂರುಷಂ ವಿಭ್ರಾಡಿತಿ ನೇತ್ರಂ।

ಪ್ರ॒ತಿ॒ಪೂ॒ರು॒ಷ ಮೇಕ॑ಕಪಾಲಾ॒ನ್ ನಿರ್ವ॑ಪ॒ತ್ಯೇಕ॒ಮತಿ॑ರಿಕ್ತಂ॒ ಯಾವಂ॑ತೋ ಗೃ॒ಹ್ಯಾಃ᳚ ಸ್ಮಸ್ತೇಭ್ಯಃ॒ ಕಮ॑ಕರಂ ಪಶೂ॒ನಾಗ್ಂ ಶರ್ಮಾ॑ಸಿ॒ ಶರ್ಮ॒ ಯಜ॑ಮಾನಸ್ಯ॒ ಶರ್ಮ॑ ಮೇ ಯ॒ಚ್ಛೈಕ॑ ಏ॒ವ ರು॒ದ್ರೋ ನ ದ್ವಿ॒ತೀಯಾ॑ಯ ತಸ್ಥ ಆ॒ಖುಸ್ತೇ॑ ರುದ್ರ ಪ॒ಶುಸ್ತಂ ಜು॑ಷಸ್ವೈ॒ಷ ತೇ॑ ರುದ್ರ ಭಾ॒ಗಃ ಸ॒ಹ ಸ್ವಸ್ರಾಂ-ಽಬಿ॑ಕಯಾ॒ ತಂಜು॑ಷಸ್ವ ಭೇಷ॒ಜಂ ಗವೇಽಶ್ವಾ॑ಯ॒ ಪುರು॑ಷಾಯ ಭೇಷ॒ಜಮಥೋ॑ ಅ॒ಸ್ಮಭ್ಯಂ॑ ಭೇಷ॒ಜಗ್ಂ ಸುಭೇ॑ಷಜಂ॒- ಯಁಥಾಽಸ॑ತಿ। ಸು॒ಗಂ ಮೇ॒ಷಾಯ॑ ಮೇ॒ಷ್ಯಾ॑ ಅವಾ᳚ಬಂ ರು॒ದ್ರಮ॑ದಿ- ಮ॒ಹ್ಯವ॑ ದೇ॒ವಂ ತ್ರ್ಯ॑ಬಂಕಮ್। ಯಥಾ॑ ನಃ॒ ಶ್ರೇಯ॑ಸಃ॒ ಕರ॒ದ್ಯಥಾ॑ ನೋ॒ ವಸ್ಯ॑ ಸಃ॒ ಕರ॒ದ್ಯಥಾ॑ ನಃ ಪಶು॒ಮತಃ॒ ಕರ॒ದ್ಯಥಾ॑ ನೋ ವ್ಯವಸಾ॒ಯಯಾ᳚ತ್॥

ತ್ರ್ಯ॑ಬಂಕಂ-ಯಁಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ವರ್ಧ॑ನಮ್। ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ ಮೃ॒ತ್ಯೋ ರ್ಮು॑ಕ್ಷೀಯ॒ ಮಾಽಮೃತಾ᳚ತ್॥

ಏ॒ಷತೇ॑ ರುದ್ರ ಭಾ॒ಗ ಸ್ತಂಜು॑ಷಸ್ವ॒ ತೇನಾ॑ವ॒ಸೇನ॑ ಪ॒ರೋ ಮೂಜ॑ವ॒ತೋ-ಽತೀ॒ಹ್ಯವ॑ತತ ಧನ್ವಾ॒ ಪಿನಾ॑ಕಹಸ್ತಃ॒ ಕೃತ್ತಿ॑ವಾಸಾಃ॥

ಪ್ರ॒ತಿ॒ಪೂ॒ರು॒ಷ-ಮೇಕ॑ಕಪಾಲಾ॒ನ್ ನಿರ್ವ॑ಪತಿ। ಜಾ॒ತಾ ಏ॒ವ ಪ್ರ॒ಜಾ ರು॒ದ್ರಾನ್ ನಿ॒ರವ॑ದಯತೇ। ಏಕ॒ಮತಿ॑ರಿಕ್ತಮ್। ಜ॒ನಿ॒ಷ್ಯಮಾ॑ಣಾ ಏ॒ವ ಪ್ರ॒ಜಾ ರು॒ದ್ರಾನ್ ನಿ॒ರವ॑ದಯತೇ। ಏಕ॑ಕಪಾಲಾ ಭವಂತಿ। ಏ॒ಕ॒ಧೈವ ರು॒ದ್ರಂ ನಿ॒ರವ॑ದಯತೇ। ನಾಭಿಘಾ॑ರಯತಿ। ಯದ॑ಭಿಘಾ॒ರಯೇ᳚ತ್। ಅಂ॒ತ॒ರ॒ವ॒-ಚಾ॒ರಿಣಗ್ಂ॑ ರು॒ದ್ರಂ ಕು॑ರ್ಯಾತ್। ಏ॒ಕೋ॒ಲ್ಮು॒ಕೇನ॑ಯಂತಿ॥

ತದ್ಧಿ ರು॒ದ್ರಸ್ಯ॑ ಭಾಗ॒ಧೇಯ᳚ಮ್। ಇ॒ಮಾಂ ದಿಶಂ॑ ಯಂತಿ। ಏ॒ಷಾ ವೈ ರು॒ದ್ರಸ್ಯ॒ ದಿಕ್। ಸ್ವಾಯಾ॑ ಮೇ॒ವ ದಿ॒ಶಿ ರು॒ದ್ರಂ ನಿ॒ರವ॑ದಯತೇ। ರು॒ದ್ರೋ ವಾ ಅ॑ಪ॒ಶುಕಾ॑ಯಾ॒ ಆಹು॑ತ್ಯೈ॒ ನಾತಿ॑ಷ್ಠತ। ಅ॒ಸೌ ತೇ॑ ಪ॒ಶುರಿತಿ॒ ನಿರ್ದಿ॑ಶೇ॒ದ್ಯಂ ದ್ವಿ॒ಷ್ಯಾತ್। ಯಮೇ॒ವ ದ್ವೇಷ್ಟಿ॑। ತಮ॑ಸ್ಮೈ ಪ॒ಶುಂ ನಿರ್ದಿ॑ಶತಿ। ಯದಿ॒ ನ ದ್ವಿ॒ಷ್ಯಾತ್। ಆ॒ಖುಸ್ತೇ॑ ಪ॒ಶುರಿತಿ॑ ಬ್ರೂಯಾತ್॥

ನ ಗ್ರಾ॒ಮ್ಯಾನ್ ಪ॒ಶೂನ್ ಹಿ॒ನಸ್ತಿ॑। ನಾರ॒ಣ್ಯಾನ್। ಚ॒ತು॒ಷ್ಪ॒ಥೇ ಜು॑ಹೋತಿ। ಏ॒ಷ ವಾ ಅ॑ಗ್ನೀ॒ನಾಂ ಪಡ್ಬೀ॑ಶೋ॒ ನಾಮ॑। ಅ॒ಗ್ನಿ॒ವತ್ಯೇ॒ವ ಜು॑ಹೋತಿ। ಮ॒ದ್ಧ್ಯ॒ಮೇನ॑ ಪ॒ರ್ಣೇನ॑ ಜುಹೋತಿ। ಸ್ರುಗ್ಘ್ಯೇ॑ಷಾ। ಅಥೋ॒ ಖಲು॑। ಅಂ॒ತ॒ಮೇನೈ॒ವ ಹೋ॑ತ॒ವ್ಯ᳚ಮ್। ಅಂ॒ತ॒ತ ಏ॒ವ ರು॒ದ್ರಂ ನಿ॒ರವ॑ದಯತೇ॥

ಏಷ॒ ತೇ॑ ರುದ್ರಭಾ॒ಗಃ ಸ॒ಹಸ್ವಸ್ರಾಂಽ- ಬಿ॑ಕ॒ಯೇತ್ಯಾ॑ಹ। ಶ॒ರದ್ವಾ ಅ॒ಸ್ಯಾಂಬಿ॑ಕಾ॒ ಸ್ವಸಾ᳚। ತಯಾ॒ ವಾ ಏ॒ಷ ಹಿ॑ನಸ್ತಿ। ಯಗ್ಂ ಹಿ॒ನಸ್ತಿ॑। ತಯೈ॒ವೈನಗ್ಂ॑ ಸ॒ಹ ಶ॑ಮಯತಿ। ಭೇ॒ಷ॒ಜಂಗವ॒ ಇತ್ಯಾ॑ಹ। ಯಾವಂ॑ತ ಏ॒ವ ಗ್ರಾ॒ಮ್ಯಾಃ ಪ॒ಶವಃ॑। ತೇಭ್ಯೋ॑ ಭೇಷ॒ಜಂ ಕ॑ರೋತಿ। ಅವಾ᳚ಬಂ ರು॒ದ್ರಮ॑ದಿ ಮ॒ಹೀತ್ಯಾ॑ಹ। ಆ॒ಶಿಷ॑ಮೇ॒ವೈ-ತಾಮಾ ಶಾ᳚ಸ್ತೇ॥

ತ್ರ್ಯ॑ಬಂಕಂ ಯಜಾಮಹ॒ ಇತ್ಯಾ॑ಹ। ಮೃ॒ತ್ಯೋ ರ್ಮು॑ಕ್ಷೀಯ॒ ಮಾಽಮೃತಾ॒- ದಿತಿ॒ ವಾ ವೈ ತದಾ॑ಹ। ಉತ್ಕಿ॑ರಂತಿ। ಭಗ॑ಸ್ಯ ಲೀಫ್ಸಂತೇ। ಮೂತೇ॑ ಕೃ॒ತ್ವಾ ಸ॑ಜಂತಿ। ಯಥಾ॒ ಜನಂ॑- ಯ॒ತೇ॑ಽವ॒ಸಂ ಕ॒ರೋತಿ॑। ತಾ॒ದೃಗೇ॒ವ ತತ್। ಏ॒ಷ ತೇ॑ ರುದ್ರಭಾ॒ಗ ಇತ್ಯಾ॑ಹ ನಿ॒ರವ॑ತ್ಯೈ। ಅಪ್ರ॑ತೀಕ್ಷ॒- ಮಾಯಂ॑ತಿ। ಅ॒ಪಃ ಪರಿ॑ಷಿಂಚತಿ। ರು॒ದ್ರಸ್ಯಾಂ॒ತ ರ್ಹಿ॑ತ್ಯೈ। ಪ್ರವಾ ಏ॒ತೇ᳚ಽಸ್ಮಾ- ಲ್ಲೋ॒ಕಾ- ಚ್ಚ್ಯ॑ವಂತೇ। ಯೇ ತ್ರ್ಯ॑ಬಂಕೈ॒- ಶ್ಚರಂ॑ತಿ। ಆ॒ದಿ॒ತ್ಯಂ ಚ॒ರುಂ ಪುನ॒ರೇತ್ಯ॒ ನಿರ್ವ॑ಪತಿ। ಇ॒ಯಂ- ವಾಁ ಅದಿ॑ತಿಃ। ಅ॒ಸ್ಯಾಮೇ॒ವ ಪ್ರತಿ॑ತಿಷ್ಠಂತಿ॥

ವಿ॒ಭ್ರಾಡ್- ಬೃ॒ಹತ್- ಪಿ॑ಬತು ಸೋ॒ಮ್ಯಂ ಮಧ್ವಾಯು॒ರ್- ದಧ॑ದ್ಯ॒ಜ್ಞ ಪ॑ತಾ॒ವವಿ॑ಹ್ರುತಮ್। ವಾತ॑ಜೂತೋ॒ ಯೋ ಅ॑ಭಿ॒ರಕ್ಷ॑ತಿ॒ ತ್ಮನಾ᳚ ಪ್ರ॒ಜಾಃ ಪು॑ಪೋಷ ಪುರು॒ಧಾ ವಿರಾ᳚ಜತಿ॥

ಓಂ ನಮೋ ಭಗವತೇ॑ ರುದ್ರಾ॒ಯ॥

ಪ್ರತಿಪೂರುಷಂ ವಿಭಾಡಿತಿ ನೇತ್ರತ್ರಯಾ॑ಯ ವೌ॒ಷಟ್॥

ತ್ವಮಗ್ನೇ ಶತ ರುದ್ರೀಯಂ ಅಸ್ತ್ರಮ್

ತ್ವಮಗ್ನೇ ತ್ವಮಗ್ನೇ ಶತರುದ್ರೀಯಮಿತ್ಯಸ್ತ್ರಂ।

ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಗ್ಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ। ತ್ವಂ ವಾತೈ॑ರರು॒ಣೈರ್ಯಾ॑ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನು ತ್ಮನಾ᳚॥ ಆ ವೋ॒ ರಾಜಾ॑ನಮಧ್ವ॒ರಸ್ಯ॑ ರು॒ದ್ರಗ್ಂ ಹೋತಾ॑ರಗ್ಂ ಸತ್ಯ॒ಯಜ॒ಗ್ಂ॒ ರೋದ॑ಸ್ಯೋಃ। ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ॑ಣ್ಯರೂಪ॒ಮವ॑ಸೇ ಕೃಣುಧ್ವಂ॥ ಅ॒ಗ್ನಿರ್ಹೋತಾ॒ ನಿಷ॑ಸಾದಾ॒ ಯಜೀ॑ಯಾನು॒ಪಸ್ಥೇ॑ ಮಾ॒ತುಸ್ಸು॑ರ॒ಭಾವು॑ ಲೋ॒ಕೇ। ಯುವಾ॑ ಕ॒ವಿಃ ಪು॑ರುನಿ॒ಷ್ಠ ಋ॒ತಾವಾ॑ ಧ॒ರ್ತಾ ಕೃ॑ಷ್ಟೀ॒ನಾಮು॒ತ ಮಧ್ಯ॑ ಇ॒ದ್ಧಃ॥

ಸಾ॒ಧ್ವೀಮ॑ಕರ್ದೇ॒ವವೀ॑ತಿಂ ನೋ ಅ॒ದ್ಯ ಯ॒ಜ್ಞಸ್ಯ॑ ಜಿ॒ಹ್ವಾಮ॑ವಿದಾಮ॒ ಗುಹ್ಯಾಂ᳚। ಸ ಆಯು॒ರಾಗಾ᳚ಥ್ಸುರ॒ಭಿರ್ವಸಾ॑ನೋ ಭ॒ದ್ರಾಮ॑ಕರ್ದೇ॒ವಹೂ॑ತಿಂ ನೋ ಅ॒ದ್ಯ॥ ಅಕ್ರಂ॑ದದ॒ಗ್ನಿಃ ಸ್ತ॒ನಯ॑ನ್ನಿವ॒ ದ್ಯೌಃ, ಕ್ಷಾಮಾ॒ ರೇರಿ॑ಹದ್ವೀ॒ರುಧಃ॑ ಸಮಂ॒ಜನ್ನ್। ಸ॒ದ್ಯೋ ಜ॑ಜ್ಞಾ॒ನೋ ವಿಹೀಮಿ॒ದ್ಧೋ ಅಖ್ಯ॒ದಾ ರೋದ॑ಸೀ ಭಾ॒ನುನಾ॑ ಭಾತ್ಯಂ॒ತಃ॥ ತ್ವೇ ವಸೂ॑ನಿ ಪುರ್ವಣೀಕ ಹೋತರ್ದೋ॒ಷಾ ವಸ್ತೋ॒ರೇರಿ॑ರೇ ಯ॒ಜ್ಞಿಯಾ॑ಸಃ। ಕ್ಷಾಮೇ॑ವ॒ ವಿಶ್ವಾ॒ ಭುವ॑ನಾನಿ॒ ಯಸ್ಮಿಂ॒ಥ್ಸಗ್ಂ ಸೌಭ॑ಗಾನಿ ದಧಿ॒ರೇ ಪಾ॑ವ॒ಕೇ॥ ತುಭ್ಯಂ॒ ತಾ ಅಂ॑ಗಿರಸ್ತಮ॒ ವಿಶ್ವಾಃ᳚ ಸುಕ್ಷಿ॒ತಯಃ॒ ಪೃಥ॑ಕ್। ಅಗ್ನೇ॒ ಕಾಮಾ॑ಯ ಯೇಮಿರೇ॥ ಅ॒ಶ್ಯಾಮ॒ ತಂ ಕಾಮ॑ಮಗ್ನೇ॒ ತವೋ॒ತ್ಯ॑ಶ್ಯಾಮ॑ ರ॒ಯಿಗ್ಂ ರ॑ಯಿವಃ ಸು॒ವೀರಂ᳚। ಅ॒ಶ್ಯಾಮ॒ ವಾಜ॑ಮ॒ಭಿ ವಾ॒ಜಯಂ॑ತೋ॒ಽಶ್ಯಾಮ॑ ದ್ಯು॒ಮ್ನಮ॑ಜರಾ॒ಜರಂ॑ ತೇ॥ ಶ್ರೇಷ್ಠಂ॑ ಯವಿಷ್ಠ ಭಾರ॒ತಾಗ್ನೇ᳚ ದ್ಯು॒ಮಂತ॒ಮಾಭ॑ರ। ವಸೋ॑ ಪುರು॒ಸ್ಪೃಹಗ್ಂ॑ ರ॒ಯಿಂ॥ ಸ ಶ್ವಿ॑ತಾ॒ನಸ್ತ॑ನ್ಯ॒ತೂ ರೋ॑ಚನ॒ಸ್ಥಾ ಅ॒ಜರೇ॑ಭಿ॒ರ್ನಾನ॑ದದ್ಭಿ॒ರ್ಯವಿ॑ಷ್ಠಃ। ಯಃ ಪಾ॑ವ॒ಕಃ ಪು॑ರು॒ತಮಃ॑ ಪು॒ರೂಣಿ॑ ಪೃ॒ಥೂನ್ಯ॒ಗ್ನಿರ॑ನು॒ಯಾತಿ॒ ಭರ್ವನ್ನ್॑॥ ಆಯು॑ಷ್ಟೇ ವಿ॒ಶ್ವತೋ॑ ದಧದ॒ಯಮ॒ಗ್ನಿರ್ವರೇ᳚ಣ್ಯಃ। ಪುನ॑ಸ್ತೇ ಪ್ರಾ॒ಣ ಆಯ॑ತಿ॒ ಪರಾ॒ ಯಕ್ಷ್ಮಗ್ಂ॑ ಸುವಾಮಿ ತೇ॥ ಆ॒ಯು॒ರ್ದಾ ಅ॑ಗ್ನೇ ಹ॒ವಿಷೋ॑ ಜುಷಾ॒ಣೋ ಘೃ॒ತಪ್ರ॑ತೀಕೋ ಘೃ॒ತಯೋ॑ನಿರೇಧಿ। ಘೃ॒ತಂ ಪೀ॒ತ್ವಾ ಮಧು॒ ಚಾರು॒ ಗವ್ಯಂ॑ ಪಿ॒ತೇವ॑ ಪು॒ತ್ರಮ॒ಭಿರಕ್ಷತಾದಿ॒ಮಂ॥ ತಸ್ಮೈ॑ ತೇ ಪ್ರತಿ॒ಹರ್ಯ॑ತೇ॒ ಜಾತ॑ವೇದೋ॒ ವಿಚ॑ರ್ಷಣೇ। ಅಗ್ನೇ॒ ಜನಾ॑ಮಿ ಸುಷ್ಟು॒ತಿಂ॥  ದಿ॒ವಸ್ಪರಿ॑ ಪ್ರಥ॒ಮಂ ಜ॑ಜ್ಞೇ ಅ॒ಗ್ನಿರ॒ಸ್ಮದ್ ದ್ವಿ॒ತೀಯಂ॒ ಪರಿ॑ ಜಾ॒ತವೇ॑ದಾಃ। ತೃ॒ತೀಯ॑ಮ॒ಫ್ಸು ನೃ॒ಮಣಾ॒ ಅಜ॑ಸ್ರ॒ ಮಿಂಧಾ॑ನ ಏನಂ ಜರತೇ ಸ್ವಾ॒ಧೀಃ॥ ಶುಚಿಃ॑ ಪಾವಕ॒ ವಂದ್ಯೋಽಗ್ನೇ॑ ಬೃ॒ಹದ್ವಿ ರೋ॑ಚಸೇ। ತ್ವಂ ಘೃ॒ತೇಭಿ॒ರಾಹು॑ತಃ॥

ದೃ॒ಶಾ॒ನೋ ರು॒ಕ್ಮ ಉ॒ರ್ವ್ಯಾ ವ್ಯ॑ದ್ಯೌದ್ದು॒ರ್ಮರ್ಷ॒ಮಾಯುಃ॑ ಶ್ರಿ॒ಯೇ ರು॑ಚಾ॒ನಃ। ಅ॒ಗ್ನಿರ॒ಮೃತೋ॑ ಅಭವ॒ದ್ವಯೋ॑ಭಿ॒ರ್ಯದೇ॑ನಂ॒ ದ್ಯೌರಜ॑ನಯಥ್ಸು॒ರೇತಾಃ᳚॥ ಆ ಯದಿ॒ಷೇ ನೃ॒ಪತಿಂ॒ ತೇಜ॒ ಆನ॒ಟ್ಛುಚಿ॒ ರೇತೋ॒ ನಿಷಿ॑ಕ್ತಂ॒ ದ್ಯೌರ॒ಭೀಕೇ᳚। ಅ॒ಗ್ನಿಃ ಶರ್ಧ॑ಮನವ॒ದ್ಯಂ ಯುವಾ॑ನಗ್ಗ್ ಸ್ವಾ॒ಧಿಯಂ॑ ಜನಯಥ್ಸೂ॒ದಯ॑ಚ್ಚ॥ ಸ ತೇಜೀ॑ಯಸಾ॒ ಮನ॑ಸಾ॒ ತ್ವೋತ॑ ಉ॒ತ ಶಿ॑ಕ್ಷ ಸ್ವಪ॒ತ್ಯಸ್ಯ॑ ಶಿ॒ಕ್ಷೋಃ। ಅಗ್ನೇ॑ ರಾ॒ಯೋ ನೃತ॑ಮಸ್ಯ॒ ಪ್ರಭೂ॑ತೌ ಭೂ॒ಯಾಮ॑ ತೇ ಸುಷ್ಟು॒ತಯ॑ಶ್ಚ॒ ವಸ್ವಃ॑॥ ಅಗ್ನೇ॒ ಸಹಂ॑ತ॒ಮಾ ಭ॑ರ ದ್ಯು॒ಮ್ನಸ್ಯ॑ ಪ್ರಾ॒ಸಹಾ॑ ರ॒ಯಿಂ। ವಿಶ್ವಾ॒ ಯ ಶ್ಚ॑ರ್ಷ॒ಣೀರ॒ಭ್ಯಾ॑ಸಾ ವಾಜೇ॑ಷು ಸಾ॒ಸಹ॑ತ್॥ ತಮ॑ಗ್ನೇ ಪೃತನಾ॒ಸಹಗ್ಂ॑ ರ॒ಯಿಗ್ಂ ಸ॑ಹಸ್ವ॒ ಆ ಭ॑ರ। ತ್ವಗ್ಂ ಹಿ ಸ॒ತ್ಯೋ ಅದ್ಭು॑ತೋ ದಾ॒ತಾ ವಾಜ॑ಸ್ಯ॒ ಗೋಮ॑ತಃ॥ ಉ॒ಕ್ಷಾನ್ನಾ॑ಯ ವ॒ಶಾನ್ನಾ॑ಯ॒ ಸೋಮ॑ಪೃಷ್ಠಾಯ ವೇ॒ಧಸೇ᳚। ಸ್ತೋಮೈ᳚ರ್ವಿಧೇಮಾ॒ಗ್ನಯೇ᳚॥ ವ॒ದ್ಮಾ ಹಿ ಸೂ॑ನೋ॒ ಅಸ್ಯ॑ದ್ಮ॒ಸದ್ವಾ॑ ಚ॒ಕ್ರೇ ಅ॒ಗ್ನಿರ್ಜ॒ನುಷಾಜ್ಮಾನ್ನಂ᳚। ಸ ತ್ವಂ ನ॑ ಊರ್ಜಸನ॒ ಊರ್ಜಂ॑ ಧಾ॒ ರಾಜೇ॑ವ ಜೇರವೃ॒ಕೇ ಕ್ಷೇ᳚ಷ್ಯಂ॒ತಃ॥ ಅಗ್ನ॒ ಆಯೂಗ್ಂ॑ಷಿ ಪವಸ॒ ಆ ಸು॒ವೋರ್ಜ॒ಮಿಷಂ॑ ಚ ನಃ। ಆ॒ರೇ ಬಾ॑ಧಸ್ವ ದು॒ಚ್ಛುನಾಂ᳚॥ ಅಗ್ನೇ॒ ಪವ॑ಸ್ವ॒ ಸ್ವಪಾ॑ ಅ॒ಸ್ಮೇ ವರ್ಚಃ॑ ಸು॒ವೀರ್ಯಂ᳚। ದಧ॒ತ್ಪೋಷಗ್ಂ॑ ರ॒ಯಿಂ ಮಯಿ॑॥ ಅಗ್ನೇ॑ ಪಾವಕ ರೋ॒ಚಿಷಾ॑ ಮಂ॒ದ್ರಯಾ॑ ದೇವ ಜಿ॒ಹ್ವಯಾ᳚। ಆ ದೇ॒ವಾನ್, ವ॑ಕ್ಷಿ॒ ಯಕ್ಷಿ॑ ಚ॥ ಸ ನಃ॑ ಪಾವಕ ದೀದಿ॒ವೋಽಗ್ನೇ॑ ದೇ॒ವಾಗ್ಂ ಇ॒ಹಾ ವ॑ಹ। ಉಪ॑ ಯ॒ಜ್ಞಗ್ಂ ಹ॒ವಿಶ್ಚ॑ ನಃ॥ ಅ॒ಗ್ನಿಃ ಶುಚಿ॑ವ್ರತತಮಃ॒ ಶುಚಿ॒ರ್ವಿಪ್ರಃ॒ ಶುಚಿಃ॑ ಕ॒ವಿಃ। ಶುಚೀ॑ ರೋಚತ॒ ಆಹು॑ತಃ॥ ಉದ॑ಗ್ನೇ॒ ಶುಚ॑ಯ॒ಸ್ತವ॑ ಶು॒ಕ್ರಾ ಭ್ರಾಜಂ॑ತ ಈರತೇ। ತವ॒ ಜ್ಯೋತೀಗ್॑ಷ್ಯ॒ರ್ಚಯಃ॑॥

ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಃ। ತ್ವಗ್ಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ। ತ್ವಂ-ವಾತೈ॑ರರು॒ಣೈ ರ್ಯಾ॑ಸಿ ಶಂಗ॒ಯಃ। ತ್ವಂ ಪೂ॒ಷಾ ವಿ॑ಧ॒ತಃ ಪಾ॑ಸಿ॒ ನುತ್ಮನಾಃ᳚। ದೇವಾ॑ ದೇ॒ವೇಷು॑ ಶ್ರಯದ್ಧ್ವಮ್। ಪ್ರಥ॑ಮಾ ದ್ವಿ॒ತೀಯೇ॑ಷು ಶ್ರಯದ್ಧ್ವಮ್। ದ್ವಿತೀ॑ಯಾ-ಸ್ತೃ॒ತೀಯೇ॑ಷು ಶ್ರಯದ್ಧ್ವಮ್। ತೃತೀ॑ಯಾ-ಶ್ಚತು॒ರ್ಥೇಷು॑ ಶ್ರಯದ್ಧ್ವಮ್। ಚ॒ತು॒ರ್ಥಾಃ ಪಂ॑ಚ॒ಮೇಷು॑ ಶ್ರಯದ್ಧ್ವಮ್। ಪಂ॒ಚ॒ಮಾಃ ಷ॒ಷ್ಠೇಷು॑ ಶ್ರಯದ್ಧ್ವಮ್॥ ಷ॒ಷ್ಠಾಃ ಸ॑ಪ್ತ॒ಮೇಷು॑ ಶ್ರಯದ್ಧ್ವಮ್। ಸ॒ಪ್ತ॒ಮಾ ಅ॑ಷ್ಟ॒ಮೇಷು॑ ಶ್ರಯದ್ಧ್ವಮ್। ಅ॒ಷ್ಟ॒ಮಾ ನ॑ವ॒ಮೇಷು॑ ಶ್ರಯದ್ಧ್ವಮ್। ನ॒ವ॒ಮಾ ದ॑ಶ॒ಮೇಷು॑ ಶ್ರಯದ್ಧ್ವಮ್। ದ॒ಶ॒ಮಾ ಏ॑ಕಾದ॒ಶೇಷು॑ ಶ್ರಯದ್ಧ್ವಮ್। ಏ॒ಕ॒ದ॒ಶಾ ದ್ವಾ॑ದ॒ಶೇಷು॑ ಶ್ರಯದ್ಧ್ವಮ್। ದ್ವಾ॒ದ॒ಶಾ-ಸ್ತ್ರ॑ಯೋದ॒ಶೇಷು॑ ಶ್ರಯದ್ಧ್ವಮ್। ತ್ರ॒ಯೋ॒ದ॒ಶಾ-ಶ್ಚ॑ತುರ್ದ॒ಶೇಷು॑ ಶ್ರಯದ್ಧ್ವಮ್। ಚ॒ತು॒ರ್ದ॒ಶಾಃ ಪಂ॑ಚದ॒ಶೇಷು॑ ಶ್ರಯದ್ಧ್ವಮ್। ಪಂ॒ಚ॒ದ॒ಶಾಃ ಷೋ॑ಡ॒ಶೇಷು॑ ಶ್ರಯದ್ಧ್ವಮ್॥ ಷೋ॒ಡ॒ಶಾಃ ಸ॑ಪ್ತದ॒ಶೇಷು॑ ಶ್ರಯದ್ಧ್ವಮ್। ಸ॒ಪ್ತ॒ದ॒ಶಾ ಅ॑ಷ್ಟಾದ॒ಶೇಷು॑ ಶ್ರಯದ್ಧ್ವಮ್। ಅ॒ಷ್ಟಾ॒ದ॒ಶಾ ಏ॑ಕಾನ್ನವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಏ॒ಕಾ॒ನ್ನ॒ವಿ॒ಗ್ಂ॒ಶಾ ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ವಿ॒ಗ್ಂ॒ಶಾ ಏ॑ಕವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಏ॒ಕ॒ವಿ॒ಗ್ಂ॒ಶಾ ದ್ವಾ॑ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ದ್ವಾ॒ವಿ॒ಗ್ಂ॒ಶಾ ಸ್ತ್ರ॑ಯೋವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ತ್ರ॒ಯೋ॒ವಿ॒ಗ್ಂ॒ಶಾ ಶ್ಚ॑ತುರ್ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಚ॒ತು॒ರ್ವಿ॒ಗ್ಂ॒ಶಾಃ ಪಂ॑ಚವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಪಂ॒ಚ॒ವಿ॒ಗ್ಂ॒ಶಾಃ ಷ॑ಡ್ವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್॥ ಷ॒ಡ್ವಿ॒ಗ್ಂ॒ಶಾ ಸ್ಸ॑ಪ್ತವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಸ॒ಪ್ತ॒ವಿ॒ಗ್ಂ॒ಶಾ ಅ॑ಷ್ಟಾವಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಅ॒ಷ್ಟಾ॒ವಿ॒ಗ್ಂ॒ಶಾ ಏ॑ಕಾನ್ನತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಏ॒ಕಾ॒ನ್ನ॒ತ್ರಿ॒ಗ್ಂ॒ಶಾ ಸ್ತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ತ್ರಿ॒ಗ್ಂ॒ಶಾ ಏ॑ಕತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ಏ॒ಕ॒ತ್ರಿ॒ಗ್ಂ॒ಶಾ ದ್ವಾ᳚ತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ದ್ವಾ॒ತ್ರಿ॒ಗ್ಂ॒ಶಾ ತ್ರ॑ಯಸ್ತ್ರಿ॒ಗ್ಂ॒ಶೇಷು॑ ಶ್ರಯದ್ಧ್ವಮ್। ದೇವಾ᳚ಸ್ತ್ರಿರೇಕಾದಶಾ॒ ಸ್ತ್ರಿಸ್ತ್ರ॑ಯಸ್ತ್ರಿಗ್ಂಶಾಃ। ಉತ್ತ॑ರೇ ಭವತ। ಉತ್ತ॑ರ ವರ್ತ್ಮಾನ॒ ಉತ್ತ॑ರ ಸತ್ವಾನಃ। ಯತ್ಕಾ॑ಮ ಇ॒ದಂ ಜು॒ಹೋಮಿ॑। ತನ್ಮೇ॒ ಸಮೃ॑ದ್ಧ್ಯತಾಮ್। ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್। ಭೂರ್ಭುವ॒ಸ್ವ॑ಸ್ಸ್ವಾಹಾ᳚॥

ಓಂ ನಮೋ ಭಗವತೇ॑ ರುದ್ರಾ॒ಯ॥

ತ್ವಮಗ್ನೇ ತ್ವಮಗ್ನೇ ಶತರುದ್ರೀಯಮಿತ್ಯಸ್ತ್ರಾಯ ಫಟ್॥ 

ಪಂಚಾಂಗ ಜಪಃ

ಅಥ ಪಂಚಾಂಗಗ್ಂ ಸಕೃಜ್ಜಪೇತ್‌।

೧. ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮಃ॑। ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಮ್। ಭ॒ವೋದ್ಭ॑ವಾಯ॒ ನಮಃ॑॥

೨. ವಾ॒ಮ॒ದೇ॒ವಾಯ॒ ನಮೋ᳚ ಜ್ಯೇ॒ಷ್ಠಾಯ॒ ನಮಃ॑ ಶ್ರೇ॒ಷ್ಠಾಯ॒ ನಮೋ॑ ರು॒ದ್ರಾಯ॒ ನಮಃ॒ ಕಾಲಾ॑ಯ॒ ನಮಃ॒ ಕಲ॑ವಿಕರಣಾಯ॒ ನಮೋ॒ ಬಲ॑ವಿಕರಣಾಯ॒ ನಮೋ॒ ಬಲಾ॑ಯ॒ ನಮೋ॒ ಬಲ॑ಪ್ರಮಥನಾಯ॒ ನಮಃ॒ ಸರ್ವ॑ಭೂತದಮನಾಯ॒ ನಮೋ॑ ಮ॒ನೋನ್ಮ॑ನಾಯ॒ ನಮಃ॑॥

೩. ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ॥

೪. ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್॥

೫. ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್॥

ಅಷ್ಟಾಂಗ ಪ್ರಣಾಮಃ

ತತಃ ಹಿರಣ್ಯಗರ್ಭೋ ಯಃ ಪ್ರಾಣತೋ ಬ್ರಹ್ಮಜಜ್ಞಾನಂ ಮಹೀದ್ಯೌರುಪಶ್ವಾಸಯಾಗ್ನೇಽನಯ ಯಾ ತೇ ಅಗ್ನ ಇಮಂ ಯಮಪ್ರಸ್ತರಮಿತ್ಯಷ್ಟಾಂಗಂ ಪ್ರಣಮ್ಯ​।

✤ ೧. ಹಿ॒ರ॒ಣ್ಯ॒ಗ॒ರ್ಭ-ಸ್ಸಮ॑ವರ್ತ॒-ತಾಗ್ರೇ॑ ಭೂ॒ತಸ್ಯ॑ ಜಾ॒ತಃ ಪತಿ॒ರೇಕ॑ ಆಸೀತ್। ಸದಾ॑ಧಾರ ಪೃಥಿ॒ವೀಂ ದ್ಯಾಮು॒ತೇಮಾಂ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॥ ಉರಸಾ ನಮಃ॥

✤ ೨. ಯಃ ಪ್ರಾ॑ಣ॒ತೋ ನಿ॑ಮಿಷ॒ತೋ ಮ॑ಹಿ॒ತ್ವೈಕ॒ ಇದ್ರಾಜಾ॒ ಜಗ॑ತೋ ಬ॒ಭೂವ॑। ಯ ಈಶೇ॑ ಅ॒ಸ್ಯ ದ್ವಿ॒ಪದ॒-ಶ್ಚತು॑ಷ್ಪದಃ॒ ಕಸ್ಮೈ॑ ದೇ॒ವಾಯ॑ ಹ॒ವಿಷಾ॑ ವಿಧೇಮ॥ ಶಿರಸಾ ನಮಃ॥

✤ ೩. ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒-ದ್ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ। ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒ಮ-ಸ॑ತಶ್ಚ॒ ವಿವಃ॑॥ ದೃಷ್ಯಾ ನಮಃ॥

✤ ೪. ಮ॒ಹೀ ದ್ಯೌಃ ಪೃ॑ಥಿ॒ವೀ ಚ॑ ನ ಇ॒ಮಂ-ಯಁ॒ಜ್ಞಂ ಮಿ॑ಮಿಕ್ಷತಾಮ್। ಪಿ॒ಪೃ॒ತಾನ್ನೋ॒ ಭರೀ॑ಮಭಿಃ॥ ಮನಸಾ ನಮಃ॥ 

✤ ೫. ಉಪ॑ಶ್ವಾಸಯ ಪೃಥಿ॒ವೀ-ಮು॒ತ ದ್ಯಾಂ ಪು॑ರು॒ತ್ರಾ ತೇ॑ ಮನುತಾಂ॒ ವಿಷ್ಠಿ॑ತಂ॒ ಜಗ॑ತ್। ಸ ದುಂ॑ದುಭೇ ಸ॒ಜೂರಿಂದ್ರೇ॑ಣ ದೇ॒ವೈ-ರ್ದೂ॒ರಾದ್ದವೀ॑ಯೋ॒ ಅಪ॑ಸೇಧ॒ ಶತ್ರೂನ್॑॥ ವಚಸಾ ನಮಃ॥

✤ ೬. ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್ ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್। ಯು॒ಯೋ॒ದ್ಧ್ಯ॑ಸ್ಮ-ಜ್ಜು॑ಹುರಾ॒ಣ-ಮೇನೋ॒ ಭೂಯಿ॑ಷ್ಠಾಂತೇ॒ ನಮ॑ ಉಕ್ತಿಂ-ವಿಁಧೇಮ॥ ಪಧ್ಭ್ಯಾಂ ನಮಃ॥ 

✤ ೭. ಯಾ ತೇ॑ ಅಗ್ನೇ॒ ರುದ್ರಿ॑ಯಾ ತ॒ನೂಸ್ತಯಾ॑ ನಃ ಪಾಹಿ॒ ತಸ್ಯಾ᳚ಸ್ತೇ॒ ಸ್ವಾಹಾ᳚। ಯಾ ತೇ॑ ಅಗ್ನೇಽಯಾಶ॒ಯಾ ರ॑ಜಾಶ॒ಯಾ ಹ॑ರಾಶ॒ಯಾ ತ॒ನೂರ್ವರ್ಷಿ॑ಷ್ಠಾ ಗಹ್ವರೇ॒ಷ್ಠೋಗ್ರಂ-ವಁಚೋ॒ ಅಪಾ॑ವಧೀಂ ತ್ವೇ॒ಷಂ-ವಁಚೋ॒ ಅಪಾ॑ವಧೀ॒ಗ್ಂ॒ ಸ್ವಾಹಾ᳚॥ ಕರಾಭ್ಯಾಂ ನಮಃ॥

✤ ೮. ಇ॒ಮಂ ಯ॑ಮಪ್ರಸ್ತ॒ರಮಾಹಿ ಸೀದಾಂಗಿ॑ರೋಭಿಃ ಪಿ॒ತೃಭಿಃ॑ ಸಂವಿದಾ॒ನಃ। ಆತ್ವಾ॒ ಮಂತ್ರಾಃ॑ ಕವಿಶ॒ಸ್ತಾ ವ॑ಹಂತ್ವೇ॒ನಾ ರಾ॑ಜನ್ ಹ॒ವಿಷಾ॑ ಮಾದಯಸ್ವ॥ ಕರ್ಣಾಭ್ಯಾಂ ನಮಃ॥

ಧ್ಯಾನಮ್

ಅಥಾತ್ಮಾನಗ್ಂ ಶಿವಾತ್ಮಾನಂ ಶ್ರೀರುದ್ರರೂಪಂ ಧ್ಯಾಯೇತ್।

ಶುದ್ಧಸ್ಫಟಿಕ ಸಂಕಾಶಂ ತ್ರಿನೇತ್ರಂ ಪಂಚ ವಕ್ತ್ರಕಮ್।

ಗಂಗಾಧರಂ ದಶಭುಜಗ್ಂ ಸರ್ವಾಭರಣ ಭೂಷಿತಮ್॥

ನೀಲಗ್ರೀವಂ ಶಶಾಂಕಾಂಕಂ ನಾಗ ಯಜ್ಞೋಪ ವೀತಿನಮ್।

ನಾಗಾಭರಣಭೂಷಿತಂ ವ್ಯಾಘ್ರಚರ್ಮೋತ್ತರೀಯಕಮ್॥

ಕಮಂಡಲ್ವಕ್ಷ​-ಸೂತ್ರಧರಂ ಅಭಯವರ ಕರಗ್ಂ ಶೂಲಹಸ್ತಮ್।

ಜ್ವಲಂತಂ ಕಪಿಲ ಜಟಿನಗ್ಂ ಶಿಖಾಮಧ್ಯೋದದಾರಿಣಮ್॥

ವೃಷ ಸ್ಕಂಧ ಸಮಾರೂಢಂ ಉಮಾ ದೇಹಾರ್ಥ ಧಾರಿಣಮ್।

ಅಮೃತೇನಾಪ್ಲುತಂ ಹೃಷ್ಟಂ ದಿವ್ಯಭೋಗ ಸಮನ್ವಿತಮ್॥

ದಿಗ್ದೇವತಾ ಸಮಾಯುಕ್ತಂ ಸುರಾಸುರ ನಮಸ್ಕೃತಮ್।

ನಿತ್ಯಂ ಚ ಶಾಶ್ವತಂ ಶುದ್ಧಂ ಧ್ರುವ-ಮಕ್ಷರ-ಮವ್ಯಯಮ್॥

ಸರ್ವ ವ್ಯಾಪಿನಮೀಶಾನಂ ರುದ್ರಂ ವೈ ವಿಶ್ವರೂಪಿಣಮ್।

ಏವಂ ಧ್ಯಾತ್ವಾ ದ್ವಿಜಸ್ಸಮ್ಯಕ್ತತೋಯಜನಮಾರಭೇತ್॥

ಆತ್ಮನಿ ದೇವತಾ ಸ್ಥಾಪನಮ್

ಅಥಾತೋ ರುದ್ರಸ್ನಾನಾರ್ಚನಾಭಿಷೇಕನಿಧಿಂ ವ್ಯಾಖ್ಯಾಸ್ಯಾಮ। ಉದಿತ ಏವ ತೀರ್ಥೇ ಸ್ನಾತೋದೇತ್ಯ ಶುಚಿಃ ಪ್ರಯತೋ ಬ್ರಹ್ಮಚಾರೀ ಶುಕ್ಲವಾಸಾಸ್ತಸ್ಯ ದಕ್ಷಿಣಾಪ್ರತ್ಯಗ್ದೇಶೇ ತನ್ಮುಖಃ ಸ್ಥಿತ್ವಾ। ಪ್ರಜನನೇತ್ಯಾದಿನಾತ್ಮನಿ ದೇವತಾಃ ಸ್ಥಾಪಯೇತ್‌॥

ಪ್ರಜನನೇ ಬ್ರಹ್ಮಾ ತಿಷ್ಠತು। ಪಾದಯೋರ್ವಿಷ್ಣುಸ್ತಿಷ್ಠತು। ಹಸ್ತಯೋರ್ಹರಸ್ತಿಷ್ಠತು। ಬಾಹ್ವೋರ್‌ಇಂದ್ರಸ್ತಿಷ್ಟತು। ಜಠರೇಽಅಗ್ನಿಸ್ತಿಷ್ಠತು। ಹೃದ॑ಯೇ ಶಿವಸ್ತಿಷ್ಠತು। ಕಂಠೇ ವಸವಸ್ತಿಷ್ಠಂತು। ವಕ್ತ್ರೇ ಸರಸ್ವತೀ ತಿಷ್ಠತು। ನಾಸಿಕಯೋರ್ವಾಯುಸ್ತಿಷ್ಠತು। ನಯನಯೋಶ್ಚಂದ್ರಾದಿತ್ಯೌ ತಿಷ್ಟೇತಾಮ್। ಕರ್ಣಯೋರ್‌ಅಶ್ವಿನೌ ತಿಷ್ಟೇತಾಮ್। ಲಲಾಟೇ ರುದ್ರಾಸ್ತಿಷ್ಠಂತು। ಮೂರ್ಧ್ನ್ಯಾದಿತ್ಯಾಸ್ತಿಷ್ಠಂತು। ಶಿರಸಿ ಮಹಾದೇವಸ್ತಿಷ್ಠತು। ಶಿಖಾಯಾಂ ವಾಁಮದೇವಾಸ್ತಿಷ್ಠತು। ಪೃಷ್ಠೇ ಪಿನಾಕೀ ತಿಷ್ಠತು। ಪುರತಃ ಶೂಲೀ ತಿಷ್ಠತು। ಪಾರ್ಶ್ವಯೋಃ ಶಿವಾಶಂಕರೌ ತಿಷ್ಠೇತಾಮ್। ಸರ್ವತೋ ವಾಯುಸ್ತಿಷ್ಠತು। ತತೋ ಬಹಿಃ ಸರ್ವತೋಽಗ್ನಿರ್ಜ್ವಾಲಾಮಾಲಾ-ಪರಿವೃತಸ್ತಿಷ್ಠತು। ಸರ್ವೇಷ್ವಂಗೇಷು ಸರ್ವಾ ದೇವತಾ ಯಥಾಸ್ಥಾನಂ ತಿಷ್ಠಂತು। ಮಾಗ್ಂ ರಕ್ಷಂತು। ಯಜಮಾನಂ ಸಹ​ ಕುಟುಂಬಂ ಸರ್ವೇ ಭಕ್ತ ಮಹಾ ಜನಾನಾಂ ಚ​ ರಕ್ಷಂತು॥

ಅಗ್ನಿ ರ್ಮೇ ವಾಚಿ ಶ್ರಿತ ಇತಿ ಯಥಾಲಿಂಗಮಂಗಾನಿ ಸಂಮೃಜ್ಯ।

ಅ॒ಗ್ನಿರ್ಮೇ॑ ವಾ॒ಚಿ ಶ್ರಿ॒ತಃ। ವಾಘೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ವಾ॒ಯುರ್ಮೇ᳚ ಪ್ರಾ॒ಣೇ ಶ್ರಿ॒ತಃ। ಪ್ರಾ॒ಣೋ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಸೂರ್ಯೋ॑ ಮೇ॒ ಚಕ್ಷುಷಿ ಶ್ರಿ॒ತಃ। ಚಕ್ಷು॒ರ್ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಚಂ॒ದ್ರಮಾ॑ ಮೇ॒ ಮನ॑ಸಿ ಶ್ರಿ॒ತಃ। ಮನೋ॒ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ದಿಶೋ॑ ಮೇ॒ ಶ್ರೋತ್ರೇ᳚ ಶ್ರಿ॒ತಾಃ। ಶ್ರೋತ್ರ॒ಗ್ಂ॒ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಆಪೋಮೇ॒ ರೇತಸಿ ಶ್ರಿ॒ತಾಃ। ರೇತೋ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಪೃ॒ಥಿ॒ವೀ ಮೇ॒ ಶರೀ॑ರೇ ಶ್ರಿ॒ತಾ। ಶರೀ॑ರ॒ಗ್ಂ॒ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಓ॒ಷ॒ಧಿ॒ ವ॒ನ॒ಸ್ಪತಯೋ॑ ಮೇ॒ ಲೋಮ॑ಸು ಶ್ರಿ॒ತಾಃ। ಲೋಮಾ॑ನಿ॒ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಇಂದ್ರೋ॑ ಮೇ॒ ಬಲೇ᳚ ಶ್ರಿ॒ತಃ। ಬಲ॒ಗ್ಂ॒ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಪ॒ರ್ಜನ್ಯೋ॑ ಮೇ॒ ಮೂ॒ರ್ದ್ನಿ ಶ್ರಿ॒ತಃ। ಮೂ॒ರ್ಧಾ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಈಶಾ॑ನೋ ಮೇ॒ ಮ॒ನ್ಯೌ ಶ್ರಿ॒ತಃ। ಮ॒ನ್ಯುರ್ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಆ॒ತ್ಮಾ ಮ॑ ಆ॒ತ್ಮನಿ॑ ಶ್ರಿ॒ತಃ। ಆ॒ತ್ಮಾ ಹೃದ॑ಯೇ। ಹೃದ॑ಯಂ॒ ಮಯಿ॑। ಅ॒ಹಮ॒ಮೃತೇ᳚। ಅ॒ಮೃತಂ॒ ಬ್ರಹ್ಮ॑ಣಿ।

ಪುನ॑ರ್ಮ ಆ॒ತ್ಮಾ ಪುನ॒ರಾಯು॒ ರಾಗಾ᳚ತ್। ಪುನಃ॑ ಪ್ರಾ॒ಣಃ ಪುನ॒ರಾಕೂ॑ತ॒ಮಾಗಾ᳚ತ್। ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ವಾವೃಧಾ॒ನಃ। ಅಂ॒ತಸ್ತಿ॑ಷ್ಠ॒ತ್ವಮೃತ॑ಸ್ಯ ಗೋ॒ಪಾಃ॥

ಅಥೈನಂ ಗಂಧಾಕ್ಷತ ಪತ್ರ ಪುಷ್ಪ ಧೂಪ ದೀಪ ನೈವೇದ್ಯ ತಾಂಬೂಲೈರಭ್ಯರ್ಚ್ಯಾತ್ಮಾನಂ ಪ್ರತ್ಯಾರಾಧಯೇತ್‌॥ ಆತ್ವಾವದಂತ್ವಿತ್ಯಾದಿನಾ ಪ್ರಾಣ ಪ್ರತಿಷ್ಠಾಪನಂ।

ಆರಾಧಿತೋ ಮನುಷ್ಯೈಸ್ತ್ವಂ ಸಿದ್ಧೈರ್ದೇವಾಸುರಾದಿಭಿಃ।

ಆರಾಧಯಾಮಿ ಭಕ್ತ್ಯಾತ್ವಾಂ ಮಾಂ ಗೃಹಾಣ ಮಹೇಶ್ವರ​॥

ಆತ್ವಾ॑ ವಹಂತು॒ ಹರ॑ಯಃ॒ ಸಚೇ॑ತಸಃ ಶ್ವೇ॒ತೈರಶ್ವೈಃ᳚ ಸ॒ಹ ಕೇ॑ತು॒ಮದ್ಭಿಃ॑। ವಾತಾ॑ಜಿರೈ॒ರ್ಬಲ॑ವದ್ಭಿ॒ರ್ಮನೋ॑ಜವೈ॒ರಾಯಾ॑ಹಿ। ಶೀ॒ಘ್ರಂ ಮಮ॑ ಹ॒ವ್ಯಾಯ॑ ಶ॒ರ್ವೋಮ್।

ಮಂಡಲಾಂತರಗತಂ ಹಿರಣ್ಮಯಂ ಭ್ರಾಜಮಾನವಪುಷಂ ಶುಚಿಸ್ಮಿತಮ್। ಚಂಡದೀಧಿತಿಮಖಂಡ ವಿಗ್ರಹಂ ಚಿಂತಯೇನ್ಮುನಿ ಸಹಸ್ರಸೇವಿತಮ್॥

ಶಂಕರಸ್ಯ ಚರಿತಾಕಥಾಮೃತಂ ಚಂದ್ರಶೇಖರ ಗುಣಾನುಕೀರ್ತನಮ್। ನೀಲಕಂಠ ತವ ಪಾದಸೇವನಂ ಸಂಭವತು ಮಮ ಜನ್ಮಜನ್ಮನಿ॥

ಸ್ವಾಮಿನ್ ಸರ್ವಜಗನ್ನಾಥ ಯಾವತ್ಪೂಜಾಽವಸಾನಕಮ್।

ತಾವತ್ತ್ವಂ ಪ್ರೀತಿಭಾವೇನ ಲಿಂಗೇಽಸ್ಮಿನ್ ಸನ್ನಿಧಿಂ ಕುರು॥

ಆವಾಹಿತೋ ಭವ। ಸ್ಥಾಪಿತೋ ಭವ। ಸಂಮುಖೋ ಭವ। ಸನ್ನಿಹಿತೋ ಭವ। ಸನ್ನಿರುದ್ಧೋ ಭವ। ಅವಕುಂಠಿತೋ ಭವ। ಪ್ರಸೀದ ಪ್ರಸೀದ​॥

ತ್ರ್ಯಂಬಕಮಿತ್ಯಾಸನಂ। ಸದ್ಯೋಜಾತಂ ಪ್ರಪದ್ಯಾ ಮೀತಿ ಪಾದ್ಯಂ। ಭವೇ ಭವೇನೇತ್ಯರ್ಘ್ಯಂ। ಭವೋದ್ಭವಾಯ ನಮ ಇತ್ಯಾಚಮನೀಯಂ। ವಾಮ ದೇವಾಯ ನಮ ಇತಿ ಸ್ನಾನಂ। ಜ್ಯೇಷ್ಠಾಯ ನಮ ಇತಿ ವಸ್ತ್ರಂ। ಶ್ರೇಷ್ಠಾಯ ನಮ ಇತ್ಯುಪವೀತಂ। ರುದ್ರಾಯ ನಮ ಇತ್ಯಾಭರಣಂ। ಕಾಲಾಯ ನಮ ಇತಿ ಗಂಧಂ। ಕಲವಿಕರಣಾಯ ನಮ ಇತ್ಯಕ್ಷತಾನ್‌। ಬಲವಿಕರಣಾಯ ನಮ ಇತಿ ಪುಷ್ಪಂ। ಬಲಾಯ ನಮ ಇತಿ ಧೂಪಂ। ಬಲಪ್ರಮಥನಾಯ ನಮ ಇತಿ ದೀಪಂ। ಸರ್ವಭೂತದಮನಾಯ ನಮ ಇತಿ ನೈವೇದ್ಯಂ। ಮನೋನ್ಮನಾಯ ನಮ ಇತಿ ತಾಂಬೂಲಂ। ಅಘೋರೇಭ್ಯ ಇತ್ಯುತ್ತರ ನೀರಾಜನಂ। ತತ್ಪುರುಷಾಯ ಇತಿ ಮಂತ್ರ ಪುಷ್ಪಂ। ಈಶಾನಾಯ ನಮ ಇತಿ ಪ್ರದಕ್ಷಿಣ ನಮಸ್ಕಾರಾನ್‌ ಸಮರ್ಪಯೇತ್‌।

ತ್ರ್ಯಂ॑ಬಕಂ ಯಜಾಮಹೇ ಸುಗಂ॒ಧಿಂ ಪು॑ಷ್ಟಿ॒ವರ್ಧ॑ನಂ। ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್। ಸಿಂಹಾಸನಂ ಸಮರ್ಪಯಾಮಿ॥

ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ॒ ಸ॒ದ್ಯೋಜಾ॒ತಾಯ॒ ವೈ ನಮೋ॒ ನಮಃ॑। ಪಾದ್ಯಂ ಸಮರ್ಪಯಾಮಿ॥

ಭ॒ವೇ ಭ॑ವೇ॒ ನಾತಿ॑ಭವೇ ಭವಸ್ವ॒ ಮಾಮ್। ಅರ್ಘ್ಯಂ ಸಮರ್ಪಯಾಮಿ॥

ಭ॒ವೋದ್ಭ॑ವಾಯ॒ ನಮಃ॑। ಆಚಮನೀಯಂ ಸಮರ್ಪಯಾಮಿ॥

ವಾ॒ಮ॒ದೇ॒ವಾಯ॒ ನಮಃ॑। ಸ್ನಾನಂ ಸಮರ್ಪಯಾಮಿ॥

ಜ್ಯೇ॒ಷ್ಠಾಯ॒ ನಮಃ॑। ವಸ್ತ್ರಂ ಸಮರ್ಪಯಾಮಿ॥

ಶ್ರೇ॒ಷ್ಠಾಯ॒ ನಮಃ॑। ಉಪವೀತಂ ಸಮರ್ಪಯಾಮಿ॥

ರು॒ದ್ರಾಯ॒ ನಮಃ॑। ಆಭರಣಾನಿ ಸಮರ್ಪಯಾಮಿ॥

ಕಾಲಾ॑ಯ॒ ನಮಃ॑। ಗಂಧಾನ್ ಧಾರಯಾಮಿ॥

ಕಲ॑ವಿಕರಣಾಯ॒ ನಮಃ॑। ಅಕ್ಷತಾನ್ ಸಮರ್ಪಯಾಮಿ॥

ಬಲ॑ವಿಕರಣಾಯ॒ ನಮಃ॑। ಪುಷ್ಪಾಣಿ ಸಮರ್ಪಯಾಮಿ॥

ಬಲಾ॑ಯ॒ ನಮಃ॑। ಧೂಪಮಾಘ್ರಾಪಯಾಮಿ॥

ಬಲ॑ಪ್ರಮಥನಾಯ॒ ನಮಃ॒। ದೀಪಂ ದರ್ಶಯಾಮಿ॥

ಸರ್ವ॑ಭೂತದಮನಾಯ॒ ನಮಃ॑। ನೈವೇದ್ಯಂ ಸಮರ್ಪಯಾಮಿ॥

ಮ॒ನೋನ್ಮ॑ನಾಯ॒ ನಮಃ॑। ತಾಂಬೂಲಂ ಸಮರ್ಪಯಾಮಿ॥

ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ। ಉತ್ತರ ನೀರಾಜನಂ ಸಮರ್ಪಯಾಮಿ॥

ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್। ಮಂತ್ರಪುಷ್ಪಂ ಸಮರ್ಪಯಾಮಿ॥

ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒ ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್। ಪ್ರದಕ್ಷಿಣನಮಸ್ಕಾರಾನ್ ಸಮರ್ಪಯಾಮಿ॥

ಪುಷ್ಪ ಪೂಜಾ

ಅಥಾಸ್ಯಾಷ್ಟಭಿರ್ಮಂತ್ರೈರಷ್ಟೌ ಪುಷ್ಪಾಣಿ ದದಾತಿ ತರ್ಪಯತಿ ಚ​।

ಭ॒ವಾಯ॑ ದೇ॒ವಾಯ॒ ನಮಃ॑। ಅರ್ಕಪುಷ್ಪಂ ಪೂಜಯಾಮಿ।

ಶ॒ರ್ವಾಯ॑ ದೇ॒ವಾಯ॒ ನಮಃ॑। ಚಂಪಕಪುಷ್ಪಂ ಪೂಜಯಾಮಿ।

ಈಶಾ॑ನಾಯ ದೇ॒ವಾಯ॒ ನಮಃ॑। ಪುನ್ನಾಗಪುಷ್ಪಂ ಪೂಜಯಾಮಿ।

ಪ॒ಶು॒ಪತ॑ಯೇ ದೇ॒ವಾಯ॒ ನಮಃ॑। ನಂದ್ಯಾವರ್ತಪುಷ್ಪಂ ಪೂಜಯಾಮಿ।

ರು॒ದ್ರಾಯ॑ ದೇ॒ವಾಯ॒ ನಮಃ॑। ಪಾಟಲಪುಷ್ಪಂ ಪೂಜಯಾಮಿ।

ಉ॒ಗ್ರಾಯ॑ ದೇ॒ವಾಯ॒ ನಮಃ॑। ಬೃಹತೀಪುಷ್ಪಂ ಪೂಜಯಾಮಿ।

ಭೀ॒ಮಾಯ॑ ದೇ॒ವಾಯ॒ ನಮಃ॑। ಕರವೀರಪುಷ್ಪಂ ಪೂಜಯಾಮಿ।

ಮ॒ಹ॒ತೇ ದೇ॒ವಾಯ॒ ನಮಃ॑। ದ್ರೋಣಪುಷ್ಪಂ ಪೂಜಯಾಮಿ।

ಭವಸ್ಯ॑ ದೇ॒ವಸ್ಯ॒ ಪತ್ನೈ ನಮಃ॑। ಅರ್ಕಪುಷ್ಪಂ ಪೂಜಯಾಮಿ।

ಶ॒ರ್ವಸ್ಯ॑ ದೇ॒ವಸ್ಯ॒ ಪತ್ನೈ ನಮಃ॑। ಚಂಪಕಪುಷ್ಪಂ ಪೂಜಯಾಮಿ।

ಈಶಾ॑ನಸ್ಯ ದೇ॒ವಸ್ಯ॒ ಪತ್ನೈ ನಮಃ॑। ಪುನ್ನಾಗಪುಷ್ಪಂ ಪೂಜಯಾಮಿ।

ಪಶು॒ಪತೇ᳚ರ್ದೇ॒ವಸ್ಯ॒ ದೇವಸ್ಯ ಪತ್ನೈ ನಮಃ॑। ನಂದ್ಯಾವರ್ತಪುಷ್ಪಂ ಪೂಜಯಾಮಿ।

ರು॒ದ್ರಸ್ಯ॑ ದೇ॒ವಸ್ಯ॒ ಪತ್ನೈ ನಮಃ॑। ಪಾಟಲಪುಷ್ಪಂ ಪೂಜಯಾಮಿ।

ಉ॒ಗ್ರಸ್ಯ॑ ದೇ॒ವಸ್ಯ॒ ಪತ್ನೈ ನಮಃ॑। ಬೃಹತೀಪುಷ್ಪಂ ಪೂಜಯಾಮಿ।

ಭೀ॒ಮಸ್ಯ॑ ದೇ॒ವಸ್ಯ॒ ಪತ್ನೈ ನಮಃ॑। ಕರವೀರಪುಷ್ಪಂ ಪೂಜಯಾಮಿ।

ಮ॒ಹ॒ತೋ ದೇ॒ವಸ್ಯ॒ ದೇವಸ್ಯ ಪತ್ನೈ ನಮಃ॑। ದ್ರೋಣಪುಷ್ಪಂ ಪೂಜಯಾಮಿ।

ತರ್ಪಣಮ್

ಭವಂ ದೇವಂ ತರ್ಪಯಾಮಿ। ಶರ್ವಂ ದೇವಂ ತರ್ಪಯಾಮಿ। ಈಶಾನಂ ದೇವಂ ತರ್ಪಯಾಮಿ। ಪಶುಪತಿಂ ದೇವಂ ತರ್ಪಯಾಮಿ। ರುದ್ರಂ ದೇವಂ ತರ್ಪಯಾಮಿ। ಉಗ್ರಂ ದೇವಂ ತರ್ಪಯಾಮಿ। ಭೀಮಂ ದೇವಂ ತರ್ಪಯಾಮಿ। ಮಹಾಂತಂ ದೇವಂ ತರ್ಪಯಾಮಿ।

ಭವಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಶರ್ವಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಈಶಾನಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಪಶುಪತೇರ್ದೇವಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ರುದ್ರಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಉಗ್ರಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಭೀಮಸ್ಯ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ। ಮಹತೋ ದೇವಸ್ಯ ಪತ್ನೀಸ್ತರ್ಪಯಾಮಿ ತರ್ಪಯಾಮಿ।

ಮಂತ್ರ ಜಪ​

ಅಘೋರೇಭ್ಯಸ್ತತ್ಪುರುಷಾಯೇತಿ ರುದ್ರಗಾಯತ್ರೀಂ ಜಪೇದ್ದಶಕೃತ್ವ​-ಶತಕೃತ್ವ​-ಸ್ಸಹಸ್ರಕೃತೋಽಪರಿಮಿತಕೃತ್ವೋ ವಾ ದಶವಾರಮಥೈನಮಾಶಿಷಮಾಶಾಸ್ತೇ।

ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ। ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ॥ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ। ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್॥

ನಿರ್ಮಾಲ್ಯ ವಿಸರ್ಜನ​

ಆಶಾ᳚ಸ್ತೇ॒ಽಯಂ ಯಜ॑ಮಾನೋ॒ಽಸೌ। ಆಯು॒ರಾಶಾ᳚ಸ್ತೇ। ಸು॒ಪ್ರ॒ಜಾ॒ಸ್ತ್ವಮಾಶಾ᳚ಸ್ತೇ। ಸ॒ಜಾ॒ತ॒ವ॒ನ॒ಸ್ಯಾಮಾಶಾ᳚ಸ್ತೇ। ಉತ್ತ॑ರಾಂ ದೇವಯ॒ಜ್ಯಾಮಾಶಾ᳚ಸ್ತೇ। ಭೂಯೋ॑ ಹವಿ॒ಷ್ಕರ॑ಣ॒ಮಾಶಾ᳚ಸ್ತೇ। ದಿ॒ವ್ಯಂ ಧಾಮಾಶಾ᳚ಸ್ತೇ। ವಿಶ್ವಂ॑ ಪ್ರಿ॒ಯಮಾಶಾ᳚ಸ್ತೇ। ಯದ॒ನೇನ॑ ಹ॒ವಿಷಾಽಽಶಾ᳚ಸ್ತೇ। ತದ॑ಶ್ಯಾ॒ತ್ತದೃ॑ದ್ಧ್ಯಾತ್। ತದ॑ಸ್ಮೈ ದೇ॒ವಾ ರಾ॑ಸಂತಾಂ। ತದ॒ಗ್ನಿರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ। ವ॒ಯಮ॒ಗ್ನೇರ್ಮಾನು॑ಷಾಃ। ಇ॒ಷ್ಟಂ ಚ॑ ವೀ॒ತಂ ಚ॑। ಉ॒ಭೇ ಚ॑ ನೋ॒ ದ್ಯಾವಾ॑ಪೃಥಿ॒ವೀ ಅಗ್ಂಹ॑ಸಃ ಸ್ಪಾತಾಂ। ಇ॒ಹ ಗತಿ॑ರ್ವಾ॒ಮಸ್ಯೇ॒ದಂ ಚ॑। ನಮೋ॑ ದೇ॒ವೇಭ್ಯಃ॑॥

ಉತ್ತರತಃ ಚಂಡೀಶ್ವರಾಯ ನಮಃ। ನಿರ್ಮಾಲ್ಯಂ ವಿಸೃಜ್ಯ​॥

ಅಥೈತಸ್ಯ ಮೂರ್ಧ್ನೀ ಹಿರಣ್ಯ ಕಲಶೋದಕೇನ ಸಂತತಧಾರಾ ಅಭಿಷಿಂಚನ್‌ ಪಯಸಾ ಸರ್ಪಿಷಾ ದಧ್ನಾ ಮಧುನಾಚೇಕ್ಷುರಸೇನಾಮ್ರರಸೇನ ನಾರಿಕೇಳಸಲಿಲೇನ ಪುಷ್ಪೋದಕೇನ ಫಲೋದಕೇನ ಗಂಧೋದಕೇನ ಕುಶೋದಕೇನ ಚ ತದಲಭೇ ಶುದ್ಧೋದಕೇನ ವಾ। ಆದೌ ಶಂಚಮ ಇತ್ಯನುವಾಕಂ ನಮಸ್ತೇರುದ್ರಮನ್ಯವ ಇತ್ಯಾಕಾದಶಾನುವಾಕಾನ್ ಅಗ್ನಾವಿಷ್ಣೂ ಸಜೋಷಸಾ ಇತ್ಯೇಕಾದಶಾನುವಾಕಾನಾಮೇಕಂ ಚ ಜಪೇತ್।

ಓಂ ಅಸ್ಯ ಶ್ರೀರುದ್ರಪ್ರಶ್ನಮಹಾಮಂತ್ರಸ್ಯ। ಅಘೋರ ಋಷಿಃ। ಅನುಷ್ಟುಪ್ ಛಂದಃ। ಸಂಕರ್ಷಣಮೂರ್ತಿಸ್ವರೂಪೋಯಃ ಅಸಾವಾದಿತ್ಯಃ ಪರಮಪುಪುರುಷಃ ಸ ಏಷ ರುದ್ರೋ ದೇವತಾ। ನಮಶ್ಶಿವಾಯೇತಿ ಬೀಜಮ್। ಶಿವತರಾಯೇತಿ ಶಕ್ತಿಃ। ಮಹಾದೇವಾಯೇತಿ ಕೀಲಕಮ್। ಸಾಂಬಪರಮೇಶ್ವರ ಪ್ರಸಾದ ಸಿದ್ಧ್ಯರ್ಥೇ ರುದ್ರಜಪಾಭಿಷೇಕೇ ವಿನಿಯೋಗಃ॥

ಕರನ್ಯಾಸಃ :

ಅಗ್ನಿಹೋತ್ರಾತ್ಮನೇ ಅಂಗುಷ್ಠಾಭ್ಯಾಂ ನಮಃ।

ದಶಪೂರ್ಣಮಾಸಾತ್ಮನೇ ತರ್ಜನೀಭ್ಯಾಂ ನಮಃ।

ಚಾತುರ್ಮಾಸ್ಯಾತ್ಮನೇ ಮಧ್ಯಮಾಭ್ಯಾಂ ನಮಃ।

ನಿರೂಢಪಶುಬಂಧಾತ್ಮನೇ ಅನಾಮಿಕಾಭ್ಯಾಂ ನಮಃ।

ಜ್ಯೋತಿಷ್ಟೋಮಾತ್ಮನೇ ಕನಿಷ್ಠಿಕಾಭ್ಯಾಂ ನಮಃ।

ಸರ್ವಕ್ರತ್ವಾತ್ಮನೇ ಕರತಲಕಪೃಷ್ಠಾಭ್ಯಾಂ ನಮಃ॥

​ಅಂಗನ್ಯಾಸಃ

ಅಗ್ನಿಹೋತ್ರಾತ್ಮನೇ ಹೃದಯಾಯ ನಮಃ।

ದಶಪೂರ್ಣಮಾಸಾತ್ಮನೇ ಶಿರಸೇ ಸ್ವಾಹಾ।

ಚಾತುರ್ಮಾಸ್ಯಾತ್ಮನೇ ಶಿಖಾಯೈ ವಷಟ್।

ನಿರೂಢಪಶುಬಂಧಾತ್ಮನೇ ಕವಚಾಯ ಹುಮ್।

ಜ್ಯೋತಿಷ್ಟೋಮಾತ್ಮನೇ ನೇತ್ರತ್ರಯಾಯ ವೌಷಟ್।

ಸರ್ವಕ್ರತ್ವಾತ್ಮನೇ ಅಸ್ತ್ರಾಯ ಫಟ್।

ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ॥

ಧ್ಯಾನಂ

ಆಪಾತಾಲ-ನಭನ್ಥ್ಸಲಾಂತ-ಭುವನ-ಬ್ರಹ್ಮಾಂಡಮಾವಿಸ್ಫುರಜ್ಜ್ಯೋತಿಃ।

ಸ್ಫಾಟಿಕ ಲಿಂಗಮೌಲಿ ವಿಲಸ್ತ್ಪೂಣೇಂದುವಾಂತಾಮೃತ್ಯೈಃ।

ಅಸ್ತೋಕಾಪ್ಲುತಮೇಕಮೀಶಮನಿಶಂ ರುದ್ರಾನುವಾಕಾನ್ ಜಪನ್।

ಧ್ಯಾಯೇದೀಪ್ಸಿತ ಸಿದ್ಧಯೇ ಧ್ರುವಪದಂ ವಿಪ್ರೋಽಭಿಷಿಂಚೇಚ್ಛಿವಮ್॥

ಬ್ರಹ್ಮಾಂಡವ್ಯಾಪ್ತರೇಹಾಭಸಿತ ಹಿಮರುಚಾ ಭಾಸಮಾನಾ ಭುಜಂಗೈಃ।

ಕಂಠೇ ಕಾಲಾಃ ಕಪರ್ದಾ ಕಲಿತ ಶಶಿಕಲಾಶ್ಚಂಡಕೋದಂಡಹಸ್ತಾಃ।

ತ್ರ್ಯಕ್ಷಾರುದ್ರಾಕ್ಷಭೂಷಾಃ ಪ್ರಣತಭಯಹರಾಶ್ಶಾಂಭವಾ ಮೂರ್ತಿಭೇದಾಃ।

ರುದ್ರಾಶ್ಶೀರುದ್ರಸೂಕ್ತ ಪ್ರಕಟಿತವಿಭವಾನಃ ಪ್ರಯಚ್ಛಂತು ಸೌಖ್ಯಮ್॥

ಶುದ್ಧಸ್ಫಟಿಕಸಂಕಾಶಂ ಶುದ್ಧವಿದ್ಯಾ ಪ್ರದಾಯಕಮ್।

ಶುದ್ಧ ಪೂರ್ಣಂ ಚಿದಾನಂದಂ ಸದಾಶಿವಮಹಂ ಭಜೇ॥

ಶಂ ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯಂ ಚ॑ ಮೇಽನುಕಾ॒ಮಶ್ಚ॑ ಮೇ॒ ಕಾಮ॑ಶ್ಚ ಮೇ ಸೌಮನ॒ಸಶ್ಚ॑ ಮೇ ಭ॒ದ್ರಂ ಚ॑ ಮೇ॒ ಶ್ರೇಯ॑ಶ್ಚ ಮೇ॒ ವಸ್ಯ॑ಶ್ಚ ಮೇ॒ ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣಂ ಚ ಮೇ ಯಂ॒ತಾ ಚ॑ ಮೇ ಧ॒ರ್ತಾ ಚ॑ ಮೇ॒ ಕ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒ ವಿಶ್ವಂ॑ ಚ ಮೇ॒ ಮಹ॑ಶ್ಚ ಮೇ ಸಂ॒ವಿಚ್ಚ॑ ಮೇ॒ ಜ್ಞಾತ್ರಂ॑ ಚ ಮೇ॒ ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒ ಸೀರಂ॑ ಚ ಮೇ ಲ॒ಯಶ್ಚ॑ ಮ ಋ॒ತಂ ಚ॑ ಮೇ॒ಽಮೃತಂ॑ ಚ ಮೇಽಯ॒ಕ್ಷ್ಮಂ ಚ॒ ಮೇಽನಾ॑ಮಯಚ್ಚ ಮೇ ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವಂ ಚ॑ ಮೇಽನಮಿ॒ತ್ರಂ ಚ॒ ಮೇಽಭ॑ಯಂ ಚ ಮೇ ಸು॒ಗಂ ಚ॑ ಮೇ॒ ಶಯ॑ನಂ ಚ ಮೇ ಸೂ॒ಷಾ ಚ॑ ಮೇ ಸು॒ದಿನಂ॑ ಚ ಮೇ॥

ನಮಕಮ್

ಚಮಕಮ್

ಸರ್ವೆಷಾಂ ವಾರೇ ವಾರೇ ಪುನರಾರಾಧನಮುತ್ತರಾರಾಧನಂ।

ಸದಾ ಗೃಹೀ ಪಾಪಕ್ಷಯಾರ್ಥೀ ವ್ಯಾಧಿನಾಶನಾರ್ಥೀ ಶತ್ರುನಾಶನಾರ್ಥೀ ಜೀವಿತಾರ್ಥೀ ಪುತ್ರಾರ್ಥೀ ಕಾಮ್ಯಾರ್ಥೀ ಚ ಕುರ್ವೀತ। ಶ್ರೀಕಾಮಃ ಶಾಂತಿಕಾಮಃ ಪುಷ್ಟಿಕಾಮಸ್ತುಷ್ಟಿಕಾಮಃ ಪ್ರಜ್ಞಾಕಾಮೋ ಮೇಧಾಕಾಮ ಆಯುಷ್ಯಕಾಮ ಆರೋಗ್ಯಕಾಮೋನ್ನಾದ್ಯಕಾಮೋ ವಾ। ಏವಂ ಕುರ್ವನ್ನಾ ಚಾರ್ಯಾಯ ದಕ್ಷಿಣಾಂ ದದ್ಯಾದ್ದಶಗಾವಸ್ಸವತ್ಸಾಸ್ಸಪಯಸಸ್ಸ್ವರ್ಣಶೃಂಗೀ ರೌಪ್ಯ ಖುರಾ ಮೌಕ್ತಿಕವಾಲಾಃ। ತದಭಾವ ಏಕಾಂ ಗಾಂ ದದ್ಯಾದೇಕಾದಶ ಬ್ರಾಹ್ಮಣಾನ್‌ ಭೋಜಯೇದಶ್ವಮೇಧಕ್ರತುಸಹಸ್ರಫಲಮವಾಪ್ನೋತೀತ್ಯಾಹ ಭಗವಾನ್‌ ಬೋಧಾಯನಃ॥

ಏವಂ ಯಃ ಕುರುತೇ ನಿತ್ಯಂ ಸರ್ವಪಾಪೈಃ ಪ್ರಮುಚ್ಛತೇ। ಸರ್ವಾನ್ಕಾಮಾನವಾಪ್ನೋತಿ ಶಿವಸಾಯುಜ್ಯಮಾಪ್ನುಯಾತ್॥